മാരുതി ആൾട്ടോ

ഇംഗ്ലീഷ് വിലാസം

https://ml.wikipedia.org/wiki/Maruti_Alto

ആൾട്ടോ
നിർമ്മാതാവ്	മാരുതി
മാതൃസ്ഥാപനം	സുസുകി
വിഭാഗം	എ1
രൂപഘടന	ചെറിയകാർ
എൻ‌ജിൻ	796cc/3cyl 46bhp
ഗിയർ മാറ്റം	മാനുവൽ
നീളം	3495മിമീ
വീതി	1495മിമീ
ഉയരം	1460മിമീ
ഭാരം	740 കിലോഗ്രാം
നിറയ്ക്കാവുന്ന ഇന്ധനത്തിന്റെ അളവ്	35 ലിറ്റർ
ബന്ധുക്കൾ	സാൻ‌ട്രോ,വാഗൺ ആർ,ഇൻഡിക്ക

മാരുതി സുസുക്കി കമ്പനി ഇന്ത്യയിൽ നിർമ്മിക്കുന്ന ഒരു ചെറു നഗരോപയോഗ കാറാണ് മാരുതി ഓൾട്ടോ. 2000, സെപ്റ്റംബർ 27-നാണ് ഇന്ത്യൻ വിപണിയിൽ ഇത് പുറത്തിറങ്ങിയത്. എങ്കിലും 1994 മുതൽ തന്നെ ഇന്ത്യയിൽ നിന്ന് യൂറോപ്പിലേക്ക് മാരുതി സെൻ കാറുകൾ കയറ്റി അയച്ചിരുന്നത് ഈ പേരിലാണ്. ഇന്ത്യയിൽ ഏറ്റവുമധികം വിൽക്കപ്പെട്ട ഹാച്ച്ബാക്കാണിത്. 2006-ൽ ഓൾട്ടോ ഇന്ത്യയിലെ ഏറ്റവും ഉയർന്ന വില്പനയുള്ള കാറായി. 2008 ഫെബ്രുവരിയിൽ ഉല്പാദനം 10 ലക്ഷം കടന്ന ഓൾട്ടോ ഈ നേട്ടം കൈവരിക്കുന്ന മാരുതിയുടെ മൂന്നാമത്തെ കാറായി. മാരുതി 800, മാരുതി ഒംനി, ഹ്യൂണ്ടായ് സാൻട്രൊ എന്നിവയാണ് ഇന്ത്യയിലെ ഈ നേട്ടം കൈവരിച്ച മറ്റ് കാറുകൾ. 1994-2004 കാലയളവിൽ യൂറോപ്യൻ രാജ്യങ്ങളുൾപ്പെടെ പല രാജ്യങ്ങളിലേക്കും ഓൾട്ടോ കയറ്റുമതി ചെയ്യപ്പെട്ടിരുന്നു. 2022 ഓഗസ്റ്റിൽ പുതിയ പതിപ്പ്  നിലവിൽ വന്നു.