അഞ്ചൽ

ഇംഗ്ലീഷ് വിലാസം

https://ml.wikipedia.org/wiki/Anchal

അഞ്ചൽ എന്ന വാക്കാൽ വിവക്ഷിക്കാവുന്ന ഒന്നിലധികം കാര്യങ്ങളുണ്ട്. അവയെക്കുറിച്ചറിയാൻ അഞ്ചൽ (വിവക്ഷകൾ) എന്ന താൾ കാണുക.

അഞ്ചൽ
അഞ്ചൽ
8°55′44″N 76°54′31″E / 8.928820°N 76.908523°E / 8.928820; 76.908523
ഭൂമിശാസ്ത്ര പ്രാധാന്യം	പട്ടണം
രാജ്യം	ഇന്ത്യ
സംസ്ഥാനം	കേരളം
ജില്ല	കൊല്ലം
ഭരണസ്ഥാപനം(ങ്ങൾ)	{{{ഭരണസ്ഥാപനങ്ങൾ}}}
'
'
'
വിസ്തീർണ്ണം	ചതുരശ്ര കിലോമീറ്റർ
ജനസംഖ്യ	87,289(7 കി.മീ ചുറ്റളവിൽ)
ജനസാന്ദ്രത	/ച.കി.മീ
കോഡുകൾ • തപാൽ • ടെലിഫോൺ	691306 ++91 0475
സമയമേഖല	UTC +5:30
പ്രധാന ആകർഷണങ്ങൾ

കേരളത്തിലെ കൊല്ലം ജില്ലയിലെ ഒരു പട്ടണമാണ് അഞ്ചൽ. കൊല്ലം നഗരത്തിൽ നിന്നും 40 കിലോമീറ്റർ കിഴക്കും തിരുവനന്തപുരം നഗരത്തിൽ നിന്നും 60 കിലോമീറ്റർ വടക്കുകിഴക്കും ആണ് അഞ്ചൽ പട്ടണം സ്ഥിതി ചെയ്യുന്നത്‌.ഇന്ന് വികസനവേഗതയിൽ കേരളത്തിൽ രണ്ടാം സ്ഥാനത്താണ് അഞ്ചൽ പട്ടണം.

പേരിനുപിന്നിൽ[തിരുത്തുക]

അഞ്ച് ചൊല്ലുകൾ ചേർന്നിടം അഞ്ചൽ ആയി എന്നാണു ഐതിഹ്യം. ഇന്നും കുരുക്കഴിക്കാൻ കഴിയാത്ത ആ അഞ്ചു ചൊല്ലുകൾ താഴേ പറയുന്നവയാണ്.

അഞ്ചൽക്കുളം കുളമോ ചിറയോ?
അഗസ്ത്യക്കോട് മുനി ആണോ പെണ്ണോ?
ഏറത്ത് അമ്പലം വയലിലോ കരയിലോ?
വടമൺ കാഞ്ഞിരം കയ്ക്കുമോ മധുരിക്കുമോ?
കുറുമക്കാട് കുടുംബം ഇല്ലമോ സ്വരൂപമോ?

എന്നിവയാണ് ആ ചൊല്ലുകൾ^{[അവലംബം ആവശ്യമാണ്]}.

അഞ്ചൽക്കുളം കുളമോ ചിറയോ?[തിരുത്തുക]

അഞ്ചലിൽ നിന്നും ഏകദേശം 4 കി.മീ. ഉള്ളിൽ ഏറം ജംഗ്ഷനു സമീപത്തയിട്ടാണ് ഈ ജലാശയം സ്ഥിതിചെയ്യുന്നത്. ഇതു കുളമാണോ ചിറയാണോ എന്നൊരു തർക്കം നിലനിൽക്കുന്നുണ്ട്. സാധാരണ കുളങ്ങളേക്കാൾ വലുതും ചിറയേക്കാൾ ചെറുതും, രൂപം കൊണ്ട് തിരിച്ചറിയാൻ പറ്റാത്തതുമാണ്. കുളം എന്നത് വൃത്താകൃതിയിലും ചിറ എന്നത് ചതുരാകൃതിയിലും ആണ്. ഈ കുളത്തിന്റെ ഒരു ഭാഗം വൃത്താകൃതിയിലും മറുഭാഗം ചതുരാകൃതിയിലും ആണ്. കുളം വൃത്താകൃതിയിലും ചിറ ചതുരാകൃതിയിലും ആണല്ലോ.? ഇത് രണ്ടും കൂടി ചേർന്ന അവസ്ഥയായതു കൊണ്ടാണ് ഈ ജലാശയം കുളമാണോ ചിറയാണോ എന്ന തർക്കം നില നിൽക്കുന്നത്. അഞ്ചൽ എന്ന സ്ഥലനാമത്തിലെ ഐതിഹ്യത്തിൽ പറയുന്ന അഞ്ചു ചൊല്ലുകളിൽ ഒരു ചൊല്ല് ഈ തർക്കം ആണ്.

അഗസ്ത്യക്കോട് മുനി ആണോ പെണ്ണോ?[തിരുത്തുക]

അഞ്ചലിൽ നിന്നും ഏകദേശം 1.5 കി.മീ. ഉള്ളിൽ , അഞ്ചലിൽ നിന്നും പുനലൂർ പോകുന്ന വഴിയിൽ മെയിൻ റോഡിൽ നിന്നും അല്പം അകത്തേക്ക് മാറി അഗസ്ത്യക്കോട് എന്ന സ്ഥലത്ത് സ്ഥിതിചെയ്യുന്ന വളരെ പുരാതനമായ ക്ഷേത്രത്തെ ക്കുറിച്ചാണ് രണ്ടാമത്തെ തർക്കം. ഈ മഹാക്ഷേത്രത്തിലെ പ്രതിഷ്ഠ ആണാണോ അതോ പെണ്ണാണോ എന്നത് ഇതുവരെയും കണ്ടെത്താൻ കഴിയാത്ത ഒരു സംഗതിയാണ്. ഒരു മുനിവര്യൻ അഗസ്ത്യക്കോട് തപസ്സിരുന്നതായി കരുതുന്നു. മുനിയുടെ പ്രതിഷ്ഠ കമഴ്ന്ന നിലയിലാണ് കാണുന്നത്. ഇതുമൂലം ബിംബം ഉയർത്തി നോക്കി ആണോ പെണ്ണോ എന്ന് നിർണ്ണയിക്കാനായിട്ടില്ല. അഗസ്ത്യക്കോട് ക്ഷേത്രത്തിലെ പ്രതിഷ്ഠകളിൽ ഒന്നിൽ ഒരു മാറിടം മാത്രമേ ദൃശ്യമാകുന്നുള്ളൂ എന്നതും ശ്രദ്ധയിൽ വരുന്നു. സ്ഥലനാമത്തെ സൂചിപ്പിക്കുന്ന രണ്ടാമത്തെ തർക്കം അഗസ്ത്യക്കോട് മുനി ആണോ പെണ്ണോ എന്നതാണ്. മുനിയും ആയി ബന്ധപ്പെട്ട തർക്കം ഇങ്ങനെ നില നിൽക്കുന്നു എങ്കിലും അഗസ്ത്യക്കോട് ക്ഷേത്രത്തിലെ പ്രതിഷ്ഠ ശിവലിംഗം ആണ്.

ഏറത്തെ അമ്പലം വയലിലോ കരയിലോ?[തിരുത്തുക]

ഏറം ജംഗ്ഷനിൽ കാണപ്പെടുന്ന ക്ഷേത്രം വയലിനു നടുവിലായ് മൺതിട്ടയിൽ ചുറ്റുമതിലോട് കൂടി കാണപ്പെടുന്ന ക്ഷേത്രമാണ്. ഈ ക്ഷേത്രത്തെ വയലിൽ തേവർ എന്നാണ് അറിയപ്പെടുന്നത്. ഈ ക്ഷേത്രത്തിലെ പ്രതിഷ്ഠ പാർത്ഥസാരഥിയാണ്. വയലിന്റെ മധ്യഭാഗത്ത് ആണ് ക്ഷേത്രം എങ്കിലും ക്ഷേത്രം ഇരിക്കുന്നിടം നല്ല കട്ടി തറയാണ്. വയലിന്റെ നടുക്കുള്ള ഈ കര ഭാഗം കൗതുകം ഉണർത്തുന്നു. ഒറ്റ നോട്ടത്തിൽ വയലിൽ സ്ഥിതി ചെയ്യുന്നുവെന്ന് തോന്നുമെങ്കിലും ചെറിയ ഒരു കര പ്രദേശത്താണ് പ്രതിഷ്ഠ നടത്തിയിരിക്കുന്നതെന്ന് കാണാം. കരപ്രദേശത്തെ പോലെ അടിയുറപ്പും ഈ സ്ഥലത്തിനുണ്ട്. ഐതിഹ്യത്തിൽ ഉള്ള മൂന്നാമത്തെ ചൊല്ല് ഏറത്ത് അമ്പലം വയലിലോ കരയിലോ എന്ന് വന്നത് ഈ തർക്കം കൊണ്ടാണ്. .

വടമൺ കാഞ്ഞിരം കൈയ്ക്കുമോ മധുരിക്കുമോ?[തിരുത്തുക]

ഏറത്തുനിന്നും ഏകദേശം 1.5 കി. മീ. കിഴക്കുമാറി വടമൺ പള്ളിക്കൂടത്തിന് 150മീ.കിഴക്കായി എലിക്കോട് കാവിനുസമീപം മണക്കാട്ട് മാധവൻപിള്ളയുടെ പുരയിടത്തിന്റെ തെക്കേ അതിരിലായി ഏറെ വർഷം പഴക്കമുള്ള ഒരു കാഞ്ഞിരമരം ഉണ്ടായിരുന്നു. ഏകദേശം50വർഷങ്ങൾക്ക്മുൻപ് നശിച്ചുപോയി. ഈ കാഞ്ഞിരമരത്തിന്റെ ഒരു ശിഖരത്തിന്റെ ഇലകൾക്ക് മധുര രസമാണ്. മറ്റിലകൾക്ക് പ്രത്യേക രസമോ കയ്പ്പോ ഇല്ല. ഈ മരം കായ്ക്കുന്നതായും പഴം ഉണ്ടായിട്ടുള്ളതായും ഇന്നേവരെ ആരും കണ്ടിട്ടുമില്ല. കാഞ്ഞിരക്കുരു ലഭിക്കാത്തതിനാൽ വടമൺ കാഞ്ഞിരം കയ്ക്കുമെന്നോ മധുരിക്കുമെന്നോ ആർക്കും പറയാനും കഴിയുന്നില്ല. ഈ ശിഖരം ഏതാണെന്ന് ഇതുവരെയും ആർക്കും മനസ്സിലാക്കാൻ കഴിഞ്ഞിട്ടില്ല. അഞ്ച് ചൊല്ലുകളിലെ നാലാമത്തെ ചൊല്ല് വടമൺ കാഞ്ഞിരം കയ്ക്കുമോ മധുരിക്കുമോ എന്നതാണ്.

കുറുമക്കാട് കുടുംബം ഇല്ലമോ സ്വരൂപമോ?[തിരുത്തുക]

ഏറം ഭാഗത്ത് സ്ഥിതി ചെയ്യുന്ന കുറുമക്കാട്ടു കുടുംബക്കാരുടെ യഥാർത്ഥ ജാതി എന്തെന്നറിയാൻ തെളിവുകളില്ല. വളരെ പുരാതന കുടുംബമായതു കൊണ്ട് ഇല്ലക്കാരാണോ സ്വരൂപക്കാരാണോ എന്ന് തീർച്ചപ്പെടുത്തുവാൻ കഴിയുന്നില്ല. സ്ഥലനാമം ഉത്ഭവിച്ചു എന്ന് കരുതുന്ന അഞ്ചു ചൊല്ലുകളിൽ അഞ്ചാമത്തെ ചൊല്ല് കുറുമാക്കാട്ടു കുടുംബവും ആയി ബന്ധത്തപ്പെട്ടത് ആണ്.

സ്ഥലനാമത്തിന്റെ ആവിർഭാവവും ആയി ബന്ധപ്പെട്ട മറ്റൊരു നിരീക്ഷണം അഞ്ചു ആൽ മരങ്ങൾ നിന്നിടം ലോപിച്ച് അഞ്ചൽ ആയി എന്നതാണ്. വനഭാഗവും തണൽ മരങ്ങളുടെ കുറ്റികൾ ഇപ്പോഴും ഗോചരങ്ങളും ആയതു കൊണ്ട് ഈ നിരീക്ഷണവും തള്ളിക്കളയാൻ കഴിയില്ല.

അഞ്ചൽ കന്നുകാലിചന്ത[തിരുത്തുക]

രാജഭരണത്തിന്റെ തകർച്ചയ്ക്കുശേഷം അഞ്ചൽ പ്രദേശത്തിന്റെ പ്രധാന കേന്ദ്രം അഞ്ചൽ ചന്തമുക്കിലായിരുന്നു. തിരുവിതാംകൂറിലെ ഏറ്റവും പഴക്കം ചെന്നതാണ് അഞ്ചൽ കന്നുകാലിച്ചന്ത. അഞ്ചലിനെക്കുറിച്ച് പുറംനാടുകളിൽ അറിയപ്പെട്ടിരുന്നത് കന്നുകാലിച്ചന്തയുടെ പേരിലായിരുന്നു. എല്ലാ മലയാള മാസവും 15-നും 30-നും ആണ് കന്നുകാലിച്ചന്ത കൂടുന്നത്. തമിഴ്നാട്ടിലെ മധുര, കടമല, മാനാപുരം, പുളിയറ തുടങ്ങിയ പ്രദേശങ്ങളിൽ നിന്നും ധാരാളം ആളുകൾ ഇവിടെ കന്നുകാലികളെ കച്ചവടത്തിന് കോണ്ടു വന്നിരുന്നു. ഇന്നത്തെ പഞ്ചായത്ത് പ്രൈവറ്റ് ബസ്റ്റാന്റ് മൈതാനത്തിലായിരുന്നു അന്നു കന്നുകാലിച്ചന്ത നടത്തിയിരുന്നത്.

അഞ്ചൽ സഹകരണസംഘം[തിരുത്തുക]

കൊല്ലവർഷം 1123 മേടം 17 ൽ ആണ് അഞ്ചലിൽ ആദ്യമായി ഒരു സഹകരണസംഘം ആരംഭിച്ചത്.ഈ പദ്ധതിയുടെ പ്രവർത്തനം തുടങ്ങിയത് വിവിധോദ്ദേശ സഹകരണ സംഘം എന്ന പേരിലാണ്.കർഷകരെ സഹായിക്കുക,നെയ്ത്തുകാരെ പ്രോത്സാഹിപ്പിക്കുക എന്നിവയൊക്കെയായിരുന്നു അക്കാലത്തെ പദ്ധതിയുടെ പ്രധാന ഉദ്ദേശങ്ങൾ.ഈ കാലത്ത് അഞ്ചൽ ആർ.ഒ.ജംഗ്ഷനിൽ ഒരു കപ്പ ഉൽപ്പാദക ക്രയവിക്രയക സംഘം വി.വി.തോമസിന്റെ നേതൃത്വത്തിൽ പ്രവർത്തിച്ചിരുന്നു.ഈ രണ്ട് സംഘങ്ങളും 1957ൽ ഒന്നായി.ഫെഡറൽ ബാങ്കിന്റ ശാഖ 1968 മെയ്20 ൽ കോളേജ് ജംഗ്ഷനിൽ സ്ഥാപിതമായി.അഞ്ചലിലെ ആദ്യത്തെ ബാങ്ക് ഇതായിരുന്നു.അഞ്ചലിലെ പഴയകാല സർക്കാർ ആഫീസുകൾ അഞ്ചൽ മാർക്കറ്റ് ജംഗ്ഷൻ കേന്ദ്രീകരിച്ചായിരുന്നു പ്രവർത്തിച്ചിരുന്നത്.

പ്രധാന ക്ഷേത്രങ്ങൾ[തിരുത്തുക]

അഞ്ചൽ തഴമേൽ ശ്രീ ആയിരവില്ലി ക്ഷേത്രം,അഗസ്ത്യക്കോട് ക്ഷേത്രം, പനയഞ്ചേരി ശ്രീധർമ്മ ശാസ്താ ക്ഷേത്രം, കളരിയിൽ ഭഗവതീക്ഷേത്രം, ഏറം ഉള്ളന്നൂർതേവർ കാവ് ഏറം ശ്രീകൃഷ്ണസ്വാമി ക്ഷേത്രം,ഏറം കൊല്ലിയിൽ ദേവി ക്ഷേത്രം, ചോരനാട് മലവട്ടം പ്ലാവറക്കോണം ശ്രീ ഭദ്രാ മഹാവിഷ്ണു ക്ഷേത്രം,വടമൺ ശ്രീകൃഷ്ണസ്വാമി ക്ഷേത്രം, വടമൺ ഏലിക്കോട്ട്‌ അപ്പൂപ്പൻ നാഗരാജകാവ് അലയമൺ ശ്രീ ആലപ്പൻ ക്ഷേത്രം തുടങ്ങിയവ. കടക്കൽ ദേവീക്ഷേത്രത്തിൽ നിന്നും 12 വർഷം കൂടുമ്പോൾ ദേവിയുടെ തിരുമുടി എഴുന്നള്ളത്ത് സഹോദരിക്ഷേത്രമായ കളരിയിൽ ഭഗവതിക്ഷേത്രത്തിൽ എത്തുകയും അവിടെ നിന്നും ഏറം ശ്രീകൃഷ്ണസ്വാമിക്ഷേത്രം, പനയഞ്ചേരി ശ്രീ ധർമശാസ്താക്ഷേത്രം വരെ എത്തി, ഇറക്കിപൂജ നടത്തുകയും, തിരികെ കടക്കൽ എത്തുകയും ചെയ്യുന്നു.

Template:collapse is not available for use in articles (see MOS:COLLAPSE).

ഉത്സവങ്ങൾ[തിരുത്തുക]

അഞ്ചലിൽ പ്രധാനമായും പഞ്ചായത്തിന്റ വകയായി എല്ലാവർഷവും മരമടിമഹോത്സവം നടത്തിവരുന്നു. അതുപോലേതന്നെ പ്രശസ്തമായ മാമ്പഴ മഹോത്സവം ഇവിടെയാണ് നടക്കുന്നത്. പണ്ട് വനമായിരുന്ന പ്രദേശത്തു ഇപ്പോൾ ഉത്സവം ധാരാളം നടക്കുന്നുണ്ട്.

ഭൂമിശാസ്ത്രം[തിരുത്തുക]

അക്ഷാംശം = 8.9000 ഡിഗ്രി, *രേഖാംശം = 76.9000 ഡിഗ്രി.
സമുദ്രനിരപ്പിൽ നിന്ന് 68 മീറ്റർ ആണ് അഞ്ചലിന്റെ ശരാശരി ഉയരം.

ഏറ്റവും അടുത്തുള്ള വിമാനത്താവളം തിരുവനന്തപുരം അന്താരാഷ്ട്ര വിമാനത്താവളം ആണ്. അടുത്തുള്ള പ്രധാന റയിൽവേ സ്റ്റേഷൻ കൊല്ലം റെയിൽ‌വേ സ്റ്റേഷൻ.

അഞ്ചലിന് അടുത്തുള്ള ചില പ്രധാന സ്ഥലങ്ങൾ പുനലൂർ, കൊട്ടാരക്കര, കുളത്തൂപ്പുഴ, കടയ്ക്കൽ ആയൂർ എന്നിവയാണ്.

അഞ്ചലിന് അടുത്തുള്ള പ്രശസ്ത വിനോദസഞ്ചാര സ്ഥലങ്ങൾ ആണ് തെന്മല,കോട്ടുക്കൽ ഗുഹാക്ഷേത്രം, കുടുക്കത്തുപാറ, ചടയമംഗലം ഇക്കോ ടൂറിസം, (10 കിലോമീറ്റർ അകലെ )പാലരുവി വെള്ളച്ചാട്ടം (45 കിലോമീറ്റർ അകലെ) എന്നിവ. തെന്മല പരിസ്ഥിതി-വിനോദസഞ്ചാര കേന്ദ്രം 28 കിലോമീറ്റർ അകലെയാണ്.

അഞ്ചലിലെ പ്രധാ‍ന കാർഷിക-നാണ്യവിഭവങ്ങൾ റബ്ബർ, കുരുമുളക്,കശുവണ്ടി എന്നിവയാണ്.

പ്രശസ്ത വ്യക്തികൾ[തിരുത്തുക]

അവലംബം[തിരുത്തുക]

ക സ തി കൊല്ലം ജില്ല
ജില്ലാ കേന്ദ്രം: കൊല്ലം
കൊല്ലം	കൊല്ലം · പരവൂർ · പുനലൂർ · കൊട്ടാരക്കര · പുത്തൂർ · ശാസ്താംകോട്ട · അഞ്ചൽ · കുണ്ടറ · വാളകം · ആയൂർ · ഓയൂർ · പത്തനാപുരം · ചാത്തന്നൂർ · ചടയമംഗലം · കടയ്ക്കൽ · കുന്നത്തൂർ · തെന്മല · ചവറ · കരുനാഗപ്പള്ളി
ആലപ്പുഴ · എറണാകുളം · ഇടുക്കി · കണ്ണൂർ · കാസർഗോഡ് · കൊല്ലം · കോട്ടയം · കോഴിക്കോട് · മലപ്പുറം · പാലക്കാട് · പത്തനംതിട്ട · തിരുവനന്തപുരം · തൃശ്ശൂർ · വയനാട്