ഹര്ഷവര്ദ്ധനന്
വിക്കിപീഡിയ, ഒരു സ്വതന്ത്ര വിജ്ഞാനകോശം.
ഉത്തരേന്ത്യയെ നാല്പ്പതോളം വര്ഷം ഭരിച്ച ഒരു രാജാവായിരുന്നു ഹര്ഷന് അഥവാ ഹര്ഷവര്ദ്ധനന് (हर्षवर्धन) (590–647). പ്രഭാകരവര്ദ്ധനന്റെ മകനും താനേസറിലെ രാജാവായ രാജ്യവര്ദ്ധനന്റെ സഹോദരനുമായിരുന്നു ഹര്ഷവര്ദ്ധനന്.ഹര്ഷന്റെ സദസ്സിലെ പ്രമുഖനായിരുന്നു ബാണഭട്ടന്. ഹര്ഷന്റെ ജീവചരിത്രമായ ഹര്ഷചരിതം രചിച്ചത് ഇദ്ദേഹമാണ്.
ഹര്ഷവര്ദ്ധനന് ഉത്തര ഇന്ത്യയിലെ അവസാന ഹിന്ദു രാജാവായിരുന്നു.[അവലംബം ചേര്ക്കേണ്ടതുണ്ട്].ഹര്ഷന്റെ തലസ്ഥാനം കനൗജ് ആയിരുന്നു. സാമ്രാജ്യത്തിന്റെ ഉന്നതിയില് അദ്ദേഹത്തിന്റെ രാജ്യം പഞ്ചാബ്, ബംഗാള്, ഒറീസ്സ എന്നിവിടങ്ങളും നര്മ്മദ നദിയുടെ വടക്കോട്ടുള്ള സിന്ധൂ-ഗംഗാ സമതലം മുഴുവനും വ്യാപിച്ചു കിടന്നു.
ഉള്ളടക്കം |
[തിരുത്തുക] അധികാരവും സാമ്രാജ്യവികസനവും
ആറാം നൂറ്റാണ്ടില് ഗുപ്തസാമ്രാജ്യത്തിന്റെ പതനത്തിനുശേഷം വടക്കേ ഇന്ത്യ ചെറിയ നാട്ടുരാജ്യങ്ങളും റിപ്പബ്ലിക്കുകളും ആയിത്തീര്ന്നു. ഹര്ഷവര്ദ്ധനന് പഞ്ചാബു മുതല് മദ്ധ്യേന്ത്യ വരെയുള്ള ഈ നാട്ടുരാജ്യങ്ങളെ ഏകീകരിച്ചു. ഈ നാട്ടുരാജ്യങ്ങളിലെ പ്രതിനിധികള് ഒരു സഭയില് വെച്ച് ഹര്ഷവര്ദ്ധനനെ എ.ഡി. 606 ഏപ്രിലില് രാജാവായി അവരോധിച്ചു. അന്ന് ഹര്ഷവര്ദ്ധനന് 16 വയസ്സു മാത്രം ആയിരുന്നു പ്രായം.
ഹര്ഷന് തന്റെ പിതാവിന്റെ മൂത്തപുത്രനായിരുന്നില്ല. തന്റെ പിതാവിന്റേയും ജ്യേഷ്ടന്റേയും മരണശേഷമാണ് അദ്ദേഹം താനേസറിലെ രാജാവായി അധികാരമേറ്റത്. കനൂജിലെ രാജാവായിരുന്ന തന്റെ മാതുലനെ ബംഗാള് രാജാവ് വധിച്ചതിനെത്തുടര്ന്ന് ഹര്ഷന് കനൂജിലെ ഭരണം ഏറ്റെടുത്ത് ബംഗാള് രാജാവിനെതിരെ യുദ്ധം നടത്തി. ഇതിനെത്തുടര്ന്ന് ബംഗാളും മഗധയും പിടിച്ചടക്കി[1].
പിന്നീട് നര്മ്മദക്ക് കുറുകേ ഡെക്കാനിലേക്ക് ആക്രമണം നടത്താന് ശ്രമിച്ചെങ്കിലും ഇതില് വിജയം കണ്ടില്ല. ചാലൂക്യവംശത്തില്പ്പെട്ട പുലികേശി രണ്ടാമനാണ് ഹര്ഷനെ തോല്പ്പിച്ച് ഇതില് നിന്നും പിന്തിരിപ്പിച്ചത്[1].
[തിരുത്തുക] ഹര്ഷചരിതം
ഹര്ഷന്റെ ജീവചരിത്രം അദ്ദേഹത്തിന്റെ കൊട്ടാരം കവിയായിരുന്ന ബാണഭട്ടന് സംസ്കൃതകാവ്യമായി എഴുതിയിട്ടുണ്ട്. ഇതാണ് ഹര്ഷചരിതം. ഇതില് ഹര്ഷന്റെ കുടുംബപരമ്പരയെക്കുറിച്ചും അദ്ദേഹം രാജാവാകുന്നതുവരെയുള്ള കാലഘട്ടത്തേയും വിശദീകരിച്ചിരിക്കുന്നു. ഹര്ഷന്റെ കാലഘട്ടത്തില് ഇന്ത്യ സന്ദര്ശിച്ച ചൈനീസ് സഞ്ചാരിയാണ് ഷ്വാന് ത്സാങ് (ഹുയാന് സാങ്). ഇദ്ദേഹം തന്റെ സന്ദര്ശനവേളയില് കുറേക്കാലം ഹര്ഷന്റെ സദസ്സില് ചെലവഴിച്ചിരുന്നു[1].
| ഇന്ത്യയിലെ മദ്ധ്യകാല സാമ്രാജ്യങ്ങള് | ||||||||||||
| സമയരേഖ: | വടക്കന് സാമ്രാജ്യങ്ങള് | തെക്കന് സാമ്രാജ്യങ്ങള് | വടക്കുപടിഞ്ഞാറന് സാമ്രാജ്യങ്ങള് | |||||||||
|---|---|---|---|---|---|---|---|---|---|---|---|---|
|
ക്രി.മു. 6-ആം നൂറ്റാണ്ട് |
|
|
(പേര്ഷ്യന് ഭരണം) |
|||||||||
[തിരുത്തുക] കുറിപ്പുകള്
[തിരുത്തുക] അവലംബം
- ↑ 1.0 1.1 1.2 "CHAPTER 11 - NEW EMPIRES AND KINGDOMS". Social Science - Class VI - Our Pasts-I. New Delhi: NCERT. 2007. pp. 111-114. ISBN 8174504931. http://www.ncert.nic.in/textbooks/testing/Index.htm.
 |
ഈ ലേഖനം അപൂര്ണ്ണമാണ്. ഇതു പൂര്ത്തിയാക്കുവാന് സഹകരിക്കുക. |
