ഹബ്ബിള് അള്ട്രാ ഡീപ് ഫീല്ഡ്
വിക്കിപീഡിയ, ഒരു സ്വതന്ത്ര വിജ്ഞാനകോശം.
അഗ്നികുണ്ഡം നക്ഷത്രരാശിയിലെ ചെറിയ ഒരു ഭാഗത്തെ ചിത്രമാണ് ഹബിള് അള്ട്രാ ഡീപ് ഫീല്ഡ്. 2003 സെപ്റ്റംബര് 3 മുതല് 2004 ജനുവരി 16 വരെയുള്ള കാലയളവില് ഹബിള് ബഹിരാകാശ ദൂരദര്ശിനിയില് നിന്നുള്ള വിവരങ്ങളുടെ അടിസ്ഥാനത്തിലാണ് ഈ ചിത്രം തയ്യാറാക്കിയിരിക്കുന്നത്. ഇതുവരെ എടുത്തിട്ടുള്ള പ്രപഞ്ചദൃശ്യങ്ങളില് വച്ച് ദൃശ്യപ്രകാശത്തിലെടുത്തിട്ടുള്ള ഏറ്റവും ആഴമേറിയ ചിത്രമാണിത്. 1,300 കോടി വര്ഷം പുറകിലോട്ട് നോക്കുന്നതിന് തുല്യമാണിത്. 10,000 ന് അടുത്ത് താരാപഥങ്ങള് ഈ ചിത്രത്തിലുണ്ട്.
[തിരുത്തുക] സ്ഥാനം
ശബരന് രാശിക്ക് തെക്കുപടിഞ്ഞാറായി അഗ്നികുണ്ഡം നക്ഷത്രരാശിയിലായാണ് ഹബിള് അള്ട്രാ ഡീപ് ഫീല്ഡ് നിലകൊള്ളുന്നത്. ദക്ഷിണാര്ദ്ധഖഗോളത്തിലാണ് ഈ ഭാഗം. 11 ചതുരശ്ര ആര്ക് മിനിറ്റ് മാത്രമാണ് കോണീയ വിസ്തീര്ണ്ണം. ഒരു മീറ്റര് ദൂരെയുള്ള 1mm
1mm ചതുരത്തിലേക്ക് നോക്കുന്നതിന് സമമാണിത്.
[തിരുത്തുക] കണ്ടെത്തലുകള്
ഹബിള് അള്ട്രാ ഡീപ് ഫീല്ഡ് പഠനങ്ങള് ഉപയോഗിച്ച് നടത്തിയ പ്രധാന കണ്ടെത്തലുകള് ഇവയാണ്:
- താരാപഥങ്ങളില് ആദ്യകാലത്ത് (പ്രപഞ്ചത്തിന്റെ പ്രായം നൂറു കോടി വര്ഷത്തില് താഴെ) ഉയര്ന്ന നിരക്കില് നക്ഷത്രങ്ങള് സൃഷ്ടിക്കപ്പെട്ടിരുന്നു
- ചുവപ്പുനീക്കം കൂടിയ താരാപഥങ്ങള് ചുവപ്പുനീക്കം കുറഞ്ഞവയെക്കാള് ചെറുതും സമമിതി കുറഞ്ഞവയുമാണ്. പ്രപഞ്ചത്തിന്റെ ആദ്യകാലത്ത് ഗാലക്സികള് വളരെ വേഗത്തില് പരിണമിച്ചിരുന്നുവെന്ന് ഇത് തെളിയിക്കുന്നു.
 |
ജ്യോതിശാസ്ത്രവുമായി ബന്ധപ്പെട്ട ഈ ലേഖനം അപൂര്ണ്ണമാണ്. ഇതു വികസിപ്പിക്കുവാന് സഹായിക്കുക. |
