സൽമാൻ ഖാൻ

ഇംഗ്ലീഷ് വിലാസം

http://ml.wikipedia.org/wiki/Salman_Khan

സൽമാൻ ഖാൻ
ജനനം	അബ്ദുൾ റഷീദ് സലിം സൽമാൻ ഖാൻ 1965 ഡിസംബർ 27 (1965-12-27) ഇൻഡോർ, മധ്യപ്രദേശ്, ഇന്ത്യ
ഉദ്യോഗം	സിനിമാ നടൻ, ടി.വി. അവതാരകൻ
സജീവം	1988 – ഇതുവരെ
ജീവിത പങ്കാളി	അവിവാഹിതൻ
വെബ് ഇടം
ഔദ്യോതിക വെബ്സൈറ്റ് ഇല്ല

അബ്ദുൾ റഷീദ് സലിം സൽമാൻ ഖാൻ (ഹിന്ദി: सलमान ख़ान, ഉർദു: سلمان خان.) (ജനനം: ഡിസം‌ബർ 27, 1965) ഹിന്ദി ബോളിവുഡ് സിനിമാ രംഗത്തെ ഒരു പ്രധാന നടനാണ്.

സൽമാൻ തന്റെ സിനിമാ ജീവിതം തുടങ്ങുന്നത് 1988 ൽ ബീവി ഹോ തോ ഐസി എന്ന് സിനിമയിലൂടെയാണ്. പക്ഷേ അദ്ദേഹത്തിന് ഹിന്ദി സിനിമയിൽ പേര് നേടിക്കൊടുത്തത് 1989 ൽ ഇറങ്ങിയ മെംനെ പ്യാർ കിയ എന്ന സിനിമയിലൂടെയാണ്. ഈ സിനിമയിൽ അദ്ദേഹത്തിൻ ഏറ്റവും നല്ല പുതുമുഖ നടനുള്ള ഫിലിം‌ഫെയർ അവാർഡും കിട്ടി.

അദ്ദേഹത്തിന്റെ ചില പ്രധാന ചിത്രങ്ങൾ സാജൻ (1991), ഹം ആപ്കെ ഹെ കോൺ (1994), ബീവി നമ്പർ 1 (1999) എന്നിവയാണ്. ഈ ചിത്രങ്ങൾ ഒക്കെതന്നെയും ബോളിവുഡ് ഇലെ പണം വാരി ചിത്രങ്ങൾ ആയിരുന്നു.

1998 ഇൽ ഇറങ്ങിയ കുച്ച് കുച്ച് ഹോതാ ഹെ എന്ന ചിത്രത്തിന് 1999 ലെ മികച്ച സഹ നടനുള്ള ഫിലിംഫെർ അവാർഡ് ലഭിച്ചിട്ടുണ്ട്. അതിന് ശേഷം പുറത്തിറങ്ങിയ 'ഹം ദിൽ ദെ ചുകെ സനം', 'തേരെ നാം', നോ എൻട്രി പർത്നെർ'. എന്നീ ചിത്രങ്ങൾ സൽമാന്റെ ബോളിവുഡിലെ പ്രകടനം ശ്രദ്ധേയമാക്കി.

ജീവചരിത്രം

ബോളിവുഡിലെ പ്രശസ്ത എഴുത്തുകാരനായ സലിം ഖാന്റെ മൂത്ത മകനായാണ്‌ സൽമാൻ ജനിച്ചത്‌. സൽമാന്റെ അമ്മ ഹിന്ദു ആയിരുന്നു. സൽമാന് 5 വയസ്സുള്ളപ്പോഴായിരുന്നു സലിം ഖാൻ അക്കാലത്തെ നടി കൂടിയായ ഹെലെന്നെ വിവാഹം കഴിച്ചത്. പിതാവ് അങ്ങനെ രണ്ടാമത് വിവാഹം കഴിച്ചത് ഞങ്ങൾ കുട്ടികൾക്ക് വളരെ വിഷമമുണ്ടാക്കിയതായി പിൽക്കാലത്ത് സൽമാൻ പറഞ്ഞിട്ടുണ്ട്. നടന്മാരായ അർബാസ് ഖാൻ, സൊഹൈൽ ഖാൻ എന്നിവർ സഹോദരങ്ങളാണ്. മലൈയ്ക അറോറ ഖാൻ ആണ് അർബാസ് ഖാന്റെ ‍ഭാര്യ. അൽവിറ, അർപ്പിത എന്നിവർ സഹോദരിമാരാണ്. നടനും സംവിധായകനുമായ അതുൽ അഗ്നിഹോത്രിയാണ് അൽവിറയെ വിവാഹം കഴിച്ചിരിക്കുന്നത്.

സിനിമ ജീവിതം

1987ൽ തന്റെ 21-ആമത്തെ വയസ്സിലാണ് സൽമാൻ ആദ്യമായി ക്യാമറക്ക് മുന്നിലെത്തുന്നത്. രാജ്ശ്രി ഫിലിംസ് ന്റെ ബീവി ഹൊ തോ ഐസി എന്ന ചിത്രത്തിലൂടെയായിരുന്നു അത്. എന്നാൽ രാജ്ശ്രി ഫിലിംസിന്റെ തന്നെ ചിത്രമായ മേനെ പ്യാർ കിയ സൽമാനെ ഇന്ത്യയിലെ ഒരു പുതിയ താരമാക്കി മാറ്റി. സമപ്രായക്കാരനും കൂട്ടുകാരനുമായ സൂരജ് ബർജാത്യയുടെ ചിത്രമായിരുന്നു ഇത്. ഈ ചിത്രവും ചിത്രത്തിലെ ഗാനങ്ങളും ഇന്ത്യയാകെ ഹരമായി മാറി.

1989 മുതൽ അടുത്ത രണ്ടു വർഷക്കാലം സൽമാന്റേതായി വന്ന ചിത്രങ്ങൾ ഒക്കെയും ബോക്സ്-ഓഫിസിൽ വൻ വിജയമായിരുന്നു. കൂടാതെ മേനെ പ്യാർ കിയയിലെ അഭിനയത്തിന് മികച്ച പുതുമുഖനടനുള്ള ഫിലിംഫെയർ അവാർഡും ലഭിച്ചു. 1990 ലെ ബാഗി, 1991 ലെ സാജൻ, പതർ കെ ഫൂൽ, സനം ബെഫ്വ എന്നീ ചിത്രങ്ങൾ വിജയമായിരുന്നു. പക്ഷെ 1992-93 കാലം പരാജയത്തിന്റെ രുചിയറിഞ്ഞ കാലമായിരുന്നു. റോളുകൾ സെലക്റ്റ് ചെയ്യുന്നതിലുള്ള അപാകത മൂലം പല നല്ല ഓഫറുകളും സൽമാന് നഷ്ടമായി. അതിൽ പ്രമുഖമായിരുന്നു ബാസിഗർ എന്ന ചിത്രത്തിലെ റോൾ. ആ വേഷം പിന്നീട് ഷാരുഖ് ഖാൻ അഭിനയിക്കുകയും ബാസിഗര്'‍' അക്കാലത്തെ ഹിറ്റ് ചിത്രമാകുകയും ചെയ്തിരുന്നു.

പ്രഭാവം മങ്ങിത്തുടങ്ങിയ സൽമാന്റെ രക്ഷക്കെത്തിയത് പഴയകൂട്ടുകാരനായ സൂരജ് ബർജാത്യയുടെ ഹം ആപ്കെ ഹൈൻ കോൻ! എന്ന ചിത്രമായിരുന്നു. ബോളിവുഡിലെ സകല റെക്കോർഡുകളും തകർത്ത ഈ ചിത്രം, ഇന്ത്യയിലെ ആദ്യ ആഴ്ചയിലെ വമ്പിച്ച കളക്ഷൻ നേടി. 14 ഗാനങ്ങളുടെ അകമ്പടിയോടെ വന്ന ചിത്രം പ്രേക്ഷകരുടെ എക്കാലത്തേയും ഇഷ്ടചിത്രമായിമാറി. മാധുരി ദീക്ഷിത് - സൽമാൻ ജോഡി രാജ്യത്തിലെ പ്രിയ ജോഡികളായി മാറി.

അതിനുശേഷം സൽമാന്റേതായി വന്ന മിക്ക ചിത്രങ്ങളും ഫ്ലോപ്പ് ലിസ്റ്റിൽ ഇടം നേടി. പിൽക്കാലത്ത് ചർച്ചാവിഷയമായ അന്ദാസ് അപ്ന അപ്ന എന്ന ചിത്രവും അക്കാലത്ത്‌ പരാജയ ചിത്രമായിരുന്നു. ബോളിവുഡിലെ മറ്റൊരു യുവനടനായ ആമിർ ഖാൻ ആയിരുന്നു ഈ ചിത്രത്തിൽ സൽമാന് കൂട്ട്. 1995-ൽ രാകേഷ് റോഷന്റെ കരൺ അർജുൻ എന്ന ചിത്രം വിജയമായിരുന്നു. ഇതേ ചിത്രത്തിലെ അഭിനയത്തിന് സൽമാന്റെ സഹതാരമായ ഷാരൂഖ് ഖാൻ‍ മികച്ച നടനുള്ള അവാർഡ് നേടി. 1996-ൽ പുറത്തിറങ്ങിയ ഖാമോഷി എന്ന ചിത്രം ബോക്സ്-ഓഫീസ് പരാജയമായിട്ടും വിമർശകരുടെ അഭിനന്ദനം ഏറ്റുവാങ്ങിയ ചിത്രമായിരുന്നു. സഞ്ജയ്‌ ലീല ഭംസാലി ആയിരുന്നു സംവിധാനം. തുടർന്ന് പുറത്തിറങ്ങിയ ജീത് ആശ്വാസ വിജയവുമായി.

ഡേവിഡ് ധവാന്റെ ജുഡ്‌വാ എന്ന ചിത്രം വിജയിച്ചെങ്കിലും തുടർന്നുവന്ന ഓസാര് പരാജയമായിരുന്നു. 1997-ൽ സൽമാന്റേതായി ഈ രണ്ടു ചിത്രം മാത്രമാണ് പുറത്തിറങ്ങിയത്.

1998 സൽമാൻറേതായി 5 സിനിമകൾ പുറത്തിറങ്ങി. സൽമാനും കാജോളും ഒന്നിച്ച പ്യാർ കിയ തോ ഡര്നാ ക്യാ , ജബ് പ്യാർ കിസിസേ ഹോതാ ഹെ , കരൺ ജോഹറിന്റെ കുച്ച് കുച്ച് ഹോതാ ഹെ എന്നിവയായിരുന്നു ചിത്രങ്ങൾ. കുച്ച് കുച്ച് ഹോതാ ഹെയിലെ ഗസ്റ്റ് റോൾ ഷാരൂഖ് ഖാന്റെ പ്രത്യേക അഭ്യർത്ഥന മാനിച്ചു സൽമാൻ ചെയ്തതായിരുന്നു. എന്നാൽ ചിത്രത്തിലെ പ്രകടനത്തിന് സൽമാന് ഫിലിംഫെയർ മികച്ച സഹ നടനുള്ള അവാർഡ് ലഭിച്ചു. ഐശ്വര്യ റായിയുമായി സൽമാന്റെ പ്രണയം തുടങ്ങുന്നതും ഇതേ വർഷം തന്നെ.

1999-ൽ 6 ചിത്രങ്ങളുമായി സൽമാൻ ബോക്സ്-ഓഫീസിൽ തന്റെ സാന്നിദ്ധ്യം അറിയിച്ചു. ബീവി നം.1 വമ്പിച്ച വിജയം നേടിയപ്പോൾ ഹം സാത്ത് സാത്ത് ഹെ, ഹം ദിൽ ദെ ചുകെ സനം എന്നീ ചിത്രങ്ങൾ തൊട്ടുപിന്നിലെത്തി. തുടർന്ന് ഹം സാത്ത് സാത്ത് ഹെയുടെ ലൊക്കേഷനിൽ മാൻവേട്ടക്കു പോയി എന്ന വിവാദത്തിലായ സൽമാൻ പിന്നീട് 2000-2001 കാലങ്ങളിൽ വലിയ ഹിറ്റുകളൊന്നും ബോക്സ്-ഓഫീസിനു നൽകിയില്ല. തുടർന്ന് 2002-ൽ പുറത്തിറങ്ങിയ ഹം തുംഹാരേ ഹെ സനം എന്ന ചിത്രം ഒരു ശരാശരി റിപ്പോർട്ട് നേടി. 6 വർഷത്തോളം നിർമ്മാണത്തിലിരുന്ന ഈ ചിത്രം 2002 മേയ് 24നു ആണ് റിലീസ് ചെയ്തത്. സൽമാന്റെ കൂടെ ഷാരൂഖ് ഖാൻ‍, മാധുരി ദീക്ഷിത്, ഐശ്വര്യ റായ് എന്നിവരും ഈ ചിത്രത്തിൽ അഭിനയിച്ചു.

2002 തുടക്കത്തിൽ മദ്യപിച്ചു വാഹനമോടിച്ച് ഒരാൾ മരിച്ച സംഭവത്തിൽ സൽമാനെ മുംബൈ പോലീസ് അറസ്റ്റ് ചെയ്തു. പ്രഭ മങ്ങിയ സൽമാൻ 2003-ൽ പുറത്തിറങ്ങിയ തേരെ നാം എന്ന ചിത്രത്തിലൂടെ വീണ്ടും ഉയരാൻ തുടങ്ങി.

തുടർവർഷങ്ങളിൽ ഗർവ് , മുജ്ശ്സ് ശാദി കരോഗി , നടി രേവതിയുടെ സംരംഭമായ ഫിർ മിലേംഗേ തുടങ്ങിയ ചിത്രങ്ങളിലൂടെ തന്റെ സാന്നിദ്ധ്യം അറിയിച്ചു. വളരെ കാലത്തിനു ശേഷം മൂന്നു അടുത്തടുത്ത ഹിറ്റുകൾ ഉണ്ടായതു 2005-ൽ ആയിരുന്നു. ലക്കി , മേനെ പ്യാർ ക്യോൻ കിയ, നോ എൻട്രി എന്നിവയായിരുന്നു ആ ചിത്രങ്ങൾ. മലയാളത്തിലെ ഹിറ്റ് ചിത്രമായ താളവട്ടം ഹിന്ദിയിൽ ക്യോം കി എന്ന പേരിൽ പ്രിയദർശൻ ചലച്ചിത്രമാക്കിയപ്പോൾ, അതിൽ സൽമാൻ ആയിരുന്നു നായകൻ.

2006-ൽ ജാനേ-മാന്, ബാബുൽ എന്നിവയും 2007-ൽ സലാം-ഇ-ഇശ്ക് എന്നിവയും പരാജയമായിരുന്നു. ജാനേ-മാൻ വളരെ പ്രകീർത്തിക്കപ്പെട്ട ചിത്രമായിരുന്നു. തുടർന്നുവന്ന പാർട്ട്നെർ‍ മെഗാ ഹിറ്റ് ആയിരുന്നു. സൽമാന്റെ ആദ്യ ഹോളിവുഡ് ചിത്രം മേരിഗോൾഡ് റിലീസ് ആയതു 2007-ലാണ്‌‍. അതിഥിതാരമായി അഭിനയിച്ച സാവരിയ , ഓം ശാന്തി ഓം എന്നിവയും ഇതേ കൊല്ലം റിലീസ് ആയി.

2008 സെപ്റ്റംബർ 15 നു റിലീസ് ആയ ഗോഡ് തുസ്സി ഗ്രേറ്റ്‌ ഹൊ ബോക്സ്-ഓഫീസ് റിപ്പോർട്ട് ശരാശരിയായിരുന്നു. 2008-ൽ പിന്നീട് പുറത്തിറങ്ങിയ സൽമാൻ ചിത്രങ്ങൾ യുവരാജ്, ഹലോ, വാണ്ടഡ്, ലണ്ടൻ ഡ്രീംസ് എന്നിവയാണ്. കൂടാതെ സ്വന്തം ബാനറിലുള്ള വീര്, മേ ഓർ മിസ്സിസ് ഖന്ന എന്നിവയും.

2008-ൽ ടി.വി അവതാരകനായി എത്തിയ സൽമാൻ തന്റെ ദസ് ക ദം എന്ന പരിപാടിയിലൂടെ ഇന്ത്യയിലെ ശ്രദ്ധേയനായ അവതാരകനായി മാറി. ആദ്യ സെഷൻ പൂർത്തിയായ 'ദസ് ക ദം' സോണി ടി.വിയുടെ വിജയിച്ച പരിപാടികളിൽ ഒന്നായിരുന്നു. ഇതിൽ സൽമാന് കിട്ടിയ പ്രതിഫലമാകട്ടെ 90 കോടിയോളം രൂപയും. ദസ് ക ദം അടുത്ത സെസ്സഷൻ 2009 മാർച്ചോടെ സംപ്രേഷണം ആരംഭിക്കും.

സൽമാനും വിവാദങ്ങളും

ബോളിവുഡിലെ മസിൽമാനായ സൽമാൻ എന്നും വിവാദങ്ങളുടെ തോഴനായിരുന്നു. പ്രണയനൈരാശ്യങ്ങളും, മദ്യപാനവും സൽമാന് ചീത്ത പേരുകൾ സമ്പാദിച്ചുകൊടുത്തിട്ടുണ്ട്. വംശനാശഭീഷണിയെ നേരിടുന്ന മൃഗങ്ങളെ വേട്ടയാടിയതിനും മദ്യപിച്ച് വണ്ടിയോടിച്ച് മറ്റുള്ളവരുടെ മരണത്തിനിടയാക്കിയതിനും സൽമാൻ ജയിൽ ശിക്ഷയും ഏറ്റ് വാങ്ങിയിട്ടുണ്ട്.

അഭിനയിച്ച ചിത്രങ്ങൾ

Year	Title	Role	Other notes
1988	Biwi Ho To Aisi	Vicky Bhandari
1989	Maine Pyar Kiya	Prem Choudhary	Filmfare Award for Best Male Debut Nominated—Filmfare Award for Best Actor
1990	Baaghi: A Rebel for Love	Saajan Sood
1991	Sanam Bewafa	Salman Khan
1991	Patthar Ke Phool	Inspector Suraj
1991	Kurbaan	Akash Singh
1991	Love	Prithvi
1991	Saajan	Akash Varma
1992	Suryavanshi	Vicky/Suryavanshi Vikram Singh
1992	Ek Ladka Ek Ladki	Raja
1992	Jaagruti	Jugnu
1992	Nishchaiy	Rohan Yadav/Vasudev Gujral
1993	Chandra Mukhi	Raja Rai
1993	Dil Tera Aashiq	Vijay
1994	Andaz Apna Apna	Prem Bhopali
1994	Hum Aapke Hain Kaun...!	Prem Niwas
1994	Chaand Kaa Tukdaa	Shyam Malhotra
1994	Sangdil Sanam	Kishan
1995	Karan Arjun	Karan Singh/Ajay	Nominated—Filmfare Award for Best Actor
1995	Veergati	Ajay
1996	Majhdhaar	Gopal
1996	Khamoshi: The Musical	Raj
1996	Jeet	Raju	Nominated—Filmfare Award for Best Supporting Actor
1996	Dushman Duniya Ka		Special appearance
1997	Judwaa	Raja/Prem Malhotra
1997	Auzaar	Inspector Suraj Prakash
1997	Dus	Captain Jeet Sharma	Incomplete film
1997	Deewana Mastana	Prem Kumar	Special appearance
1998	Pyaar Kiya To Darna Kya	Suraj Khanna	Nominated—Filmfare Award for Best Actor
1998	Jab Pyaar Kisise Hota Hai	Suraj Dhanrajgir
1998	Sar Utha Ke Jiyo		Special appearance
1998	Bandhan	Raju
1998	Kuch Kuch Hota Hai	Aman Mehra	Extended guest appearance Filmfare Award for Best Supporting Actor
1999	Jaanam Samjha Karo	Rahul
1999	Biwi No.1	Prem	Nominated—Filmfare Award for Best Performance in a Comic Role
1999	Sirf Tum	Prem	Special appearance
1999	Hum Dil De Chuke Sanam	Sameer Rafillini	Nominated—Filmfare Award for Best Actor
1999	Hello Brother	Hero
1999	Hum Saath-Saath Hain: We Stand United	Prem
2000	Dulhan Hum Le Jayenge	Raja Oberoi
2000	Chal Mere Bhai	Prem Oberoi
2000	Har Dil Jo Pyar Karega	Raj/Romi
2000	Dhaai Akshar Prem Ke		Special appearance
2000	Kahin Pyaar Na Ho Jaaye	Prem Kapoor
2001	Chori Chori Chupke Chupke	Raj Malhotra
2002	Tumko Na Bhool Paayenge	Veer Singh Thakur/Ali
2002	Hum Tumhare Hain Sanam	Suraj
2002	Yeh Hai Jalwa	Raj 'Raju' Saxena/Raj Mittal
2003	Love at Times Square		Special appearance
2003	Stumped		Special appearance
2003	Tere Naam	Radhe Mohan	Nominated—Filmfare Award for Best Actor
2003	Baghban	Alok Raj	Special appearance Nominated—Filmfare Award for Best Supporting Actor
2004	Garv: Pride and Honour	Inspector Arjun Ranavat
2004	Mujhse Shaadi Karogi	Sameer Malhotra
2004	Phir Milenge	Rohit Manchanda	Extended guest appearance
2004	Dil Ne Jise Apna Kahaa	Rishabh
2005	Lucky: No Time for Love	Aditya
2005	Maine Pyaar Kyun Kiya?	Dr. Samir Malhotra
2005	No Entry	Prem	Nominated—Filmfare Award for Best Performance in a Comic Role
2005	Kyon Ki	Anand
2006	Saawan... The Love Season	Sameer Sam	Extended guest appearance
2006	Shaadi Karke Phas Gaya Yaar	Ayaan
2006	Jaan-E-Mann	Suhaan Kapoor
2006	Baabul	Avinash Kapoor
2007	Salaam-e-Ishq: A Tribute To Love	Rahul
2007	Partner	Prem Love Guru
2007	Marigold: An Adventure in India	Prem	English language film
2007	Om Shanti Om	Himself	Special appearance in song "Deewangi Deewangi"
2007	Saawariya	Imaan	Extended guest appearance
2008	God Tussi Great Ho	Arun Prajapati
2008	Hello	Cheetan Bhagat	Special appearance
2008	Heroes	Balkar Singh/Jassvinder Singh
2008	Yuvvraaj	Deven Yuvvraaj
2009	Wanted	Radhe/Rajveer Shikhawat
2009	Main Aurr Mrs Khanna	Samir Khanna
2009	London Dreams	Mannu (Manjit Khosla)
2009	Ajab Prem Ki Ghazab Kahani	Himself	Special appearance
2010	Veer	Veer
2010	Prem Kaa Game	The Sutradhaar (Narrator)	Special appearance
2010	Dabangg	Inspector Chulbul Pandey (Robinhood Pandey)	Nominated—Filmfare Award for Best Actor
2010	Tees Maar Khan	Himself	Special appearance in song "Wallah Re Wallah"
2010	Isi Life Mein	Himself	Special appearance
2011	Ready	Prem Kapoor
2011	Bodyguard	Lovely Singh
2011	Tell Me O Kkhuda		Cameo
2011	Do Aur Do Paanch		Extended guest appearance
2012	Ek Tha Tiger		Filming
2012	Sher Khan		Pre-production
2012	Dabangg 2	Inspector Chulbul Pandey (Robinhood Pandey)	Pre-production

കൂടുതൽ വായനക്ക്

• Ghosh, Biswadeep (2004). Hall of Fame: Salman Khan. Mumbai: Magna Books. ISBN 8178092492. 

പുറമേക്കുള്ള കണ്ണികൾ

• ഇന്റർനെറ്റ് മൂവി ഡാറ്റാബേസിൽ നിന്ന് സൽമാൻ ഖാൻ
• http://www.salmanonline.net