സ്തനം
വിക്കിപീഡിയ, ഒരു സ്വതന്ത്ര വിജ്ഞാനകോശം.
ഈ ലേഖനം സ്ത്രീകളുടെ സ്തനത്തെ കുറിച്ച് മാത്രമാണ് പ്രതിപാദിക്കുന്നത്. മറ്റു വിവരങ്ങള്ക്ക് സസ്തനി എന്ന താള് കാണുക.
സ്തനം എന്നത് സസ്തനികളുടെ നെഞ്ചിനോട് ചേര്ന്ന് കാണുന്ന വീര്ത്ത അവയവം ആണ്. ബഹു വചനം സ്തനങ്ങള്.ഇംഗ്ലീഷ് : Breasts. സസ്തനി എന്ന പേരിന്റെ അര്ത്ഥം തന്നെ സ്തനങ്ങളോട് കൂടിയ എന്നാണ്. മലയാളത്തില് മുല എന്നും പര്യായമുണ്ട്. സസ്തനികള് അവരുടെ കുഞ്ഞുങ്ങളെ പ്രസവിക്കുകയാണ് ചെയ്യുക. ഈ കുഞ്ഞുങ്ങള്ക്ക് ആദ്യകാലങ്ങളില് വളരാനാവശ്യമായ പോഷകങ്ങള് ലഭിക്കുന്നത് മുലയൂട്ടുന്നതിലൂടെയാണ്. മനുഷ്യ സ്ത്രീക്ക് ഒരു ജോഡി സ്ത്നമാണ് ഉണ്ടാവുക. മറ്റു മൃഗങ്ങള്ക്ക് കൂടുതല് എണ്ണം ഉണ്ടാവാറുണ്ട്. ആണ് വര്ഗ്ഗങ്ങള്ക്കും സ്തനങ്ങള് ഉണ്ടാവും എന്നാല് ഇത് പുര്ണ്ണ വളര്ച്ച പ്രാപിക്കാത്തെ അവസ്ഥയിലായിരുക്കും. ഗൈനക്കോമേസ്റ്റിയ എന്ന അവസ്ഥയില് ആണിന് സ്തനവളര്ച്ചുണ്ടാകാറുണ്ട്. മനുഷ്യനില് നപുംസകങ്ങള്ക്കും സ്തനങ്ങള് ഉണ്ട്. സ്തനങ്ങളില് പാലുല്പാദിപ്പിക്കാനുള്ള ഗ്രന്ഥികള് ആണ് മാംസപേശികള്ക്കൊപ്പം അധികമായി ഉണ്ടാവുക. മനുഷ്യന്റെ കാമകേളികളിലെ അവിഭാജ്യ ഘടകവുമാണ് ഇവ. സ്തനാര്ബുദം സ്ത്രീകളില് മാത്രമല്ല പുരുഷന്മാരിലും കണ്ടു വരുന്നു. വിദേശ രാജ്യങ്ങളില് സതനങ്ങളുടെ രൂപഭംഗി വര്ദ്ധിപ്പിക്കനുള്ള ഇംപ്ലാന്റ് ചികിത്സക്ക് വന് പ്രചാരം ലഭിച്ചിട്ടുണ്ട്. [1]
ഉള്ളടക്കം |
[തിരുത്തുക] പരിണാമം
സസ്തനികളായ ജീവികള്ക്ക് കുഞ്ഞുങ്ങള്ക്ക് പാലൂട്ടുക എന്ന ജോലിയാണ് സ്തനങ്ങള് നിര്വ്വഹിക്കുന്നത്. മുലയുള്ളതും എന്നാല് മുട്ടയിടുന്നതുമായ രണ്ടു ജീവികളാണ് ഭൂമിയില് ഇന്നുള്ളത്, എക്കിഡ്നയും പ്ലാറ്റിപ്പസും.[2] ഇവയ്ക്ക് പൂര്ണ്ണ വളര്ച്ചയെത്താത്ത സ്തനങ്ങള് ആണ് ഉള്ളത്. ഒരു ചെറിയ കോശങ്ങളുടെ മടക്കാണിത്. ഇതില് നിന്ന് ഊറി വരുന്ന ദ്രാവകം ആണ് കുഞ്ഞുങ്ങള് കുടിക്കുന്നത്. ഇതായിരിക്കണം മുട്ടകളില് നിന്ന് മുലകള് ഉള്ള സസ്തനികളിലേക്കുള്ള പരിണാമത്തിന്റെ ഘട്ടം. ക്രമേണ ഈ അവയവം പൂര്ണ്ണ രൂപം പ്രാപിച്ചു.
സ്ത്രീകളില് സ്തനങ്ങള്ക്ക് മുലയൂട്ടുക മാത്രമല്ല കര്ത്തവ്യം. മറിച്ച് ലൈംഗിക കേളികളിലും ഇണയെ ആകര്ഷിക്കുന്നതിലും അതിന് സ്വാധീനമുണ്ട്. പുരുഷന്മാര് സ്വാഭാവികമായും വലിയ സ്തനങ്ങളുള്ള സ്ത്രീകളെ തിരഞ്ഞെടുത്തിരുന്ന പുരാതനകാലത്ത് നിലനില്പിനും പിന്തലമുറകളെ സൃഷ്ടിക്കുവാനും വലുപ്പമുള്ള ഈ അവയവങ്ങള് സ്ത്രീകളുടെ ആവശ്യമായിരുന്നു. സ്ത്രീകളുടെ മുലകളില് മുലപ്പാല് ഗ്രന്ഥികളേക്കാള് അധികം കൊഴുപ്പ് അടിഞ്ഞുകൂടുന്നതും ആകാരം വരുന്നതും ഇതിനു കാരണമായി ശാസ്ത്രജ്ഞന്മാര് ചൂണ്ടിക്കാണിക്കുന്നു. മറ്റു മൃഗങ്ങളുടേതു പോലെ ആവശ്യം കഴിഞ്ഞാല് ചുരുങ്ങുന്ന തരമല്ല സ്ത്രീകളുടെ സ്തനങ്ങള് എന്നത് മേല് പറഞ്ഞതിനു ഉപോല്ഫലകമായി ചൂണ്ടിക്കാണിക്കപ്പെടുന്നു. പരന്ന നെഞ്ചുള്ള പെണ്ണുങ്ങള്ക്ക് ആണുങ്ങളെ ആകര്ഷിക്കാനുള്ള കഴിവില്ലെന്നാണ് മിക്കവാറും എല്ലാ പഠനങ്ങളും തെളിയിക്കുന്നത്.
പരിണാമത്തിനു മുന്പ് ആണുങ്ങള് വേട്ടയാടിയിരുന്നതും അത് കൂടുതല് ആണുങ്ങള്ക്ക് മാത്രം ഭക്ഷണം ലഭിക്കന് ഇടയാക്കിയിരുന്നുമിരിക്കാം. ഇവര് വേട്ടകഴിഞ്ഞ് തിരിച്ചെത്തിയശേഷം സ്ത്രീകള്ക്ക് ഭക്ഷണം വിതരണം നടത്തയിരിക്കാം. ഇതില് തന്നെ ലൈംഗിക ബന്ധത്തിലേര്പ്പെട്ടിരുന്ന സ്ത്രീകള്ക്ക് കൂടുതല് ഭക്ഷണം സമ്മാനവുമായും ലഭിച്ചിരിക്കാം. ഇത് ആണിനെ ആകര്ഷിക്കാനുള്ള പെണ്ണിന്റെ കഴിവിനെ ആശ്രയിച്ചാണ് ഇരിക്കുന്നത്. അതിനാല് തന്നെ സ്ത്രീയുടെ ബുദ്ധി മണ്ഡലത്തില് വലിയ സ്തനത്തോടുള്ള ആഭിമുഖ്യം കൂടിയിരിക്കണം.
മറ്റൊരു സിദ്ധാന്തപ്രകാരം സ്തനങ്ങള് വികസിച്ചത് കുഞ്ഞുങ്ങള് പാലുകുടിക്കുന്ന സമയത്ത് അവരുടെ മൂക്ക് അടഞ്ഞ് ശ്വാസം മുട്ടാതിരിക്കാനായിട്ടാണ് എന്നാണ്. കുഞ്ഞുങ്ങള്ക്ക് മറ്റു ജന്തുക്കളുടേതു പോലെ നീണ്ട താടിയെല്ലില്ലാത്തതാണ് ഈ ശ്വാസം മുട്ടല് ഉണ്ടാവാനുള്ള കാരണം, സ്തനങ്ങള്ക്ക് വേണ്ട വലുപ്പം ഇല്ലെങ്കില് കുട്ടികളുടെ മൂക്ക് അമ്മയുടെ ശരീരത്തില് അമര്ന്ന് ശ്വാസം മുട്ടല് ഉണ്ടാകാം. [3]
[തിരുത്തുക] ചരിത്രം
 |
ലേഖനത്തിലെ ഈ വിഭാഗം അപൂര്ണ്ണമാണ്. ഇതു പൂര്ത്തിയാക്കാന് സഹായിക്കുക. |
[തിരുത്തുക] ആകാരശാസ്ത്രം
സ്തനങ്ങള് സസ്തനികളുടെ നെഞ്ചോട് ചേര്ന്നാണ് കാണുന്നത്, മനുഷ്യനില് അത് വാരിയെല്ലുകളുടെ മുകള് ഭാഗത്തായി അതായത് നെഞ്ചിലെ പെക്ടൊറാലിസ് എന്ന മാംസപേശിയോട് ചേര്ന്നാണ് ഇവ കാണപ്പെടുന്നത്. സ്തനങ്ങളെ ത്വക്ക് ആവരണം ചെയ്തിരിക്കും. മധ്യത്തിലായി മുലക്കണ്ണും അതിനു ചുറ്റുമായി ചെറിയ വ്യാസമുള്ള വൃത്താകൃതിയില് ഏരിയോളയും കാണുന്നു. ഇത് ഇളം ചുവപ്പു മുതല് കടും കാപ്പി നിറം വരെ വ്യത്യസ്ത നിറങ്ങളില് കാണപ്പെടുന്നു. സ്തനങ്ങളിലുള്ള ഗ്രന്ഥികള് മുലപ്പാല് ഉണ്ടാക്കുന്നു. [4] ഈ ഗ്രന്ഥികള് ഉമിനീര് ഗ്രന്ഥികളുടേയോ വിയര്പ്പു ഗ്രന്ഥികളുടേയോ രൂപവ്യത്യാസം വന്നവയാണ്. ഇവയെ മാമ്മറി ഗ്രന്ഥികള് എന്ന് വിളിക്കുന്നു. ഇവ സ്തനങ്ങളില് പല ഭാഗത്തായി ചിതറിക്കിടക്കുന്നു. അതിലെ വലിയ ഗ്രന്ഥികള് മാത്രമേ പാല് ഉല്പാദിക്കൂ. ഇവയില് മൂന്നിലൊന്നും മുലക്കണ്ണിനു അടിയിലായിത്തന്നെ കാണാം. ഒരോ സ്തനത്തിനും 15 മുതല് 20 വരെയുള്ള വിഭാഗങ്ങള് ഉണ്ട്. ലോബുകളെന്ന് അറിയപ്പെടുന്ന ഇവ ഡെയ്സിപൂക്കളുടെ ദളങ്ങള് പോലെ ചിട്ടപ്പെടുത്തിയിരിക്കും. ഈ ലോബുകള്ക്ക് ലൊബൂള് എന്ന ചെറിയ ഭാഗങ്ങള് ഉണ്ട്, ഇത് ചെറിയ പാലുല്പാദിക്കാവുന്ന മുകുളങ്ങളില് അവസാനിക്കുന്നു. ഇവയെല്ലാം ചെറിയ കുഴലിളിലൂടെ പരസ്പരം ബന്ധിക്കപ്പെട്ടിരിക്കുന്നു.ഈ കുഴലുകള് വഴി പാല് മുലക്കണ്ണിലേക്കൊഴുക്കപ്പെടുന്നു. മറ്റുള്ള ഭാഗങ്ങളില് കൊള്ളാജന്, ഇലാസ്തിന് എന്നീ കോശങ്ങളും കൊഴുപ്പും കൂപ്പറിന്റെ പേശികളും മറ്റും ചേര്ന്ന് നിറഞ്ഞിരിക്കും. കൊഴുപ്പിന്റെ അംശം മുലപ്പാല് ഇല്ലാത്ത സ്ത്രീകളില് കൂടിയിരിക്കും. പേശികള് സ്തനങ്ങള്ക്കടിയിലെ വാരിയെല്ലുകളിലാണ് കാണപ്പെടുന്നത്.[5] ഓരോ സ്തനങ്ങള്ക്കും ഒരോ സ്തനകൂപങ്ങള് അഥവാ മുലഞെട്ടുകള് മാത്രമേ ഉണ്ടാകൂ. അപൂര്വ്വമായി ഒന്നിലധികം മുലഞെട്ടുകള് കാണാറുണ്ട്.[6] (ചിത്രം ശ്രദ്ധിക്കൂ) എന്നാല് കാലില് വരെ സ്തനങ്ങള് മുളച്ചതായും രേഖപ്പെടുത്തിയിട്ടുണ്ട്. സ്യൂഡോമാമ്മാ എന്നാണ് ഇതിന്റെ ശാസ്ത്രീയമായ നാമം. [7]
[തിരുത്തുക] വലിപ്പം
രണ്ടാമത്തെ വാരിയെല്ലു മുതല് ആറാമത്തെ വാരിയെല്ലുവരെ സ്തനങ്ങള്ക്ക് വിസ്താരം ഉണ്ടാകാം. ആണുങ്ങളില് പെക്ടോറാലിസ് മേജര് എന്ന പേശി നന്നായി വികാസം പ്രാപിച്ചിരിക്കും, എന്നാല് പെണ്ണുങ്ങളില് ഈ സ്ഥാനത്ത് പേശികളേക്കാള് മുലകള്ക്കാണ് വലിപ്പം ഉണ്ടാകന്നത്. സ്തനങ്ങളുടെ അരിക് മുകളില് കക്ഷം വരെ എത്തുന്നു. ഇതിനെ സ്പെന്സിന്റെ വാല് എന്നാണ് ശാസ്ത്രിയമായി പേരിട്ടിരിക്കുന്നത്. വശങ്ങളില് ലാറ്റിസ്സിമുസ് ഡോര്സി എന്ന പേശികളില് നിന്നും ഇവയ്ക്ക് ഉത്ഭവം കാണാം. താഴെ ഏഴാമത്തെയോ എട്ടാമത്തേയോ വാരിയെല്ലില് നിന്നും ഇതിന്റെ പേശികള് മുകളിലേക്ക് തുടങ്ങുന്നു. നടുക്ക് സ്റ്റേര്ണം എന്ന കശേരുവില് അവസാനിക്കുന്നു. കൂപ്പറിന്റെ പേശീതന്തുക്കള് ആണ് സ്തനങ്ങള്ക്ക് അടിസ്ഥാന രൂപം നല്കുന്നത്. തൊലിയു കുറച്ച് ബലം നല്കുന്നുണ്ട്. ഇവ രണ്ടുമാണ് സ്തനങ്ങളുടെ ആകാരം നിര്ണ്ണയിക്കുന്നത്. എന്നാല് സ്തനങ്ങളുടെ വലിപ്പം അവയുടെ പാലുല്പാദനത്തിന്റെ കഴിവായി ചിത്രീകരിക്കാനാവില്ല. അത് മുലപ്പാല് ഗ്രന്ഥികളുടെ എണ്ണത്തേയും വലിപ്പത്തേയും മാത്രം ആശ്രയിച്ചിരിക്കുമ്പോള് വലിപ്പം പേശികളേയും കൊഴുപ്പിന്റെ അംശത്തേയും മറ്റും ആശ്രയിച്ചിരിക്കുന്നു. വലിപ്പം നിര്ണ്ണയിക്കുന്ന പ്രധാന ഘടകങ്ങള് താഴെ പറയുന്നവയാണ്
- സ്തനകോശങ്ങളുടെ വ്യാപ്തം
- പാരമ്പര്യം
- വയസ്സ്
- വണ്ണം
- ഗര്ഭാവസ്ഥയുടെ ചരിത്രം
- തൊലിയുടെ കട്ടി.
- ഹോര്മോണ് സ്വാധീനം
- ആര്ത്തവ വിരാമം
[തിരുത്തുക] രക്തക്കുഴലുകള്
തൊറാസിക്, ലാറ്റെറല് തൊറാസിക്, തൊറാകോ അക്രോമിയല്, പോസ്റ്റീരിയര് ഇന്റര് കോസ്റ്റല് എന്നീ ഞരമ്പുകളാണ് സ്തനങ്ങള്ക്ക് രക്തം നല്കുന്നത്. പ്രധാനമായും രക്തം ഒഴിപ്പിക്കുന്നത് കൈകളിലെ ധമനികളിലേക്കാണ്. അതായത് ആക്സില്ലറി ധമനികളിലേക്ക്. കുറച്ചു രക്തം ഇന്റര്കോസ്റ്റല് ധമനികളിലേക്കും ഒഴുകുന്നു.
[തിരുത്തുക] നാഡികള്
നാലാമത്തെ ഇന്റര് കോസ്റ്റല് നാഡികള് ആറാമത്തെ ഇന്റര് കോസ്റ്റല് ഞരമ്പുകള് വഴിയാണ് സ്പര്ശനനാഡികള് സ്തനങ്ങളിലെത്തുന്നത്. മുലക്കണ്ണുകള് എന്നാല് ടി 4 എന്ന നാഡിയാണ് നാഡിവ്യവസ്ഥയൊരുക്കുന്നത്. ആണിലും പെണ്ണിലും ലൈംഗിക ഉത്തേജനം ഉണ്ടാകുമ്പോള് മുലക്കണ്ണുകള് വിജൃംഭിതമാവാറുണ്ട്.[8]
[തിരുത്തുക] വികാസം
[തിരുത്തുക] ഭ്രൂണശാസ്ത്രം
മനുഷ്യന്റെ സ്തനകോശങ്ങള് ഭ്രൂണാവസ്ഥയിലെ ആറാമത്തെ ആഴ്ച മുതല് വളര്ന്നു തുടങ്ങുന്നു. ഈ കോശങ്ങള് യഥാര്ത്ഥത്തില് കക്ഷത്തിന്റെയും കാലിന്റെ ഗുഹ്യഭാഗം വരെയെത്തുന്ന മില്ക് റിഡ്ജ് രൂപത്തിലാണ് ഇവ വളരുന്നത്. എന്നാല് ഒന്പതാം മാസമാവുമ്പോഴേക്കും ഇത് നെഞ്ചിന്റെ ഭാഗത്തേക്ക് ചുരുങ്ങുന്നു. ഇത് രണ്ട് ചെറിയ സ്തനമുകുളങ്ങള് രൂപപ്പെടുന്നു. ഈ സ്തനമുകുളങ്ങളില് നിന്നാണ് കോശങ്ങള് വീണ്ടും ഉള്ളിലേക്ക് വളരുന്നത്.
[തിരുത്തുക] ജനനത്തിനു ശേഷം
പെണ്ണുങ്ങളുടെ സ്തനങ്ങള് ഒരു ചെറിയ മുകുളത്തിന്റെ വലിപ്പം തന്നെയാണ് ജനിക്കുമ്പോഴും. ആണ്കുട്ടികളില് നിന്ന് വലിപ്പത്തില് കാര്യമായ വ്യത്യാസം ഇവയ്ക്കുണ്ടാവില്ല. പെണ്ണുങ്ങള്ക്ക് പത്തു മുതല് പതിനാലു വയസ്സിനും മുന്നായി ഇവ വികാസം പ്രാപിക്കാറില്ല. പ്രായ പൂര്ത്തിയാവുന്ന ഈ പ്രായത്തിലാണ് കക്ഷത്തിലെ രോമങ്ങള് വളരുന്നത്. ഇതോടെ സ്തനങ്ങളും വളര്ന്നു തുടങ്ങുന്നു. ശരീരത്തില ഹോര്മോണ് വ്യതിയാനങ്ങളുടെ സ്വാധീനത്തില് സ്തനങ്ങള് വളരുന്നു. ഇവ ഗ്രോത്ത് ഹോര്മ്മോണ്, പ്രൊലാക്ടിന്, ഈസ്റ്റ്റജന്, പ്രൊജസ്റ്റീറോണ് എന്നീ അന്തഃസ്രാവീ ഗ്രന്ഥികളാണ്. ആദ്യത്തെ സ്തനവളര്ച്ച പെണ്ണുങ്ങളില് വേദനാജനകമായിരിക്കും. കൊഴുപ്പും നാരുകള് കലര്ന്ന കോശങ്ങളുമാണ് ആദ്യം ഇലാസ്തികതയാര്ജ്ജിക്കുന്നത്. പിന്നീട് പാല്ക്കുഴലുകളും മുലപ്പാല് ഗ്രന്ഥികളും വികസിക്കുന്നു. സ്തനങ്ങളുടെ വലിപ്പം പെണ്കുട്ടിക്ക് ആര്ത്തവം തുടങ്ങുന്നതു വരെ അത് തുടരുന്നു. ഇതേ സമയം എല്ലുകളുടെ വളര്ച്ചയും ശരീരത്തിന്റെ മൊത്തത്തിലുള്ള വളര്ച്ചയും ത്വരിതഗതിയിലായിരിക്കും. അങ്ങനെ ഒരു പെണ്ണ് പൂര്ണ്ണ വളര്ച്ചയെത്തുന്നതോടെ അവളുടെ സ്തനങ്ങളും വളര്ച്ച പ്രാപിക്കുന്നു. [9]
[തിരുത്തുക] ഗര്ഭാവസ്ഥയിലുള്ള വളര്ച്ച
സ്തനങ്ങള് പിന്നീട് വളര്ച്ച പ്രാപിക്കുന്നത് അതിന്റെ കൊഴുപ്പിന്റെ അംശത്തില് മാത്രമാണ്. പേശികള്ക്കോ ഗ്രന്ഥികള്ക്കോ വ്യത്യാസം സംഭവിക്കുന്നില്ല. ഇതിനുശേഷം സ്തനങ്ങള് വളരുന്നത് സ്ത്രീ ഗര്ഭിണിയാവുമ്പോഴാണ്. ഗര്ഭിണിയായിരിക്കുമ്പോള് സ്തനങ്ങള്ക്ക് പലതരത്തിലുള്ള വ്യതിയാനങ്ങള് സംഭവിക്കുന്നു. ആദ്യം സ്തനങ്ങള്, മുലഞെട്ടുകള് എന്നിവ വേദനയുള്ളതാകുന്നു. പ്രസവത്തിനു മുന്നും പിന്നുമായി അവക്ക് ഇരട്ടിയോളം വലിപ്പം വയ്ക്കാം. ആദ്യത്തെ എട്ടാഴ്ചയിലാണേറ്റവും വേഗത്തില് വളര്ച്ച പ്രാപിക്കുന്നത്. മുലഞെട്ടുകള്ക്ക് ചുറ്റുമുള്ള ഏരിയോളയിലെ മോണ്ട്ഗോമെറി ഗ്രന്ഥികള് ഇരുണ്ട നിറം പ്രാപിക്കുന്നു. ഏരിയോളയുടേ നിറം തന്നെ മാറുന്നു. മുലക്കണ്ണും വലുതാകുന്നു. ഈസ്റ്റ്റജന് ഈന്ന അന്തഃഗ്രന്ഥി സ്രാവപ്രവര്ത്തനം മൂലം സ്തനങ്ങളിലെ രക്തക്കുഴലുകളും വലുതാകുന്നു. പ്രൊജസ്റ്റീറോണ് എന്ന സ്രാവം ഗ്രന്ഥികളെയും സജ്ജമാക്കുന്നു.
പാല് ഉണ്ടാക്കുന്നതിന് സഹായകമാകുന്നത് പ്രൊലാക്ടിന് ഓക്സിടോസിന് എന്നീ സ്രവങ്ങള് ആണ്. സ്ത്രീയുടെ ശരീരം ഗര്ഭിണിയായി ഏതാണ്ട് എട്ടാഴ്ചയോടെ പ്രൊലാക്ടിന് നിര്മ്മിച്ചു തുടങ്ങുന്നു. ഇത് സാവധാനം കൂടി വരുകയും പ്രസവത്തോടെ ഉച്ഛസ്ഥായിയില്ല് എത്തുകയും ചെയ്യുന്നു. എന്നാല് ഈസ്റ്റ്റജന്റേയും പ്രൊജസ്റ്റീറോണിന്റേയും ഉയര്ന്ന അളാവുകള് പ്രൊലാക്ടിന് സ്രാവത്തെ സ്വീകരിക്കുവാനുള്ള സ്ത്നഗ്രന്ഥികളുടെ കഴിവിനെ മറക്കുകയും പ്രസവത്തിനു മുന്ന് പാല് ഉല്പാദനം നടക്കാതിരിക്കാന് സാഹായിക്കുകയും ചെയ്യുന്നു. പ്രസവത്തോടെ മറ്റു ഹോര്മോണുകളുടെ അളവു കുറയുകയും പാല് ഉത്പാദനം തുടങ്ങുകയും ചെയ്യുന്നു.
സ്തനങ്ങള് ആദ്യം മുലപ്പാല്ലല്ല ഉണ്ടാക്കുന്നത്. രണ്ടോ മുന്നോ ദിവസത്തിനുള്ളില് സ്തനങ്ങള് കൊളസ്ട്രം എന്ന സ്രവം ആണ് ഉണ്ടാക്കുന്നാത്. ഇത് കുഞ്ഞിനെ പ്രതിരോധ സജ്ജമാക്കുവാനുതകുന്ന ആന്റി ബോഡികളും മറ്റുമടങ്ങിയതാണ്. കുഞ്ഞിന് ആസ്തമ വരാതിരിക്കാനും ഈ കൊളസ്ട്രം സഹായിക്കുന്നു. പാല് ഉത്പാദിപ്പിക്കുന്നതിനു സഹായിക്കുന്ന മറ്റ് ഹോര്മോണ് ഓക്സിടോസിനാണ്. ഇത് മുലപ്പാല് ശേഖരിക്കുന്ന കുഴലുകളേ ചുരുക്കുകയും പാല് പുറത്തേക്ക് ചുരത്താന് സഹായിക്കുയും ചെയ്യുന്നു. കുഞ്ഞ് മുലഞെട്ടുകളില് ചപ്പുന്നതാണ് ഓക്സിട്ടൊസിന് പുറപ്പെടുവിക്കാനുള്ള പ്രചോദനം നല്കുന്നത്. [10]
[തിരുത്തുക] പിന്നീടുള്ള അവസ്ഥ
[തിരുത്തുക] വിവിധ സംസ്കാരങ്ങളില്
സ്തനങ്ങള് സ്ത്രീത്വത്തിന് അഴകായാണ് എല്ലാ രാജ്യങ്ങളിലും കരുതുന്നത്. അവയുടെ രൂപഭംഗിയില് പ്രത്യേകശ്രദ്ധചെലുത്തുന്നത് പാശ്ചാത്യ രാജ്യങ്ങളില്മധികമഅയി കണ്ടു വരുന്നു. പ്ലാസ്റ്റിക് സര്ജറമ്യിലൂടെ ആകാര സൗഷ്ടവം ഉള്ള സ്തനങ്ങള് സൃഷ്ടിക്കാനും ഇമ്പ്ലാന്റ് എന്നറിയപ്പെടുന്ന സിലിക്കണ് ദ്രവം സ്പോഞ്ച് രൂപത്തില് കയറ്റി തൂങ്ങിയ മുലകളെ യവ്വനയുക്തമാക്കാനും നിരവധി പേര് ഇന്ന് കാശു ചിലവിടുന്നുണ്ട്.[11] എന്നാല് ഇത് ഇന്ത്യ പോലുള്ള രാജ്യങ്ങളില് അത്ര വ്യാപകമായിട്ടില്ല. സ്തനങ്ങളുടെ ഞെട്ട് ഒഴികെയുള്ള പ്രദര്ശനം (കടല്ത്തീരങ്ങളിലും മറ്റും) അമേരിക്കയിലും മറ്റും സ്വീകര്യമാണെങ്കില് അല്പം മാറിടം പ്രദര്ശിപ്പിക്കുന്നത് ഇന്ത്യ പോലുള്ള രാജ്യങ്ങളില് സിനിമയിലൊഴികെ അസഭ്യമായി പരിഗണിക്കപ്പെട്ടേക്കാം. അമേരിക്കയില് സ്തനങ്ങള് പ്രദര്ശിപ്പിച്ച് പ്രതിഷേധം രേഖപ്പെടുത്തുന്ന സ്ട്രീക്കിങ്ങുകാരും ഉണ്ട്.
ലോകത്തിലെ വിവിധ ഭാഗങ്ങളില് നിര്മ്മിക്കപ്പെട്ടിരുന്ന ശില്പങ്ങളും ചിത്രങ്ങളും സ്ത്രീകളുടെ സ്തനങ്ങള് പ്രദര്ശിപ്പിച്ചുകൊണ്ടുള്ളവയാണ്. നഗ്നതയിലും സൗന്ദര്യമുള്ക്കൊള്ളുവാനുള്ള കലാകാരന്മാരുടെ രീതിയാണ് അത് കാണിക്കുന്നത്.
കേരള സാഹിത്യത്തിലും സ്തനങ്ങളെക്കുറിച്ചുള്ള നിരവധി പരാമര്ശങ്ങള് ഉണ്ടായിട്ടുണ്ട്. രാജാരവിവര്മ്മയുടെ ലോകപ്രശസ്തമായ എണ്ണച്ഛായാ ചിത്രത്തില് മുലയൂട്ടുന്ന ഒരു അമ്മയയാണ് ചിത്രീകരിച്ചിരിക്കുന്നത്.
[തിരുത്തുക] ആധാരസൂചിക
- ↑ വിവിധ സ്തന ഇമ്പ്ലാന്റുകളെക്കുറിച്ച് ശേഖരിച്ച തിയ്യതി 2007-04-25
- ↑ എച്ച്.ജി., വെല്സ് (ഏപ്രില് 1999) [1943] (in മലയാളം). ലോകചരിത്ര സംഗ്രഹം. സി. അച്യുതമേനോന് (1st ed.). തിരുവനന്തപുരം: പ്രഭാത് ബുക്ക് ഹൗസ്.
- ↑ സ്തനങ്ങളുടെ പരിണാമത്തെ പറ്റി പ്രൊഫ: എഡ്വേര്ഡ് മില്ലര് എഴുതിയ ലേഖനം. ശേഖരിച്ചത് 2007=04-25
- ↑ "Breast Anatomy and Physiology", ഇമാജിനിസ്. ശേഖരിച്ചത് 2007-04-22. (ഇംഗ്ലീഷ്)
- ↑ "Anatomy of the Breasts", മേരിലാന്ഡ് മെഡിക്കല് സെന്റര് സര്വ്വകലാശാല, 2006. ശേഖരിച്ചത് 2007-04-004. (ഇംഗ്ലീഷ്)
- ↑ "supernumerary_breasts", Medical Education Division, Brookside Associates, Ltd, 2006. ശേഖരിച്ചത് 2007-04-22. (ഇംഗ്ലീഷ്)
- ↑ "Pseudomamma on the foot: An unusual presentation of supernumerary breast tissue", Dermatology Online Journal, 2006. ശേഖരിച്ചത് 2007-04-004. (ഇംഗ്ലീഷ്)
- ↑ "Female Sexual Function/Dysfunction", മക് കിന്ലേയ് ഹെല്ത്ത് സെന്റര്, 2006. ശേഖരിച്ചത് 2007-04-22. (ഇംഗ്ലീഷ്)
- ↑ "Initial Breast Development", ഇമാജിനിസ്, 2006. ശേഖരിച്ചത് 2007-04-22. (ഇംഗ്ലീഷ്)
- ↑ "Breast Size, Appearance, and Changes Over Time", ഇമാജിനിസ്, തിയതി. ശേഖരിച്ചത് 2007-04-22. (ഇംഗ്ലീഷ്)
- ↑ [http://www.plasticsurgery4u.com/procedure_folder/breast_reduction/photographs_healing.html പ്ലാസ്റ്റിക് സര്ജറി ഫോര് യൂ വില് നിന്ന്/ ശേഖരിച്ചത് 2007-04-25
[തിരുത്തുക] കുറിപ്പുകള്
- ^ Actor and singer Mark Wahlberg has a supernumerary nipple below his normal left nipple.[1] It was, however, airbrushed out of the Calvin Klein underwear ads in which Wahlberg modeled.[2]
The model Masuimi Max has four nipples. She frequently models nude, revealing the supernumary nipples are visible as small, symmetrical freckle-like marks between her breasts and armpits, along the milk line. Anne Boleyn, second wife to Henry VIII of England, and mother of Elizabeth I, may have had a third nipple or even a third breast.[3] Carrie Underwood said in her first American Idol audition,[1] when Paula wasn't present, that she had a third nipple but had it removed even though it just looked like a mole.
[തിരുത്തുക] പുറമേക്കുള്ള കണ്ണികള്
- Images of female breasts
- Breasts in various stages of development
- Pregnancy and your breasts
- Stages of breast development, from Puberty101
- “Are Women Evolutionary Sex Objects?: Why Women Have Breasts”
- Breast Problems - Medical Advice
|
ഈ ലേഖനം അപൂര്ണ്ണമാണ്. ഇതു പൂര്ത്തിയാക്കുവാന് സഹകരിക്കുക. |
തല: തലയോട് - നെറ്റി – കണ്ണ് – ചെവി – മൂക്ക് – വായ – നാക്ക് – പല്ല് – താടിയെല്ല് – മുഖം – കവിള് – താടി
കഴുത്ത്: തൊണ്ട – തൊണ്ടമുഴ - കൃകം
ഉടല്: ചുമല് – നട്ടെല്ല് – നെഞ്ച് – സ്തനങ്ങള് – വാരിയെല്ല് – വയര് – പൊക്കിള്
-
- ലൈഗിക അവയവങ്ങള് : പുരുഷ ലിംഗം - വൃഷണം - കൃസരി - യോനി - അണ്ഡകോശം - ഗര്ഭപാത്രം
അവയവങ്ങള്: കൈ – കൈമുട്ട് – കൈപത്തി – ഉള്ളം കൈ – വിരല്– കാല് – മടി – തുട – കാല് മുട്ട് – കാല് വെണ്ണ – ഉപ്പൂറ്റി – കണങ്കാല് – പാദം – കാല് വിരല് തൊലി: മുടി
