സെൻട്രൽ ലെതർ റിസർച്ച് ഇൻസ്റ്റിറ്റ്യൂട്ട്, ചെന്നൈ
ചെന്നൈ നഗരത്തിലെ അഡയാറിൽ 1948-ൽ സ്ഥാപിതമായ സി. എൽ. ആർ. ഐ[1] എന്ന ചുരുക്കപ്പേരിലറിയപ്പെടുന്ന ഈ തുകൽ ഗവേഷണകേന്ദ്രം (സെൻട്രൽ ലെതർ റിസർച്ച് ഇൻസ്റ്റിറ്റ്യൂട്ട്), സി. എസ്. ഐ. ആറിൻറെ ഘടകമാണ്. വിദ്യാഭ്യാസ്ഥാപനങ്ങളേയും വ്യവസായശാലകളേയും കൂട്ടിയിണക്കാനുതകുന്ന സാങ്കേതിക ഗവേഷണകേന്ദ്രമായി രംഗത്തു വന്ന സി. എൽ. ആർ. ഐ ഇന്ന് ഇന്ത്യൻ തുകൽ വ്യവസായത്തിൻറെ നാഡീകേന്ദ്രമാണ്. ഗവേഷണം, പരിശീലനം, പരീക്ഷണങ്ങൾ, രൂപകല്പന, ആസൂത്രണം തുടങ്ങിയ തുകൽ വ്യവസായത്തിൻറെ എല്ലാ രംഗങ്ങളിലും നേതൃത്വം വഹിക്കുന്നു. ഈ സ്ഥാപനത്തിൻറെ ഇപ്പോഴത്തെ ഡയറക്ടർ എ.ബി. മണ്ഡൽ ആണ്.
[തിരുത്തുക] നേട്ടങ്ങൾ
2000-2010 കാലയളവിൽ സി. എൽ. ആർ. ഐ 88 ഇന്ത്യൻ പാററൻറുകളം 55 അന്താരാഷ്ട്രീയ പാററൻറുകളം നേടിയെടുത്തു. കെ ജെ. ശ്രീറാം,(2004), പി. തണികൈവേലൻ( 2006), ബി. മദൻ (2008) ഗവേഷകർക്ക് സി. എസ്. ഐ. ആറിൻറെ യുവശാസ്ത്രജ്ഞൻ (സി. എസ്. ഐ. ആർ യംഗ് സയൻറിസ്ററ്) എന്ന ബഹുമതി ലഭിച്ചിട്ടുണ്ട്. ജോൺ സുന്ദർ, വി.രംഗസ്വാമി, സി. മുരളീധരൻ, എ.ബി. മണ്ഡൽ എന്നിവരടങ്ങുന്ന സി. എൽ. ആർ. ഐ ഗവേഷക സംഘമാണ് 2011-ലെ സി. എസ്. ഐ. ആർ ടെക്നോളജി മെഡൽ കരസ്ഥമാക്കിയത്
[തിരുത്തുക] പൂർണ്ണ വിവരങ്ങൾ
സെൻട്രൽ ലെതർ റിസർച്ച് ഇൻസ്റ്റിറ്റ്യൂട്ട്, അഡയാർ, ചെന്നൈ 600 020 ഇന്ത്യ. ഫോൺ: 91-44-24915238 ഫാക്സ്: +91-44-24912150 ഇമെയിൽ: clrim@vsnl.com
