തേൻകിളി (പക്ഷികുടുംബം)

ഇംഗ്ലീഷ് വിലാസം

https://ml.wikipedia.org/wiki/Sunbird

തേൻകിളികൾ
Crimson Sunbird (male above, female below)
ശാസ്ത്രീയ വർഗ്ഗീകരണം
കിങ്ഡം:	Animalia
Phylum:	Chordata
Class:	Aves
Order:	Passeriformes
Suborder:	Passeri
Family:	Nectariniidae Vigors, 1825
Genera
15, see text

തിളങ്ങുന്ന വർണ്ണഭംഗികൊണ്ട് ശ്രദ്ധ ആകർഷിക്കുന്ന ചെറിയ പക്ഷികളാണ് സൂചിമുഖികൾ അഥവാ തേൻകിളികൾ (sunbirds). സൂചിപോലെ നീണ്ട് കൂർത്ത കൊക്കുള്ളതുകൊണ്ടാണ് ഇവയ്ക്ക് ഈ പേര് ലഭിച്ചത്. പൂന്തേൻ പ്രിയർ ആയതുകൊണ്ട് തേൻകിളികളെന്നും ഇവയ്ക്ക് പേരുണ്ട്. പലതരം തേൻകിളികളെ കേരളത്തിലെങ്ങും പൂക്കളും മരങ്ങളുമുള്ളയിടങ്ങളിലൊക്കെ കണ്ടു വരുന്നു. സ്വീ.. സ്വീ എന്ന ശബ്ദം പുറപ്പെടുവിച്ചുകൊണ്ടാണ് ഇവ പറന്നുനടക്കുക. നീണ്ടു കൂർത്തു വളഞ്ഞ കൊക്കും, മനോഹരമായ നിറമുള്ള ദേഹവും ഈ പക്ഷികളെ തിരിച്ചറിയാൻ സഹായിക്കും.

സൂചീമുഖി(വീഡീയോ)

പ്രധാന ഇനങ്ങൾ

• കറുപ്പൻ തേൻകിളി - Purple Sunbird - Cinnyris asiaticus
• വലിയ തേൻകിളി അഥവാ കൊക്കൻ തേൻകിളി - Loten's Sunbird - Cinnyris lotenius
• മഞ്ഞത്തേൻകിളി - Purple-rumped Sunbird - Leptocoma zeylonica
• ചെറുതേൻകിളി - Small Sunbird - Leptocoma minima

സ്വഭാവവിശേഷങ്ങൾ

സ്ഥിരമായി കുളിക്കുന്ന സ്വഭാവം ഇവക്കില്ല. മഞ്ഞുകാലങ്ങളിലും മഴക്കാലങ്ങളിലും നനഞ്ഞു നിൽക്കുന്ന ഇലകളിൽ ഉരുണ്ട് ഒരു കുളി നടത്തും. വെള്ളത്തിലിറങ്ങിയുള്ള കുളി വളരെ അപൂർവ്വമാണ്.