സാബൂൻകായ

വിക്കിപീഡിയ, ഒരു സ്വതന്ത്ര വിജ്ഞാനകോശം.
സാബൂൻകായ
സാബൂൻകായ ഹൈദരാബാദിൽ നിന്നും
ശാസ്ത്രീയ വർഗ്ഗീകരണം
സാമ്രാജ്യം: Plantae
(unranked): Angiosperms
(unranked): Eudicots
(unranked): Rosids
നിര: Sapindales
കുടുംബം: Sapindaceae
ഉപകുടുംബം: Sapindoideae
ജനുസ്സ്: Sapindus
വർഗ്ഗം: S.emarginatus


പഴയകാലത്ത് ഭാരതത്തിൽ സോപ്പിനു പകരം തുണി അലക്കുവാൻ വ്യാപകമായി ഉപയോഗിച്ചിരുന്ന ഒരു തരം കായയാണ് സാബൂൻകായ (കേരളത്തിന്റെ വിവിധഭാഗങ്ങളിൽ ഉറുഞ്ചിക്കായ/ഉഴുറുഞ്ചിക്കായ, ചവക്കായ, പശകൊട്ട എന്നീ പേരുകളിലും അറിയപ്പെടുന്നു. സാബൂൻ എന്ന ഓഷധിയുടെ (Sapindus emarginatus) ഫലമായ ഈ കായ്കൾ കാട്ടിൽ നിന്നും കുട്ടികൾ ശേഖരിച്ചു കൊണ്ടു വരും. വെള്ളത്തിൽ നല്ലപോലെ പതയുന്ന ഉറുഞ്ചിക്ക തൊണ്ട് കുത്തിപ്പിഴിഞ്ഞ് തുണികളിലെ അഴുക്ക് നീക്കാൻ സ്ത്രീകൾ ഉപയോഗിച്ചിരുന്നു. സ്വർണ്ണാഭരണങ്ങളിലെ അഴുക്കും മങ്ങലും മാറ്റാൻ സ്വർണ്ണപ്പണിക്കാർ ഈ കായ ഉപയോഗിച്ചിരുന്നു. ഇരുപതാംനൂറ്റാണ്ടായതോടെ സോപ്പ്, ഡിറ്റർജന്റുകൾ തുടങ്ങിയവയുടെ പ്രചാരത്തോടെ സാബൂൻകായയുടെ ഉപയോഗം ഗണ്യമായി കുറഞ്ഞു.

ശാസ്ത്രീയ നാമം[തിരുത്തുക]

ലൈചീ കുടുംബത്തിൽ പെട്ട(Lychee) സാപ്പിൻഡേസിയ (Sapindaceae) വർഗ്ഗത്തിൽ പെടുന്ന ചെടിയുടെ കായാണിത്.ഇതിന്റെ പേർ ലാറ്റിനിലുള്ള സോപ്പ് എന്ന അർത്ഥം വരുന്ന സാപോണിസ് എന്നതും ഇന്ത്യ എന്ന അർത്ഥം വരുന്ന ഇൻഡികസും കൂടി ആണുണ്ടായിട്ടുള്ളത്

പ്രത്യേകതകൾ[തിരുത്തുക]

പ്രകൃത്യായുള്ള സർഫാക്റ്റന്റ്സ് ആയ സാപ്പോണിൻസ് ആടങ്ങീട്ടുള്ള ഈ കായ അമേരിക്കയിലേയുംഏഷ്യയിലേയും തദ്ദേശീയർ കഴുകുന്നതിനു ഉപയോഗിച്ചിരുന്നു.ഈ കായ ചരിത്രാതീത കാലം മുതൽ , ഗർഭനിരോധന മാർഗ്ഗമായും,ശർദ്ദിപ്പിക്കുന്നതിനുള്ള മരുന്നായും, അമിത ഉമിനീർ രോഗത്തിനും, അപസ്മാരത്തിനും,മരുന്നായും ഉപയോഗിച്ചിരുന്നു.

മറ്റ് പേരുകൾ[തിരുത്തുക]

ചവക്കായ ,ഉരെഞ്ചി ക്കായ, സോപ്പ് കായ,സോപും കായ്‌,സാവുങ്കായ്,പശകൊട്ട എന്നിങ്ങനെ പേരുണ്ട്.

സാബൂൻ എന്നത് അറബി പദമാണ്. അറബി ഭാഷയിൽ സോപ്പിനുസാബൂൻ എന്ന് പറയുന്നു.

ഇതും കാണുക[തിരുത്തുക]

  1. പശക്കൊട്ട
"http://ml.wikipedia.org/w/index.php?title=സാബൂൻകായ&oldid=1928276" എന്ന താളിൽനിന്നു ശേഖരിച്ചത്