സാഗർമാഥാ ദേശീയോദ്യാനം

വിക്കിപീഡിയ, ഒരു സ്വതന്ത്ര വിജ്ഞാനകോശം.
സാഗർമാഥാ ദേശീയോദ്യാനം Sagarmatha National Park
എവറസ്റ്റ് കൊടുമുടി
Map showing the location of സാഗർമാഥാ ദേശീയോദ്യാനം Sagarmatha National Park
Map showing the location of സാഗർമാഥാ ദേശീയോദ്യാനം Sagarmatha National Park
Locationനേപ്പാൾ
Area1,148 km2 (443 sq mi)
EstablishedJuly 19, 1976
Typeപാരിസ്ഥിതികം
Criteriavii
Designated1979 (3 session)
Reference no.120
State Party നേപ്പാൾ
Regionഏഷ്യാ പസഫിൿ

കിഴക്കൻ നേപ്പാളിൽ സ്ഥിതിചെയ്യുന്ന ഒരു സംരക്ഷിത പ്രദേശമാണ് സാഗർമാഥാ ദേശീയോദ്യാനം (നേപ്പാളി: सगरमाथा राष्ट्रिय निकुञ्ज; ഇംഗ്ലീഷ്: Sagarmatha National Park). ലോകത്തിലെ ഏറ്റവും ഉയരംകൂടിയ കൊടുമുടിയായ എവറസ്റ്റ്‌ ഈ ഉദ്യാനത്തിന്റെ പരിധിയിലാണ് വരുന്നത്. എവറസ്റ്റ് കൊടുമുടി നേപ്പാളി ഭാഷയിൽ സഗർമാഥാ (सगरमाथा) എന്നാണ് അറിയപ്പെടുന്നത്.

1,148 ചതുരശ്ര കിലോമീറ്റർ(443 ചതുരശ്ര മൈൽ) വിസ്തൃതിയിൽ വ്യാപിച്ചിരിക്കുന്ന ഈ ഉദ്യാനം നേപ്പാളിലെ സോലുഘുംബു ജില്ലയിലാണ് സ്ഥിതിചെയ്യുന്നത്.

1976ലാണ് ഈ ദേശീയോദ്യാനം സ്ഥാപിതമായത്. 1979-ൽ നേപ്പാളിൽ നിന്നും ലോകപൈതൃക പട്ടികയിൽ ഇടം നേടിയ പ്രഥമ ദേശീയോദ്യാനമായി ഇത്.2002-ൽ 275ച.കി.മീ വിസ്തൃതിയുള്ള ഒരു ബഫർ മേഖലയും (Buffer Zone) ദേശീയോദ്യാനത്തിനോട് കൂട്ടിച്ചേർക്കപ്പെട്ടു.[1] 1960കളുടെ ആരംഭം മുതൽക്കെ നേപ്പാളിലെ ഒരു വിനോദസഞ്ചാരകേന്ദ്രമായി സാഗർമാഥാ ദേശീയോദ്യാനം മാറിയിരുന്നു. 2003-ൽ ഏകദേശം 19,000ത്തോളം സഞ്ചാരികൾ ഇവിടം സന്ദർശിച്ചു എന്നാണ് കണക്ക്. നേപ്പാളിലെ ഒരു ഗോത്രവിഭാഗമായ ഷെർപ്പകൾ ഇവിടെ അധിവസിക്കുന്നുണ്ട്. 3500-ത്തോളം ഷെർപ്പകൾ സാഗർമാഥയ്ക്ക് സമീപമായി ഗ്രാമങ്ങളിലും താൽക്കാലിക വസതികളിലുമായി താമസിക്കുന്നുണ്ട്.[2]

ഇതും കാണുക[തിരുത്തുക]

എവറസ്റ്റ്‌ കൊടുമുടി

അവലംബം[തിരുത്തുക]

  1. Heinen, J. T. and J. N. Mehta (2000). Emerging Issues in Legal and Procedural Aspects of Buffer Zone Management with Case Studies from Nepal. Journal of Environment and Development 9 (1): 45–67.
  2. Byers, A. (2005). Contemporary human impacts on Alpine ecosystems in the Sagarmatha (Mt. Everest) national park, Khumbu, Nepal. Annals of the Association of American Geographers 95 (1): 112–140.
"https://ml.wikipedia.org/w/index.php?title=സാഗർമാഥാ_ദേശീയോദ്യാനം&oldid=3651038" എന്ന താളിൽനിന്ന് ശേഖരിച്ചത്