സര്ദാര് വല്ലഭായി പട്ടേല്
വിക്കിപീഡിയ, ഒരു സ്വതന്ത്ര വിജ്ഞാനകോശം.
| വല്ലഭായി ജവഹര്ഭായി പട്ടേല് | |
|---|---|
 |
|
| ജനനം: | ഒക്ടോബര് 31 1875 |
| ജന്മസ്ഥലം: | നാദിയാദ്, ഗുജറാത്ത്, ഇന്ത്യ |
| മരണം: | ഡിസംബര് 15 1950 (പ്രായം 75) |
| മരണസ്ഥലം: | മുംബൈ, മഹാരാഷ്ട്ര, ഇന്ത്യ |
| Movement: | ഇന്ത്യന് സ്വാതന്ത്ര്യസമര പ്രസ്ഥാനം |
| പ്രധാന സംഘടനകള്: | ഇന്ത്യന് നാഷണല് കോണ്ഗ്രസ്സ് |
| പുരസ്കാരങ്ങള്: | ഭാരത രത്ന (1991, posthumous) |
| Major monuments: | Sardar Patel National Memorial |
| മതം: | ഹിന്ദു |
| Influences | മഹാത്മാഗാന്ധി |
ഇന്ത്യന് സ്വാതന്ത്ര്യസമര സേനാനിയും ഇന്ത്യയുടെ ഏകീകരണത്തിന്റെ പ്രധാന ശില്പികളിലൊരാളും ആയിരുന്ന പ്രമുഖ രാഷ്ട്രീയ സാമൂഹിക നേതാവായിരുന്നു വല്ലഭായി പട്ടേല് (Gujarati: સરદાર વલ્લભભાઈ પટેલ; ഐ.പി.എ: [sərd̪aːr ʋəlləbʰbʰaːi pʌʈeːl] ) (ഒക്ടോബര് 31 1875 – ഡിസംബര് 15 1950). ഇന്ത്യയിലും ലോകമൊട്ടാകെയും തലവന് എന്ന് അര്ത്ഥം വരുന്ന സര്ദ്ദാര് എന്ന പേരില് അദ്ദേഹം അഭിസംബോധന ചെയ്യപ്പെട്ടു.
[തിരുത്തുക] ആദ്യകാലം
ഗുജറാത്തിലെ ഒരു ഗ്രാമത്തില് ജനിച്ച് സ്വയം പഠിച്ചുവളര്ന്ന അദ്ദേഹം വക്കീലായി സേവനമനുഷ്ടിച്ച് വരികവേയാണ് ഗാന്ധിജിയുടെ തത്വശാസ്ത്രങ്ങളിലും പ്രവര്ത്തനങ്ങളിലും ആകൃഷ്ടനാവുന്നത്. പിന്നാലെ അദ്ദേഹം ബ്രിട്ടീഷ് രാജിന്റെ വിഭാഗീയ നയങ്ങള്ക്കെതിരെ അഹിംസാമാര്ഗ്ഗത്തിലുള്ള നിസ്സഹകരണ പ്രസ്ഥാനത്തിന്റെ ഭാഗമായി ഖേട, ബോര്സാദ്, ബര്ദോളി എന്നീ ഗുജറാത്തി ഗ്രാമങ്ങളിലെ കര്ഷകരെ സംഘടിപ്പിച്ചു.[അവലംബം ആവശ്യമാണ്] ഈ പ്രവര്ത്തനങ്ങളിലൂടെ പട്ടേല് ഗുജറാത്തിലെ ഏറ്റവും സ്വാധീനശാലിയായ നേതാക്കളില് ഒരാളായി. ഇന്ത്യന് നാഷണല് കോണ്ഗ്രസിന്റെ നേതൃത്വനിരയിലേക്കുയര്ന്ന പട്ടേല് കലാപങ്ങളുടെയും രാഷ്ട്രീയ മുന്നേറ്റങ്ങളുടെയും മുന്നിരയിലായിരുന്നു. 1934-ലെയും 1937-ലെയും കോണ്ഗ്രസ് പാര്ട്ടി തിരഞ്ഞെടുപ്പുകള് ആസൂത്രണം ചെയ്തതിലും ക്വിറ്റ് ഇന്ത്യാ പ്രസ്ഥാനം സംഘടിപ്പിച്ചതിലും പട്ടേലിന്റെ പങ്ക് വലുതാണ്.[അവലംബം ആവശ്യമാണ്]
[തിരുത്തുക] ഭരണാധികാരി
സ്വാതന്ത്ര്യാനന്തരം ഇന്ത്യയുടെ ആദ്യത്തെ ആഭ്യന്തരമന്ത്രിയും ഉപപ്രധാനമന്ത്രിയും ആയിരുന്ന പട്ടേല് പഞ്ചാബിലെയും ഡെല്ഹിയിലെയും അഭയാര്ത്ഥികള്ക്ക് അവശ്യസാധനങ്ങള് സംഘടിപ്പിച്ചു. രാഷ്ട്രത്ത് ആകമാനം സമാധാനം പുന:സ്ഥാപിക്കുവാന് പട്ടേല് പരിശ്രമിച്ചു. 565 അര്ദ്ധ-സ്വതന്ത്ര നാട്ടുരാജ്യങ്ങളെയും ബ്രിട്ടീഷ് കാലഘട്ടത്തിലെ കോളനി പ്രവിശ്യകളെയും ഒന്നിപ്പിച്ച് ഇന്ത്യാ രാഷ്ട്രം രൂപീകരിക്കുന്ന ചുമതല പട്ടേല് ഏറ്റെടുത്തു. തുറന്ന നയതന്ത്രവും സൈനിക ശക്തി ഉപയോഗിക്കാനുള്ള സ്വാതന്ത്ര്യവും (ചിലപ്പോഴൊക്കെ സൈനിക ശക്തി ഉപയോഗിച്ചും) കൊണ്ട് പട്ടേലിന്റെ നേതൃത്വത്തില് ഏകദേശം എല്ലാ നാട്ടുരാജ്യങ്ങളും ഇന്ത്യയില് ലയിച്ചു. ഇന്ത്യയുടെ ഉരുക്കുമനുഷ്യന് എന്ന് വിശേഷിപ്പിക്കപ്പെട്ട പട്ടേല് ആയിരുന്നു ആധുനിക അഖിലേന്ത്യാ സിവില് സര്വ്വീസസ് സ്ഥാപിച്ചത്. ഇന്ത്യന് സിവില് സര്വ്വീസിന്റെ തലതൊട്ടപ്പനായും പട്ടേല് അറിയപ്പെടുന്നു.[അവലംബം ആവശ്യമാണ്] വ്യക്തികളുടെ വസ്തു അവകാശത്തിന്റെയും സ്വതന്ത്ര വാണിജ്യ വ്യവസ്ഥയുടെയും ആദ്യകാല വക്താക്കളില് ഒരാളായിരുന്നു പട്ടേല്.
 |
ജീവചരിത്രവുമായി ബന്ധപ്പെട്ട ഈ ലേഖനം അപൂര്ണ്ണമാണ്. ഇതു വികസിപ്പിക്കുവാന് സഹായിക്കുക. |
