സന്ദീപ് ഉണ്ണിക്കൃഷ്ണൻ
| മേജർ സന്ദീപ് ഉണ്ണിക്കൃഷ്ണൻ | |
|---|---|
| 1977 മാർച്ച് 15 – 2008 നവംബർ 28 (പ്രായം 31) | |
 |
|
| ജനനസ്ഥലം | കോഴിക്കോട്, കേരളം |
| മരണസ്ഥലം | മുംബൈ, മഹാരാഷ്ട്ര |
| Allegiance |  India |
| Service/branch | ഇന്ത്യൻ കരസേന, ദേശീയ സുരക്ഷാസേന |
| Years of service | 1999-2008 |
| പദവി | മേജർ, കമാൻഡോ |
| ബഹുമതികൾ | അശോകചക്ര |
2008 നവംബറിൽ മുംബൈയിൽ നടന്ന ഭീകരാക്രമണത്തിനിടയിൽ തീവ്രവാദികളുമായുണ്ടായ ഏറ്റുമുട്ടലിൽ മരിച്ച സൈനികനാണ് മേജർ സന്ദീപ് ഉണ്ണിക്കൃഷ്ണൻ (മാർച്ച് 15, 1977 – നവംബർ 28, 2008[1][2]കോഴിക്കോട് ജില്ലയിലെ ചെറുവണ്ണൂർ സ്വദേശിയായ ഇദ്ദേഹം ബാംഗ്ലൂരിലായിരുന്നു താമസിച്ചിരുന്നത്.[1] ആർമി മേജറായിരുന്ന സന്ദീപ് ദേശീയ സുരക്ഷാസേനയിൽ ഡെപ്യൂട്ടേഷനിൽ ജോലി ചെയ്യുന്നതിനിടെയാണ് ജീവത്യാഗം ചെയ്തത്.[3] താജ് ഹോട്ടലിൽ തമ്പടിച്ചിരുന്ന തീവ്രവാദികളുമായി നടന്ന ഏറ്റുമുട്ടലിനിടയിലാണ് സന്ദീപ് കൊല്ലപ്പെട്ടത്.[3]
ഉള്ളടക്കം |
[തിരുത്തുക] ജീവിതരേഖ
ഐ.എസ്.ആർ.ഒ. ഉദ്യോഗസ്ഥനായ ഉണ്ണിക്കൃഷ്ണൻറെയും ധനലക്ഷ്മിയുടെയും മകനാണ് സന്ദീപ്. ഉൽസൂരിലെ ഫ്രാങ്ക് ആന്റണി പബ്ലിക് സ്കൂളിലാണ് സന്ദീപ് തന്റെ 14 വർഷം നീണ്ട വിദ്യാഭ്യാസ ജീവിതം നയിച്ചത്. 1995-ൽ ഇവിടെനിന്ന് ശാസ്ത്രത്തിൽ ബിരുദവും നേടി.[2] പഠനകാലത്ത് കായികഇനങ്ങളിൽ ഏറെ താല്പര്യം കാണിച്ചിരുന്ന സന്ദീപ് സ്കൂളിലെ മികച്ച ഓട്ടക്കാരനായിരുന്നു.[4]
[തിരുത്തുക] സൈനികജീവിതം
1995-ൽ നാഷണൽ ഡിഫൻസ് അക്കാദമിയിൽ ചേർന്നു. പഠനത്തിനുശേഷം 1999-ൽ ഇന്ത്യൻ കരസേനയുടെ ബിഹാർ റെജിമെൻറിൽ ചേർന്നു. കരസേനയിലെ സൈനികജീവിതത്തിനിടയിൽ ജമ്മു കശ്മീർ, രാജസ്ഥാൻ തുടങ്ങിയ ഇടങ്ങളിൽ ദേശവിരുദ്ധ പ്രവർത്തനം നേരിടാനും അദ്ദേഹം നിയോഗിക്കപ്പെട്ടു.[2] 2007 ജനുവരി മുതൽ ദേശീയ സുരക്ഷാസേനയിൽ ഡെപ്യൂട്ടേഷനിൽ പ്രവേശിച്ചു.[2] അവിടെ അദ്ദേഹം 51 സ്പെഷ്യൽ ആക്ഷൻ ഗ്രൂപ്പിലായിരുന്നു പ്രവർത്തിച്ചിരുന്നത്.[3]
[തിരുത്തുക] ഓപ്പറേഷൻ ബ്ലാക്ക് ടൊർണാഡോ
2008-ൽ ഭീകരവാദികൾ മുംബൈ ആക്രമിച്ചപ്പോൾ ബന്ദികളാക്കിയവരെ രക്ഷിക്കാൻ നിയോഗിച്ച ദേശീയ സുരക്ഷാസേനയിൽ അംഗമായിരുന്നു സന്ദീപ് ഉണ്ണിക്കൃഷ്ണൻ. തീവ്രവാദികൾ നിലയുറപ്പിച്ച താജ് ഹോട്ടലിലേക്ക് കമാൻഡോകൾ നടത്തിയ പ്രത്യാക്രമണം ഓപ്പറേഷൻ ബ്ലാക്ക് ടൊർണാഡോ എന്നായിരുന്നു അറിയപ്പെട്ടത്. ഏറ്റമുട്ടലിൽ പരിക്കേറ്റ ഒരു കമാൻഡോയെ അവിടെനിന്ന് മാറ്റിയശേഷം തീവ്രവാദികൾക്കുനേരെ കുതിച്ച സന്ദീപ് പിൻഭാഗത്ത് വെടിയേറ്റു വീണു. ഗുരുതരമായി പരിക്കേറ്റ അദ്ദേഹം പിന്നീട് മരണത്തിന് കീഴടങ്ങുകയായിരുന്നു.[5]
[തിരുത്തുക] അന്ത്യയാത്ര
നവംബർ 29-ന് ബാംഗ്ലൂരിലെ വസതിയിലെത്തിച്ച സന്ദീപിന്റെ മൃതദേഹം പൂർണ സൈനിക ബഹുമതികളോടെയാണ് സംസ്കരിച്ചത്.[2]
[തിരുത്തുക] സൈനികബഹുമതി
ഭീകരാക്രമണത്തിൽ ജീവത്യാഗം ചെയ്തതിനെ മാനിച്ച് ഭാരത സർക്കാർ സന്ദീപ് ഉണ്ണിക്കൃഷ്ണന് മരണാനന്തര ബഹുമതിയായി അശോകചക്ര നൽകി ആദരിച്ചു.[6]
[തിരുത്തുക] ഇതും കാണുക
[തിരുത്തുക] അവലംബം
- ↑ 1.0 1.1 "Army Major from Kerala dies in Mumbai encounter" (English ഭാഷയിൽ). WebIndia 123. നവംബർ 28. http://news.webindia123.com/news/articles/India/20081128/1115900.html, ശേഖരിച്ചത്: നവംബർ 28, 2008.
- ↑ 2.0 2.1 2.2 2.3 2.4 "B'lore: Tearful adieu to brave heart Sandeep" (English ഭാഷയിൽ). Mangalorean. നവംബർ 29. http://mangalorean.com/news.php?newstype=broadcast&broadcastid=102951, ശേഖരിച്ചത്: ഡിസംബർ 1, 2008.
- ↑ 3.0 3.1 3.2 "2 NSG men killed, six others injured in Mumbai gunbattles" (English ഭാഷയിൽ). PTI. നവംബർ 28. http://www.ptinews.com/pti%5Cptisite.nsf/0/FFB1157E6E7B9C4F6525750F004376C9?OpenDocument, ശേഖരിച്ചത്: നവംബർ 28, 2008.
- ↑ "Maj Sandeep UnniKrishnan - A school remembers" (English ഭാഷയിൽ). Times of India. http://timesofindia.indiatimes.com/Bangalore/Maj_Sandeep_UnniKrishnan_-_A_school_remembers/articleshow/3770767.cms, ശേഖരിച്ചത്: ഡിസംബർ 1, 2008.
- ↑ "Sandeep Unnikrishnan waged a valiant battle against terrorists" (English ഭാഷയിൽ). The Hindu. നവംബർ 29, 2008. http://www.hindu.com/2008/11/29/stories/2008112959030900.htm, ശേഖരിച്ചത്: ഡിസംബർ 1, 2008.
- ↑ "സന്ദീപും ജോജനും അടക്കം 11 സൈനികർക്ക് അശോകചക്ര" (മലയാളം ഭാഷയിൽ). മാതൃഭൂമി. ജനുവരി 23, 2009. http://mathrubhumi.com/php/newFrm.php?news_id=124902&n_type=HO&category_id=1, ശേഖരിച്ചത്: ജനുവരി 23, 2009.
 |
ജീവചരിത്രവുമായി ബന്ധപ്പെട്ട ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. |
