ഷാഹിദ് കപൂർ
| ഷാഹിദ് കപൂർ | |
|---|---|
 ഷാഹിദ് കപൂർ |
|
| ജനനം | ഷാഹിദ് കപൂർ 1981 ഫെബ്രുവരി 25 മുംബൈ, ഇന്ത്യ |
| സജീവം | 1999 - മുതൽ ഇതുവരെ |
ഇന്ത്യൻ ചലച്ചിത്ര നടനും, മോഡലുമാണ് ഷാഹിദ് കപൂർ (ഹിന്ദി: शाहिद कपूर; ജനനം ഫെബ്രുവരി 25 1981[1]. മ്യൂസിക് വീഡിയോകളിലൂടെയും, പരസ്യചിത്രങ്ങളിലൂടെയുമാണ് ഷാഹിദ് തന്റെ കലാജീവിതം ആരംഭിക്കുന്നത്. പ്രശസ്ത സംവിധായകൻ സുഭാഷ് ഗായുടെ ഹിറ്റ് ചിത്രമായ താലിൽ (1999) ഒരു സംഘനർത്തകനായാണ് ഷാഹിദ് ആദ്യമായി ഹിന്ദിചിത്രത്തിൽ മുഖം കാണിക്കുന്നത്. പിന്നീട് നാലുവർഷത്തിനു ശേഷമാണ് ഷാഹിദ് സിനിമയിൽ അഭിനയിക്കുന്നത്. ഇഷ്ക് വിഷ്ക് എന്ന ചിത്രമായിരുന്നു അത്. ഈ ചിത്രത്തിലെ നായകവേഷം ഷാഹിദിന് മികച്ച പുതുമുഖ നടനുള്ള ഫിലിംഫെയര് അവാർഡ് നേടിക്കൊടുത്തു. തുടർന്നും ധാരാളം സിനിമകളിൽ അഭിനയിച്ച ഷാഹിദിന്റെ ഹിറ്റ് ചിത്രങ്ങളിൽ ചിലതാണ് ഫിഡ, ശികർ, വിവാഹ്, ജബ് വി മീറ്റ്, തുടങ്ങിയവ. ഈ വിജയ ചിത്രങ്ങൾ ഷാഹിദിന് ഹിന്ദി ചലച്ചിത്ര മേഖലയിൽ തന്റേതായ വ്യക്തിത്വം രൂപപ്പെടുത്തുന്നതിന് സഹായകമായി. .[2]
ഉള്ളടക്കം |
[തിരുത്തുക] ജീവിതരേഖ
[തിരുത്തുക] സ്വകാര്യ ജീവിതം
പ്രശസ്ത ചലച്ചിത്ര നടൻ പങ്കജ് കപൂറിന്റെയും, നടിയും നർത്തകിയുമായ നീലിമ അസീമിന്റെയും മകനാണ് ഷാഹിദ് കപൂർ. സസ്യാഹാരം മാത്രം കഴിക്കുന്ന [3] ഷാഹിദിന് ഒരു സഹോദരിയും ഒരു സഹോദരനും കൂടിയുണ്ട്. ഒരു മാർക്സിസ്റ്റ് പ്രത്രപ്രവർത്തകനും, എഴുത്തുകാരനും കൂടിയായ അൻവർ അസീമാണ് ഷാഹിദിന്റെ മുത്തച്ഛൻ [4]. പ്രശസ്ത നടി കരീന കപൂർ മൂന്ന് വർഷക്കാലം ഷാഹിദിന്റെ കാമുകിയായിരുന്നു, പിന്നീട് ഇരുവരും വേർ പിരിഞ്ഞു.[5][6]
[തിരുത്തുക] സിനിമാ ജീവിതം
ഒരു മോഡലായി പരസ്യചിത്രങ്ങളിൽ അഭിനയിച്ചുകൊണ്ടാണ് ഷാഹിദ് അഭിനയം തുടങ്ങിയതെങ്കിലും, തുടക്കത്തിൽ തന്നെ പ്രശസ്ത നടനായ ഷാരൂഖ് ഖാന്റെ കൂടെയും പരസ്യചിത്രങ്ങളിൽ അഭിനയിക്കാൻ ഷാഹിദിന് കഴിഞ്ഞു. പെപ്സിയുടെ ആദ്യകാല പരസ്യങ്ങൾ ഇതിനുദാഹരണമാണ്. തുടർന്ന് ഷാഹിദ് ഷായ്മക് ദാവാർ ഇൻസ്റ്റിട്യൂട്ട് ഓഫ് ദി പെർഫോമിംഗ് ആർട്ട് എന്ന സ്ഥാപനത്തില് ചേർന്ന് നൃത്തം പഠിക്കുകയുണ്ടായി. പിന്നീടാണ് സുഭാഷ് ഗായിയെ പരിചയപ്പെടുന്നതും താൽ എന്ന ചിത്രത്തില് ഐശ്വര്യ റായിയുടെ കൂടെ ഒരു ഗാനത്തില് നൃത്തം ചെയ്യുകയും ചെയ്യുന്നത്. 2003 ലാണ് ഷാഹിദിന്റെ ആദ്യ നായകചിത്രം പുറത്തിറങ്ങുന്നത്. സംവിധായകൻ കെൻ ഘോഷ് കഥയെഴുതി സംവിധാനം ചെയ്ത ഒരു പ്രണയകഥപറയുന്ന ഇഷ്ക് വിഷ്ക് എന്ന ചിത്രമായിരുന്നു ഇത്[7]. ഈ ചിത്രത്തിൽ ഷാഹിദിന്റെ നായികയായി അഭിനയിച്ചത് രണ്ടു പേരായിരുന്നു, അമൃത റവുവും, ഷെനാസ്സ് ട്രെസ്സറിവാലയുമായിരുന്നു ഈ രണ്ടുപേർ.
[തിരുത്തുക] അഭിനയിച്ച സിനിമകൾ
- 1999 – താൽ
- 2003 – ഇഷ്ക് വിഷ്ക്
- 2004 - ഫിഡ
- 2004 – ദിൽ മാംഗെ മോർ
- 2005 – ദീവാന ഹുയെ പാഗൽ
- 2005 – വാ! ലൈഫ് ഹോ തോ ഐസി
- 2005 – ശികർ
- 2006 – 36 ചൈന ടൌൺ
- 2006 – ചുപ് ചുപ് കെ
- 2006 – വിവാഹ്
- 2007 – ഫൂൾ ആൻഡ് ഫൈനൽ
- 2007 – ജബ് വി മീറ്റ്
- 2008 – കിസ്മത് കണക്ഷൻ
[തിരുത്തുക] അവലംബം
- ↑ Sabnani, Pankaj. "Celebrating uncle Shahid Kapoor's birthday". Indiatimes. http://movies.indiatimes.com/articleshow/2811899.cms, ശേഖരിച്ചത്: 2008-07-07.
- ↑ Sen, Raja. "The most powerful actors of 2007". Rediff.com. http://specials.rediff.com/yearend/2007/dec/24yrpoweractors4.htm, ശേഖരിച്ചത്: 2007-12-24.
- ↑ Ashraf, Syed Firdaus. "Get Ahead Living: Shahid Kapur: It is my life!". Rediff.com. http://specials.rediff.com/getahead/2004/oct/18ga-sd.htm, ശേഖരിച്ചത്: 2007-10-18.
- ↑ A.W.Sadathullah Khan, ed. "Community Roundup: People...". The Islamic Press. http://www.islamicvoice.com/november.2000/community.htm#peo, ശേഖരിച്ചത്: 2008-02-18.
- ↑ The Associated Press. "Bollywood actress Kareena Kapoor says she will marry her boyfriend, just not yet". International Herald Tribune. http://www.iht.com/articles/ap/2006/09/14/arts/AS_A-E_MOV_India_People_Kareena_Kapoor.php, ശേഖരിച്ചത്: 2006-09-14.
- ↑ Entertainment News. "'Jab We Met' is what Shahid and Kareena would say now". The Hindu. http://www.hindu.com/thehindu/holnus/009200710182025.htm, ശേഖരിച്ചത്: 2007-10-18.
- ↑ "Box Office 2003". BoxOfficeIndia.com. http://www.boxofficeindia.com/showProd.php?itemCat=209&catName=MjAwMw==, ശേഖരിച്ചത്: 2008-01-09.
[തിരുത്തുക] പുറത്തേക്കുള്ള കണ്ണികൾ
 |
അഭിനേതാക്കളുമായി ബന്ധപ്പെട്ട ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പ്. |
