ശിഖരിണി (വൃത്തം)

ശിഖരിണി: ഒരു സം‍സ്കൃതവർ‍ണ്ണവൃത്തം. അത്യഷ്ടി എന്ന ഛന്ദസ്സിൽ പെട്ട (ഒരു വരിയിൽ 17 അക്ഷരങ്ങൾ) സമവൃത്തം.

ലക്ഷണം (വൃത്തമഞ്ജരി)

യതിക്കാറിൽത്തട്ടും യമനസഭലം ഗം ശിഖരിണീ.

വൃത്തശാസ്ത്രസങ്കേതമനുസരിച്ചു്  “യ മ ന സ ഭ” എന്നീ ഗണങ്ങളും ഒരു ലഘുവും ഒരു ഗുരുവും  ആറാമത്തെ അക്ഷരത്തിനു ശേഷം യതിയോടുകൂടി വരുന്ന വൃത്തമാണു ശിഖരിണി.

v - - - - - / v v v v v - - v v v -

ലക്ഷണത്തിൽ പറഞ്ഞിട്ടില്ലെങ്കിലും പന്ത്രണ്ടാമത്തെ അക്ഷരത്തിനു ശേഷവും യതി കാണാറുണ്ടു്.

ഉദാഹരണങ്ങൾ

1. കഴിഞ്ഞേ പോകുന്നൂ... (കെ. എൻ. ഡി.)

കഴിഞ്ഞേ പോകുന്നൂ പകലുമിരവും ജർജ്ജരിതമായ്‌
കൊഴിഞ്ഞേ വീഴുന്നൂ നിറമുടയൊരെൻ പീലികൾ വൃഥാ
ഒഴിഞ്ഞേ കാണുന്നൂ ദിനമനു നഭ, സ്സീ മയിലിനൊ-
ന്നഴിഞ്ഞാടാനെന്താണൊരുവഴി? വരൂ നീലമുകിലേ!

സാദൃശ്യമുള്ള മറ്റു വൃത്തങ്ങൾ

1. മേഘവിഷ്‍ഭൂർ‍ജ്ജിതം

എല്ലാ ശ്ലോകങ്ങളിലും ഈ വൃത്തം ഉപയോഗിച്ചിട്ടുള്ള പ്രസിദ്ധകൃതികൾ

1. സൌന്ദര്യലഹരി (ശങ്കരാചാര്യർ)