വർഗ്ഗത്തിന്റെ സംവാദം:ഇന്ത്യയിലെ റെയിൽ ഗതാഗതം

റെയിൽ ഗതാഗതം എന്നത് മലയാളമാക്കേണ്ടതുണ്ടെന്ന് തോന്നുന്നില്ല. റെയിൽ എന്നത് ഇപ്പോൾ മലയാളം ഭാഷയിൽ സ്വീകരിക്കപ്പെട്ടുകഴിഞ്ഞ ഒരു മലയാളപദമാണ്. തീവണ്ടി എന്നത് ഇപ്പോഴുള്ള ഇലക്ട്രിക് ട്രെയിനുകൾക്കുപയോഗിക്കാവുന്ന വാക്കാണെന്നും തോന്നുന്നില്ല. റെയിൽ ഗതാഗതം എന്ന പ്രയോഗം തുടരാമെന്ന് അഭിപ്രായപ്പെടുന്നു. --അജയ് ബാലചന്ദ്രൻ (സംവാദം) 07:40, 21 മേയ് 2013 (UTC)

തീവണ്ടിപ്പാളം, തീവണ്ടിയാപ്പീസ് തുടങ്ങിയവ പോലുള്ള വാക്കുകൾ മലയാളത്തിൽ സജീവമായിരുന്നു. റെയിൽ എന്നുപയോഗിക്കുന്നതുകൊണ്ട് അസ്വാഭാവികതയും തോന്നുന്നില്ല. ഒന്നോ രണ്ടോ പേരുടെ അഭിപ്രായവും കൂടി കേട്ടെങ്കിൽ നിർദ്ദേശം പിൻവലിക്കാമായിരുന്നു. --Vssun (സംവാദം) 08:14, 21 മേയ് 2013 (UTC)

റെയിൽ എന്നത് ഏറെ ജനകീയമായിക്കഴിഞ്ഞു. മോണോറെയിൽ, അതിവേഗ റെയിൽപ്പാത, മെട്രോ റെയിൽ എന്നിവയെല്ലാം ഉദാഹരണം. അതിനാൽ മലയാളമാക്കേണ്ടതില്ല.--സിദ്ധാർത്ഥൻ (സംവാദം) 08:37, 21 മേയ് 2013 (UTC)

നിർദ്ദേശം പിൻവലിച്ചു. --Vssun (സംവാദം) 08:56, 21 മേയ് 2013 (UTC)

ഇപ്പോഴുള്ള വൈദ്യുത ട്രെയിനിന് തീവണ്ടി എന്നുപയോഗിക്കുന്നതിലെ സാംഗത്യക്കുറവ് ആലോചിക്കുകയാണേൽ നമ്മുടെ പുത്തരിക്കണ്ടം മൈതാന'മോ തേക്കിൻകാട് മൈതാനമോ ഉപയോഗിക്കുന്നതിലെ സാംഗത്യക്കുറവുകൂടി ആലോചിക്കുന്നതുചിതമായിരിക്കും --:- എന്ന് - അരയശ്ശേരിൽ സുബ്രഹ്മണ്യപ്പണിക്കർ മനു✆ 09:22, 21 മേയ് 2013 (UTC)

അതുകൊള്ളാം. ചർച്ച ചെയ്യേണ്ടതുമാണ് എന്നു തോന്നുന്നു. പക്ഷേ സ്ഥലപ്പേരുകളിലെ പഴയ അർത്ഥങ്ങൾ പിന്നീടും തുടരുന്നതു പോലെയാണോ യന്ത്രങ്ങളിലേത്? കൈത്തറിയിൽ കൈ ഉപയോഗിക്കാതെയാകുമ്പോൾ അത് യന്ത്രത്തറിയാകുക എന്ന കീഴ്വഴക്കമുണ്ടല്ലോ? --അജയ് ബാലചന്ദ്രൻ (സംവാദം) 10:35, 21 മേയ് 2013 (UTC)