വിശ്വനാഥന് ആനന്ദ്
വിക്കിപീഡിയ, ഒരു സ്വതന്ത്ര വിജ്ഞാനകോശം.
| ആനന്ദ് എന്ന വാക്കാല് വിവക്ഷിക്കാവുന്ന ഒന്നിലധികം കാര്യങ്ങളുണ്ട്. അവയെക്കുറിച്ചറിയാന് ആനന്ദ് (നാനാര്ത്ഥങ്ങള്) എന്ന താള് കാണുക. |  |
 |
||
| Full name | വിശ്വനാഥന് ആനന്ദ് | |
| Country | ഇന്ത്യ | |
| Born | ഡിസംബര് 11 1969 ചെന്നൈ, ഇന്ത്യ |
|
| Title | ഗ്രാന്ഡ് മാസ്റ്റര് | |
| World Champion | 2000-2002 (ഫിഡെ) | |
| FIDE rating | 2792 (No. 1 on the July 2007 FIDE ratings list)[1] | |
| Peak rating | 2803 (April 2006) | |
വിശ്വനാഥന് ആനന്ദ് ഇന്ത്യയില് നിന്നുള്ള ചെസ് ഗ്രാന്ഡ്മാസ്റ്ററും ഫിഡെയുടെ നിലവിലെ ലോക ചെസ് ചാമ്പ്യനുമാണ്. 1997 മുതല് തുടര്ച്ചയായി ലോകത്തിലെ ഒന്നാം നമ്പര് ചെസ് താരമായ ആനന്ദ്, ഫിഡെയുടെ സ്ഥാനക്രമപട്ടികയില് 2800-ല് അധികം പോയിന്റ് നേടിയിട്ടുള്ള നാലുതാരങ്ങളില് ഒരാളുമാണ്. 2007-ല് മെക്സിക്കോയിലും 2008-ല് ജര്മ്മനിയിലെ ബോണിലും നടന്ന ലോക ചെസ് ചാമ്പ്യന്ഷിപ്പില് വിജയിച്ചുകൊണ്ട് ആനന്ദ് ലോക ചാമ്പ്യന്പട്ടം രണ്ടുതവണ കരസ്ഥമാക്കുകയുണ്ടായി.
2007 ഏപ്രിലില് ഫിഡെയുടെ എലോ റേറ്റിങ് ലിസ്റ്റില് ഒന്നാമതെത്തിയ ആനന്ദ് 2007 ജൂലൈയില് 2792 പോയിന്റോടെ വീണ്ടും ആ സ്ഥാനത്തെത്തിയിരുന്നു. 1970-ല് നിലവില് വന്ന എലോ ലിസ്റ്റില് ബോബി ഫിഷര്, അനാറ്റൊളി കാര്പോവ്, ഗാരി കാസ്പറോവ്, വ്ലാഡിമര് ക്രാംനിക്, വെസെലിന് ടോപലോഫ് എന്നീ ലോകോത്തര ചെസ് താരങ്ങള് മാത്രമേ ആനന്ദിനെക്കൂടാതെ ഒന്നാമതെത്തിയിട്ടുള്ളൂ.
ഉള്ളടക്കം |
[തിരുത്തുക] ജീവചരിത്രം
1970-ല് മദ്രാസിലാണ് ആനന്ദ് ജനിച്ചത്. ദേശീയ ചാമ്പ്യന്ഷിപ്പ് കരസ്ഥമാക്കിയ ശേഷം പതിനാലാം വയസ്സില് കോയമ്പത്തൂരില് വെച്ച് ഏഷ്യന് ജൂനിയര് ചാമ്പ്യന്ഷിപ്പ് നേടി. 1988-ല് ഗ്രാന്റ്മാസ്റ്റര് പട്ടവും കരസ്ഥമാക്കി ഈ പദവിയിലെത്തുന്ന ആദ്യ ഇന്ത്യക്കാരനായി മാറി ആനന്ദ്. ഇപ്പോള് സ്പെയിനിലാണ് താമസം.
[തിരുത്തുക] ലോകചാമ്പ്യന്
[തിരുത്തുക] 2007 മെക്സിക്കോ ലോക ചെസ് ചാമ്പ്യന്ഷിപ്പ്
2007-ലെ ലോക ചെസ്സ് ചാമ്പ്യന്ഷിപ്പില് ആനന്ദാണ് കിരീടം നേടിയത്. മെക്സിക്കോയില് നടന്ന ടൂര്ണമെന്റില് 14 റൗണ്ടുകളില് നിന്നായി ഒന്പത് പോയന്റ് നേടിയാണ് ആനന്ദ് തന്റെ രണ്ടാം ലോക കിരീടം നേടിയത്. ടൂര്ണമെന്റില് ഒരു കളി പോലും പരാജയപ്പെടാതെയായിരുന്നു ഈ നേട്ടം. 1972ല് ബോബി ഫിഷറിനു ശേഷം ലോക ചെസ് കിരീടവും ഒന്നാം റാങ്കും ഒരേ സമയം നേടുന്ന റഷ്യക്കാരനല്ലാത്ത ആദ്യ കളിക്കാരനാണ് ആനന്ദ്[2].
2000-ത്തില് തന്നെനോക്കൗട്ട് രീതിയില് ആനന്ദ് ലോകചാമ്പ്യന്ഷിപ്പ് നേടിയിരുന്നെങ്കിലും വ്ലാഡിമര് ക്രാംനിക് കളിക്കാനില്ലാതിരുന്ന ഈ ടൂര്ണമെന്റിലെ വിജയത്തിന് മാറ്റ് കുറവായിരുന്നു.
മെക്സിക്കോ ടൂര്ണമെന്റില് ലോകത്തെ ഏറ്റവും മികച്ച മറ്റ് എട്ട് കളിക്കാരോടൊപ്പം മാറ്റുരച്ച ആനന്ദ് മാത്രമായിരുന്നു ടൂര്ണമെന്റില് പരാജയമറിയാതിരുന്നത്. ലോക ചെസ് ചാമ്പ്യന്ഷിപ്പിന്റെ ചരിത്രത്തില് നോക്കൗട്ട് രീതിയിലും, റൗണ്ട് റോബിന് രീതിയിലും പരാജയമറിയാതെ കിരീടം നേടിയ ഒരേ ഒരു കളിക്കാരനുമാണ് ആനന്ദ്[2].
[തിരുത്തുക] 2008 ബോണ് ലോക ചെസ് ചാമ്പ്യന്ഷിപ്പ്
റഷ്യയുടെ വ്ലാദിമിര് ക്രാംനിക്കിനെ തോല്പിച്ചാണ് 2008 ബോണ് ലോക ചെസ് ചാമ്പ്യന്ഷിപ്പില് വിശ്വനാഥന് ആനന്ദ് ജേതാവായത്.[3] 11-ആം ഗെയിമില് ഒരു സമനില മാത്രം മതിയായിരുന്ന ആനന്ദ് 24 നീക്കത്തില് സമനില കൈവരിച്ച് ചാമ്പ്യന്പട്ടം ഒരിക്കല്ക്കൂടി കരസ്ഥമാക്കി.
[തിരുത്തുക] പ്രകടനത്തിലെ സ്ഥിരത
1997 മുതല് ഇതു വരെ ലോക ചെസ് റാങ്കിങ്ങില് ആദ്യ മൂന്നില് ആനന്ദിനിടമുണ്ട് (നിലവില് അദ്ദേഹം ഒന്നാം സ്ഥാനത്താണ്). 2002 മേയ് മുതല് പങ്കെടുത്ത ഒരു ടൂര്ണമെന്റിലും ആദ്യ മൂന്നു സ്ഥാനങ്ങളില് താഴെയായിരുന്നിട്ടില്ല[2].
പരമ്പരാഗതരീതിയിലും അതിവേഗരീതിയിലും (റാപ്പിഡ്) ആനന്ദ് തന്റെ പ്രഗല്ഭ്യം തെളിയിച്ചിട്ടുണ്ട്.
[തിരുത്തുക] ബഹുമതികള്, നേട്ടങ്ങള്[4]
- 1985: അര്ജ്ജുന അവാര്ഡ് (ചെസ്)
- 1987: പത്മശ്രീ
- 1991-92: രാജീവ് ഗാന്ധി ഖേല്രത്ന പുരസ്കാരം
- 1997: മികച്ച ചെസ് കളിക്കാരനുള്ള ചെസ് ഓസ്കാര്
- 1998: മികച്ച ചെസ് കളിക്കാരനുള്ള ചെസ് ഓസ്കാര്
- 1998: സ്പോര്ട്സ്റ്റാര് മില്ലിനിയം അവാര്ഡ്
- 2000: പത്മഭൂഷണ്
- 2003: മികച്ച ചെസ് കളിക്കാരനുള്ള ചെസ് ഓസ്കാര്
- 2004: മികച്ച ചെസ് കളിക്കാരനുള്ള ചെസ് ഓസ്കാര്
- 2007: ലോക ചെസ് ചാമ്പ്യന്
- 2007: പത്മവിഭൂഷണ്
- 2008: ലോക ചെസ് ചാമ്പ്യന്
[തിരുത്തുക] അവലംബം
- ↑ Top 100 Players April 2007. Retrieved on April 15 2007.
- ↑ 2.0 2.1 2.2 ദ് ഹിന്ദു യങ് വേള്ഡ് - 2007 ഒക്ടോബര് 12 - പേജ് 2 - ക്ലാസിക് മൂവ്സ് എന്ന തലക്കെട്ടില് നന്ദിത ശ്രീധര് എഴുതിയ ലേഖനം
- ↑ Anand retains World Chess Championship title. IBNLive. ശേഖരിച്ചത് ഒക്ടോബര് 29, 2008.
- ↑ Anand beats Kramnik; retains World Chess Championship. Times Of India Online. ശേഖരിച്ചത് ഒക്ടോബര് 29, 2008.
 |
ഈ ലേഖനം അപൂര്ണ്ണമാണ്. ഇതു പൂര്ത്തിയാക്കുവാന് സഹകരിക്കുക. |
