വിനായക ചതുർഥി

വിനായക ചതുർഥി
ആചരിക്കുന്നത്	ഹിന്ദു
തരം	ഗണപതിയുടെ ജന്മദിനം
ആരംഭം	ശുക്ല ചതുർത്ഥി
അവസാനം	ആനന്ദചതുർദശി
തിയതി	ഓഗസ്റ്റ്/നവംബർ
ആഘോഷങ്ങൾ	10 ദിവസം

ഇംഗ്ലീഷ് വിലാസം

http://ml.wikipedia.org/wiki/Ganesh_Chaturthi

ചിങ്ങമാസത്തിലെ ചതുർഥി ദിവസത്തിൽ ആഘോഷിക്കപ്പെടുന്ന ഒരുത്സവമാണ് വിനായക ചതുർഥി. പ്രധാന ആരാധനാ മൂർത്തി ഗണപതി(ഗണേശൻ) ആയതിനാൽ ഗണേശ ചതുർഥി എന്നും ഇതിന് പേരുണ്ട്. മഹാരാഷ്ട്രയിലും മറ്റ് ഉത്തരേന്ത്യൻ സംസ്ഥാനങ്ങളിലുമാണ്‌ ഇത് ഏറ്റവും അധികം ആഘോഷിക്കപ്പെടുന്നത്.

ഈ ദിവസം ആളുകൾ ഗണപതി വിഗ്രഹങ്ങൾ വാങ്ങി അലങ്കരിക്കുകയും പൂജിക്കുകയും ചെയ്യുന്നു. പൂജക്കായി താമരയും കറുകപ്പുല്ലും മോദകം എന്ന മധുരപലഹാരവും ഉപയോഗിക്കുന്നു. ചതുർഥി ദിവസത്തേത്തുടർന്ന് നടക്കുന്ന ഗണേശോത്സവം പത്ത് ദിവസം നീണ്ട് നിൽക്കുന്നു.

ഉത്സവത്തിന് ശേഷം ഗണപതി വിഗ്രഹങ്ങൾ പുഴയിലോ, കടലിലോ ഒഴുക്കുന്നതോടെ ആഘോഷങ്ങൾ സമാപിക്കുന്നു. അടുത്ത വർഷവും ഗണപതി വരണേയെന്ന പ്രാർത്ഥനയോടെയാണ് വിഗ്രഹങ്ങൾ ഒഴുക്കിവിടുന്നത്.