വിജയ നിർമ്മല

വിക്കിപീഡിയ, ഒരു സ്വതന്ത്ര വിജ്ഞാനകോശം.
വിജയ നിർമ്മല
വിജയ നിർമ്മല.jpg
ജനനം 1946 ഫെബ്രുവരി 20
ജീവിത പങ്കാളി(കൾ) ഘട്ടമനേനി കൃഷ്ണ 1969 മുതൽ ഇതുവരെ
കുട്ടികൾ നരേഷ് (നടൻ)

ഇന്ത്യൻ ചലച്ചിത്രരംഗത്തെ അഭിനേത്രിയും സംവിധായകയുമായ വിജയ നിർമ്മല (തെലുഗു - విజయ నిర్మల) 1946 ഫെബ്രുവരി 20-നു ജനിച്ചു. ഏറ്റവു കൂടുതൽ ചലച്ചിത്രങ്ങൾ സംവിധാനം ചെയ്ത വനിത എന്ന ബഹുമതിനേടി 2002-ൽ ഗിന്നസ് ബുക്കിൽ ഇടം പിടിച്ചു. ഇവർ 47 ചിത്രങ്ങൾ സംവിധാനം ചെയ്തിട്ടുണ്ട്.[1]

തൊഴിൽജീവിതം[തിരുത്തുക]

ഇവർ 1957-ൽ 11-ആമത്തെ വയസിൽ ബാലനടിയായി പാണ്ടുരംഗ മാഹാത്മ്യം എന്ന ഫിലിമിലൂടെ രംഗപ്രവേശം ചെയ്തു. പ്രേം നസീറിന്റെ നായികയായി മലയാളത്തിന്റെ എക്കാലത്തെയും അഭിമാനമായ ഭാർഗ്ഗവീനിലയത്തിൽ അഭിനയിച്ചു.[2] തെലുഗു ഫിലിം രംഗുല രത്നംത്തിലൂടെ അവർ അരങ്ങേറ്റം നടത്തി.[3] എങ്കവീട്ടുപെൺ എന്ന തമിഴ്ഫിലിമിൽ അഭിനയിച്ചുകൊണ്ട് അവർ തമിഴിൽ അരങ്ങേറ്റം കുറിക്കുകയും തുടർന്ന് പണമാ പാശമാ, എൻ അണ്ണൻ,ഞാണൊലി, ഉയിരാ മാനമാ എന്നീ ചിത്രങ്ങളിലും അഭ്നയിച്ചു.[1] അവരുടെ രണ്ടാമത്തെ തെലുഗു ഫിലിമായ സാക്ഷിയുടെ സെറ്റിൽ നിന്നാണ് രണ്ടാം ഭർത്താവായ കൃഷ്ണയെ കണ്ടുപിടിച്ചത് (1967). കൃഷ്ണയുമായി 47 ഫിലിമിൽ അഭിനയിച്ചു. തുടർന്ന് സംവിധാനത്തിലേക്കു കടന്നു [1]

മലയാളത്തിലും തമിഴിലുമായി 25 വീതവും ചിത്രങ്ങളിൽ അഭിനയിച്ചു. തെലുഗു ചിത്രങ്ങൾ ഉൾപ്പെടെ ഇവർ 200-ൽ പരംചലച്ചിത്രങ്ങളിൽ ഇതുവരെ അഭിനയിച്ചു കഴിഞ്ഞു.[1] ബാലാജി ടെലിഫിലിംസിന്റെ പെല്ലി കനുക എന്ന ടെലിഫിലിമിലൂടെ വിജയനിർമല മിനിസ്ക്രീനിൽ പ്രവെശിച്ചു. വളരെ പെട്ടന്നു തന്നെ അവർ വിജയ കൃഷ്ണ മൂവിസ് എന്ന സ്വന്തം ബാനറിൽ 15 ഓളം ചിത്രങ്ങൾ നിർമിച്ചു. മൂന്നു ലക്ഷം രൂപയുടെ ബഡ്ജറ്റുമായി അവരുടെ സംവിധാനത്തിന്റെ തുടക്കം മലയാളചിത്രത്തിലായിരുന്നു. തെലുഗിൽ 40 ചിത്രങ്ങൾ സവിധാനം ചെയ്ത അവരുടെ തുടക്കം മീന 1973 ചിത്രത്തോടുകൂടിയായിരുന്നു [1] ഇപ്പോൾ ഇവർ ഹൈദരബാദിൽ പത്മലയാ സ്റ്റുഡിയോയും പത്മാ ടെലിഫിലിം ലിമിറ്റഡും നോക്കി സ്വസ്ഥമായി കഴിഞ്ഞുകൂടുന്നു. [4]

വിജയ നിർമ്മലയുടെ ആദ്യവിവാഹത്തിൽ ജനിച്ച മകനാണ് നരേഷ് അദ്ദേഹവും ഒരു നടനാണ്. 1969 അവർ ഒരു നടനായ കൃഷ്ണയെ വിവാഹം കഴിച്ചു. കൃഷ്ണയുടെ ആദ്യഭാര്യ ഇന്ദിരയുടെയെയും അവരുടെ മക്കളുടെയും പ്രിയങ്കരിയാണ് വിജയ നിർമ്മല.[5]

തെലുഗു ചലച്ചിത്ര വ്യവസായത്തിന് വിജയനിർമ്മല നൽകിയ സേവനത്തിന് 2008-ൽ അവരെ രഘുപതി വെങ്കയ്യ അവർഡ് നൽകി ആദരിച്ചു.[6]

അവലംബം[തിരുത്തുക]

"http://ml.wikipedia.org/w/index.php?title=വിജയ_നിർമ്മല&oldid=1787214" എന്ന താളിൽനിന്നു ശേഖരിച്ചത്