വയമ്പ്‌

വിക്കിപീഡിയ, ഒരു സ്വതന്ത്ര വിജ്ഞാനകോശം.
വയമ്പ്
വയമ്പ്
ശാസ്ത്രീയ വർഗ്ഗീകരണം
സാമ്രാജ്യം: സസ്യങ്ങൾ
Division: പുഷ്പിത സസ്യങ്ങൾ
ക്ലാസ്സ്‌: ലിലോപ്സിഡാ
നിര: അക്കോറേൽസ്
കുടുംബം: അക്കോറേസേ
ജനുസ്സ്: അക്കോറസ്
വർഗ്ഗം: അക്കോറസ് കലാമസ്
ശാസ്ത്രീയ നാമം
അക്കോറസ് കലാമസ്
L.

ആയുർവേദത്തിൽ‍ ഏറെ പ്രാധാന്യമുള്ള ഒരു ഔഷധസസ്യമാണ്‌ വയമ്പ്‌(Acorus Calamus). ഇംഗ്ലീഷ്: Sweet Flag, Calamus. ശാസ്ത്രീയനാമം:(Acorus calamus). നെല്ലിന്റേതിനു സമാനമായ രീതിയിലാണ്‌ വയമ്പ്‌ വ്യാവസായികാടിസ്ഥാനത്തിൽ കൃഷിചെയ്യപ്പെടുന്നത്‌. ഭാരതത്തിൽ മിക്കയിടങ്ങളിലും, ബർമ്മയിലും ധാരാളമായി വളരുന്നതും കൃഷിചെയ്യപ്പെടുന്നതുമായ വയമ്പ്[1]ഏറെ ഈർപ്പം ആവശ്യപ്പെടുന്ന ഒരു സസ്യമാണ്‌.[1][2] വയമ്പിന്റെ ഉപയോഗം ബുദ്ധിയെ ഉത്തേജിപ്പിക്കുകയും ഓർമ്മശക്തിവർദ്ധിപ്പിക്കുകയും ചെയ്യുന്നതായി പറയപ്പെടുന്നു. യൗവനം നിലനിർത്താനും കാഴ്ച ശക്തി, ശുക്ലം എന്നിവ വർദ്ധിപ്പിക്കാനും ശരീരത്തിലുള്ള വിഷം നശിപ്പിക്കാനും ഉള്ള ക്ഷമതയും ഇതിന്റെ ഗുണങ്ങളിൽ പെടുന്നു. ഞരമ്പുരോഗങ്ങളുടെ ചികിത്സയിലും ഇത് ഫലപ്രദമാണ്‌.[1].

സവിശേഷതകൾ[തിരുത്തുക]

പുല്ലുവർഗ്ഗത്തിലെ അരേസിയേ (Araceae) കുടുംബത്തിൽ ഉൾപ്പെടുന്ന ഈ സസ്യത്തിന്റെ ശാസ്ത്രീയനാമം അക്കോറസ് കലാമസ്(Acorus calamus) എന്നാണ്‌. ഇംഗ്ലീഷിൽ സ്വീറ്റ് ഫ്ലാഗ് (Sweet flag) എന്നപേരിൽ അറിയപ്പെടുന്ന ഇതിന്റെ സംസ്കൃതനാമമായ വച യിൽ നിന്നാണ്‌ വയമ്പ് എന്ന പേരുണ്ടായതെന്ന് കരുതിവരുന്നു.[1]. 40 സെന്റീമീറ്റർ വരെ ഉയരം വയ്ക്കുന്ന സസ്യമാണിത്. തിളക്കവും കട്ടിയുമുള്ള ഇലകൾ ഇതിന്റെ പ്രത്യേകതകളിൽ പെടുന്നു‌.[2] ഇലകൾക്ക് അല്പം എരിവ് ഉണ്ടായിരിക്കും[1].

രസാദി ഗുണങ്ങൾ[തിരുത്തുക]

രസം  : കടു, തിക്തം

ഗുണം  :തീക്ഷ്ണം

വീര്യം  :ഉഷ്ണം

വിപാകം :കടു

പ്രഭാവം: മേധ്യം

ഔഷധയോഗ്യ ഭാഗം[തിരുത്തുക]

ഔഷധം[തിരുത്തുക]

വയമ്പ്, കൊട്ടം, ബ്രഹ്മി,കടുക്, നറുനീണ്ടിക്കിഴങ്ങ്, തിപ്പലി, ഇന്തുപ്പ് എന്നിവ കൽക്കമായി കാച്ചിയ നെയ്യ് കൊടുത്താൽ കുട്ടികൾക്ക് ബുദ്ധിയും ഓർമ്മശക്തിയും വർദ്ധിക്കുമെന്ന് വിശ്വാസമുണ്ട്.[1]. കൂടാതെ വയമ്പിന്റെ കിഴങ്ങിൽ നിന്നും വാറ്റിയെടുക്കുന്ന സുഗന്ധദ്രവ്യം മദ്യത്തിൽ രുചിയും മണവും ഉണ്ടാക്കുന്നതിനായി ചേർക്കാറുണ്ട്.[1]. കൂടുതൽ അളവിൽ കഴിച്ചാൽ വലിയ ഛർദ്ദി ഉണ്ടാകും.[3]

അവലംബം[തിരുത്തുക]

  1. 1.0 1.1 1.2 1.3 1.4 1.5 1.6 ഡോ.കെ.രാമൻ നമ്പൂതിരിയുടെ അത്ഭുത ഔഷധച്ചെടികൾ എന്ന പുസ്തകത്തിൽ നിന്നും , താൾ 122,123.H&C Publishing House, Thrissure.
  2. 2.0 2.1 http://ayurvedicmedicinalplants.com/plants/2703.html
  3. Medicinal plants= S.K.Jain, National book trust
"http://ml.wikipedia.org/w/index.php?title=വയമ്പ്‌&oldid=1716711" എന്ന താളിൽനിന്നു ശേഖരിച്ചത്