വട്ടെഴുത്ത്

വിക്കിപീഡിയ, ഒരു സ്വതന്ത്ര വിജ്ഞാനകോശം.

പതിനഞ്ചാം നൂറ്റാണ്ടുവരെ മലയാളഭാഷയിൽ പ്രചാരത്തിലുണ്ടായിരുന്ന ഒരു ലിപിസമ്പ്രദായമാണ് വട്ടെഴുത്ത്. ബ്രാഹ്മി ലിപിയിൽ നിന്നാണ് ഇത് രൂപം കൊണ്ടത്.പാറയോ ചെമ്പുതകിടോ ചൂഴ്‌ന്നെടുത്ത് എഴുതുന്നു എന്നു സൂചിപ്പിച്ചുകൊണ്ടു `വെട്ടെഴുത്ത്' എന്നും പറയാറുള്ള ലേഖനസമ്പ്രദായം. ദക്ഷിണേന്ത്യൻ ബ്രാഹ്മിയാണ് ഇതിന്റെ പ്രഭാവം. ഒരു കാലത്ത് വട്ടെഴുത്തിന് തെക്കേ ഇന്ത്യയിലാകമാനം പ്രചാരമുണ്ടായിരുന്നു. തെക്കൻ മലയാണ്മ, തെക്കൻ മലയാളം, നാനംമോനം, മലയാണ്മ, മലയാം തമിഴ്, ചേര-പാണ്ഡ്യ എഴുത്ത്, രായസവടിവ്, ഗജവടിവ് എന്നെല്ലാം ഈ ലിപിക്ക് പേരുണ്ട് . തമിഴ്‌നാട്ടിലും മലനാട്ടിലും വട്ടെഴുത്തു ശാസനങ്ങൾ ധാരാളമുണ്ട് . പഴയ കൊച്ചി-മലബാർ പ്രദേശത്ത് പ്രചരിച്ചിരുന്ന വട്ടെഴുത്തിന്റെ വകഭേദമാണ് കോലെഴുത്ത്. ലഭ്യമായ ഏറ്റവും പഴയ വട്ടെഴുത്തുരേഖ എട്ടാം ശതകത്തിലെതാണ്. വട്ടെഴുത്തിന് 'നാനംമോനം' എന്നും പേരുണ്ട്.

നാനംമോനം[തിരുത്തുക]

'ഹരി ശ്രീ ഗണപതയേ നമഃ' എന്നതിലെ ഹരി ശ്രീക്ക് പകരം നമോ നാരായണായ എന്നതായിരുന്നു പഴയ പ്രയോഗം. ആതിലെ ആദ്യാക്ഷരങ്ങളായ 'ന' കാരവും 'മ' കാരവും ചേർത്താണ് വട്ടെഴുത്തിന് 'നാനംമോനം' എന്നു പേരിട്ടത്.[1]

അവലംബം[തിരുത്തുക]

  1. ഡി. ദയാനന്ദൻ (November 2004). "മലയാള ലിപി ഉത്ഭവും വികാസവും". ജനപഥം 36 (11): 4–5. ശേഖരിച്ചത്: 2013 മേയ് 26. 
"http://ml.wikipedia.org/w/index.php?title=വട്ടെഴുത്ത്&oldid=1820443" എന്ന താളിൽനിന്നു ശേഖരിച്ചത്