ലേഡി ഗാഗ

ഇംഗ്ലീഷ് വിലാസം

http://ml.wikipedia.org/wiki/Lady_Gaga

ലേഡി ഗാഗ
ലേഡി ഗാഗ സംഗീത നിശയ്ക്കിടെ 2010ൽ
ജീവിതരേഖ
ജനനനാമം	Stefani Joanne Angelina Germanotta
ജനനം	(1986-03-28) മാർച്ച് 28, 1986 New York, New York, U.S.
സംഗീതശൈലി	Pop, dance, electronic
തൊഴിലുകൾ	Singer-songwriter, performance artist, record producer, dancer, businesswoman, activist
ഉപകരണം	Vocals, piano, keyboards
സജീവമായ കാലയളവ്	2005–present
റെക്കോഡ് ലേബൽ	Def Jam, Cherrytree, Streamline, Kon Live, Interscope
വെബ്സൈറ്റ്	LadyGaga.com Lady Gaga's signature

ലോക പ്രശസ്തയായ ഗായികയാണ് സ്റ്റെഫാനി ജോവന്നെ ആൻജലിന ജെർമനോട്ടെ എന്ന ലേഡി ഗാഗ(ജനനം : 28 മാർച്ച് 1986). ഗ്രാമി പുരസ്കാരം അഞ്ച് തവണ നേടി.

ജീവിതരേഖ

സ്റ്റെഫാനി ജോവന്നെ ആൻജലിന ജെർമനോട്ടെ എന്ന പേരിൽ 1986 മാർച്ച് 28ന് അമേരിക്കയിലായിരുന്നു ഗാഗയുടെ ജനം. ന്യൂയോർക്കിലായിരുന്നു ബാല്യ-കൗമാരങ്ങൾ. ഗാ­ഗ­യെ പാ­ട്ടു­കാ­രി­യാ­യി ലോ­ക­സം­ഗീ­ത­ത്തി­ന് സമ്മാ­നി­ച്ച­ത് സെ­ന­ഗ­ലീ­സ്- അമേ­രി­ക്കൻ പാ­ട്ടു­കാ­രൻ അ­കോൻ ആണ്. പാ­ട്ടു­കാ­രി­യാ­യ­പ്പോൾ തന്റെ ഇഷ്ട ബാ­ന്റാ­യി­രു­ന്ന എഴു­പ­തു­ക­ളി­ലെ ഗ്ലാം റോ­ക്കി­ന്റെ വസ്ത്ര­ധാ­രണ രീ­തി ഗാഗ പകർ­ത്തി­. ഡേവിഡ് ബോവി, മൈക്കൽ ജാക്സൺ, മഡോണ തുടങ്ങിയവർ വലിയ സ്വാധീനമായി. 2008ൽ പുറത്തിറക്കിയ "ദി ഫെ­യിം" ആണ് ആദ്യ ആൽബം. അ­ധോ­ലോക ജീ­വി­ത­ത്തി­ന്റെ കൂ­ത്ത­ര­ങ്ങാ­യി­രു­ന്നു ഫെ­യി­മി­ലെ ആദ്യ­ത്തെ പാ­ട്ട്. തന്റെ കൂ­ട്ടു­കാ­ര­ന്റെ ചൂ­താ­ട്ട­ഭ്ര­മ­മാ­ണ് ഫെ­യി­മി­ലെ രണ്ടാ­മ­ത്തെ പാ­ട്ടി­നു­ള്ള പ്ര­ചോ­ദ­നം.ഇതുവരെ രണ്ടേകാൽ കോടി ആൽബങ്ങൾ വിറ്റഴിഞ്ഞു. ഒറ്റ പാട്ടിന്റെ വിൽപനയാകട്ടെ ആറര കോടിയും. ഏറ്റവും ആവശ്യക്കാരുള്ള എക്കാലത്തെയും വലിയ സംഗീത പ്രതിഭ എന്ന വിശേഷണത്തിന് അർഹയായ ഗാഗയുടെ വാർഷിക വരുമാനം രണ്ടരക്കോടി ഡോളറാണ്. അഞ്ച് ഗ്രാമി പുരസ്കാരം നേടിയ അവരുടെ ആൽബങ്ങളിൽ സംഗീതവും ഫാഷനും കലയും സാങ്കേതികതയുമെല്ലാം വിജയകരമായി സമന്വയിപ്പിച്ചിരിക്കുന്നു.

2009ൽ ഫെ­യിം മോൺ­സ്റ്റർ എന്ന ആൽ­ബ­മി­റ­ങ്ങി. ഈ ആൽ­ബ­ത്തിൽ പ്ര­സി­ദ്ധി­യു­ടെ കറു­ത്ത വശ­ങ്ങ­ളെ കൈ­കാ­ര്യം ചെ­യ്യു­ന്നു. ഇരു­ണ്ട­യി­ട­ങ്ങ­ളാ­ണ് ഈ ആൽ­ബ­ത്തിൽ നി­റ­യെ. ഈ ആൽ­ബ­വും ലോ­ക­മെ­ങ്ങും സ്വീ­ക­രി­ക്ക­പ്പെ­ട്ടു­. അ­തി­നു­ശേ­ഷ­മാ­ണ് ബോ­യ്സോ­ണു­മൊ­ത്ത് ടെ­ലി­ഫോൺ എന്ന ആൽ­ബം ചെ­യ്ത­ത്. ടെ­ലി­ഫോൺ ഗാ­ഗ­യു­ടെ ജീ­വി­ത­രീ­തി­യു­ടെ­യും കാ­ഴ്ച­പ്പാ­ടു­ക­ളു­ടെ­യും കണ്ണാ­ടി­യാ­ണ്. ജയി­ലും, സ്വ­വർ­ഗ്ഗ­ര­തി­യും, അരാ­ജ­ക­ത്വ­വും, അക്ര­മ­വും അങ്ങ­നെ വെ­റു­ക്ക­പ്പെ­ടു­ന്ന എല്ലാ­ത്തി­നേ­യും ആഞ്ഞു­പുൽ­കു­ന്ന ഒരു പെൺ­കു­ട്ടി­യാ­ണ് ടെ­ലി­ഫോ­ണി­ലെ ഗാ­ഗ. യൂ­ട്യൂ­ബി­ലൂ­ടെ ഗാ­ഗ­യു­ടെ ­സം­ഗീ­തം­ ആസ്വ­ദി­ച്ച­വ­രു­ടെ എണ്ണം ഒരു ബി­ല്യ­നാ­ണ്.

സംഗീതത്തിൽ നിന്ന് ഏറ്റവും അധികം വരുമാനം നേടുന്ന വനിതകളുടെ പട്ടികയിൽ ഒന്നാമതാണ് ലേഡി ഗാഗ. ഫോബ്സ് മാസികയാണ് ഇത്തരമൊരു പട്ടിക പുറത്തിറക്കിയത്. കഴിഞ്ഞ ഒരു വർഷത്തെ കണക്കനുസരിച്ച് മറ്റൊരു ഗായികയ്ക്കു കിട്ടുന്നതിലും ഇരട്ടിയിലധികം വരുമാനം ഗാഗയ്ക്കു ലഭിച്ചു. ഏകദേശം 90 ദശലക്ഷം അമേരിക്കൻ ഡോളറോളം വരും ഗാഗയുടെ ഈ വർഷത്തെ സമ്പാദ്യം.

ഭ്രാന്തൻ വേഷങ്ങളാണ് എപ്പോഴും ഗാഗയെ ശ്രദ്‌ധാകേന്ദ്രമാക്കുന്നത്. പച്ചമാംസം കൊണ്ടുള്ള ഉടുപ്പ് ഇട്ട് അവാർഡ് ഷോയിൽ പങ്കെടുക്കുക, അടിയുടുപ്പുകൾ മാത്രം ധരിച്ച് മീൻ പിടിക്കാൻ പോവുക. ഇതൊന്നും പോരാഞ്ഞ് കടുത്ത മേക്കപ്പും. 2011 -ലെ ഗ്രാമി അവാർഡ് വേദിയിൽ ഈ ഇരുപത്തിന്നാലുകാരി അവതരിച്ചത് ഒരു കൂറ്റൻ മുട്ടയിലേറിയാണ്.

ജപ്പാനിലെ ദുരിതബാധിതർക്കായി വെറും രണ്ടു ദിവസം കൊണ്ട് ഇവർ ശേഖരിച്ചത് രണ്ടര ലക്ഷം ഡോളറാണ്. We Pray for Japan എന്നെഴുതിയ ഗാഗ ഡിസൈൻ ചെയ്‌ത റിസ്‌റ്റ് ബാൻഡ് മാർച്ച് 13-നാണ് ഓൺലൈൻ സ്‌റ്റോറിലൂടെ വിൽക്കാൻ തുടങ്ങിയത്. ഒരു ബാൻഡിന് അഞ്ചു ഡോളറാണ് വിലയെങ്കിലും സന്മനസ്സുള്ളവർക്ക് 100 ഡോളർ വരെ നൽകാം. ഇപ്പോഴും ബാൻഡ് വില്പന തുടരുന്നു. കിട്ടുന്ന പണമെല്ലാം സുനാമി ഫണ്ടിലേക്ക് നൽകുമെന്ന് ഗായിക പറയുന്നു.

സ്വാധീനങ്ങൾ

19-ാം വയസിൽ അകാലമരണത്തിന് കീഴടങ്ങിയ അവ്വായി ജോവന്നെ ജെർമനോട്ടയെക്കുറിച്ചുള്ള ഓർമകൾ ഗാഗയുടെ ജീവിത വീക്ഷണം രൂപപ്പെടുത്തുന്നതിൽ വലിയ സ്വാധീനമായി. പ്രഭാഷകനും എഴുത്തുകാരനുമായ ഇന്ത്യൻ ഡോക്ടർ ദീപക് ചോപ്രയും പ്രചോദനമായി നിന്നു. ജീവിതത്തെ തത്വചിന്താപരമായി സമീപിക്കുന്നതിലും ഗാഗ ശ്രദ്ധേയയാണ്്. അവകാശങ്ങൾ നിഷേധിക്കപ്പെടുന്നവരെ "സ്നേഹത്തിന്റെ വിപ്ലവകാരികൾ" എന്നാണ് അവർ വിശേഷിപ്പിച്ചത്.

വിവാദങ്ങൾ

ലേഡി ഗാഗയുടെ സംഗീത നിശക്ക് ഇന്തോനേഷ്യയിൽ വിലക്ക് ഏർപ്പെടുത്തി. ജൂൺ രണ്ടാം വാരം ജക്കാർത്തയിൽ നിശ്ചയിച്ച പരിപാടിക്കെതിരെ സർക്കാരും ഇസ്ലാമിക മതമൗലികവാദികളും രംഗത്തെത്തിയതിനെ തുടർന്നാണ് പ്രതിസന്ധി. അര ലക്ഷം ടിക്കറ്റുകൾ വിറ്റുപോയശേഷമായിരുന്നു ഭീഷണി. സംഗീത നിശക്ക് അനുമതി നൽകില്ലെന്നാണ് അധികൃതർ പറയുന്നതെങ്കിൽ നാഷണൽ ഉലമാ കൗൺസിൽ പോലുള്ള സംഘടനകൾ അതിക്രമം അഴിച്ചുവിടുമെന്ന് ഭീഷണി മുഴക്കുന്നു. വേഷവിധാനവും പാട്ടിൻ വരികളുമടക്കം തദ്ദേശീയ സംസ്കാരത്തെ വെല്ലുവിളിക്കുന്നുവെന്നാരോപിച്ചാണ് ലേഡി ഗാഗക്കെതിരായ യുദ്ധപ്രഖ്യാപനം. മുമ്പ് ബെയോൺസിനെപ്പോലുള്ള പോപ്പ് ഗായകരെ ഉപാധികളോടെയാണ് പരിപാടി അവതരിപ്പിക്കാൻ അനുവദിച്ചതെന്ന പ്രസ്താവനയുമുണ്ടായി.

ആൽബങ്ങൾ

• ദ ഫെയിം(2008)
• ദ ഫെയിം മോൺസ്റ്റർ (2009)

ബോർൺ ദിസ് വെ(2011)

പുരസ്കാരങ്ങൾ

• ഗ്രാമി പുരസ്കാരം അഞ്ച് തവണ
• സ്‌റ്റൈൽ ഐക്കൺ അവാർഡ്. (അമേരിക്കൻ കൗൺസിൽ ഓഫ് ഫാഷൻ ഡിസൈനേഴ്‌സ്)

അധിക വായനയ്ക്ക്

• Herbert, Emily (2010). Lady Gaga: Queen of Pop. John Blake Publishing. ISBN 978-1-84454-963-4.
• Goodman, Elizabeth (2010). Lady Gaga: Critical Mass Fashion. St. Martin's Press. ISBN 0-312-66840-6.
• Morgan, Johnny (2010). Gaga. Sterling Publishing. ISBN 1-4027-8059-1.
• Parvis, Sarah (2010). Lady Gaga. Andrews McMeel Publishing. ISBN 0-7407-9795-6.
• Phoenix, Helia (2010). Lady Gaga: Just Dance—The Biography. Orion Publishing Group. ISBN 978-1-4091-1567-0.
• Monster Anthems (2011) by Robert Christgau

പുറം കണ്ണികൾ

വിക്കിമീഡിയ കോമൺസിലെ Lady Gaga എന്ന വർഗ്ഗത്തിൽ ഇതുമായി ബന്ധപ്പെട്ട കൂടുതൽ പ്രമാണങ്ങൾ ലഭ്യമാണ്:

വിക്കിചൊല്ലുകളിലെ ലേഡി ഗാഗ എന്ന താളിൽ ഈ ലേഖനവുമായി ബന്ധപ്പെട്ട ചൊല്ലുകൾ ലഭ്യമാണ്‌:

• Official website
• ലേഡി ഗാഗ at Allmusic
• ലേഡി ഗാഗ ആൾ മൂവി വെബ്‌സൈറ്റിൽ
• ലേഡി ഗാഗ discography at Discogs
• ലേഡി ഗാഗ – ഫേസ്‌ബുക്കിൽ
• ഇന്റർനെറ്റ് മൂവി ഡാറ്റാബേസിൽ നിന്ന് ലേഡി ഗാഗ
• ലേഡി ഗാഗ collected news and commentary at The Guardian
• ലേഡി ഗാഗ collected news and commentary at The New York Times
• ലേഡി ഗാഗ collected news and commentary at The Wall Street Journal
• Works by or about ലേഡി ഗാഗ in libraries (WorldCat catalog)
• Slide show Vanity Fair
• പാട്ടുകൾ അഥവാ ലേഡി ഗാഗയുടെ ജീവിതം
• ഗാഗ style icon