ലാറ ദത്ത

ഇംഗ്ലീഷ് വിലാസം

http://ml.wikipedia.org/wiki/Lara_Dutta

ലാറ ദത്ത
ലാറ ദത്ത
ജനനം	1978 ഏപ്രിൽ 16 (1978-04-16) ഗാസിയബാദ്, ഉത്തർ പ്രദേശ്, ഇന്ത്യ
ഉദ്യോഗം	അഭിനേത്രി, മോഡൽ
സജീവം	2001 – ഇതുവരെ
ജീവിത പങ്കാളി	None

ഹിന്ദി ചലച്ചിത്ര വേദിയിലെ ഒരു അഭിനേത്രിയും 2000 ലെ മിസ്സ്. യൂണിവേഴ്സുമാണ് ലാറ ദത്ത (ജനനം: ഏപ്രിൽ 16, 1978).

ആദ്യ ജീവിതം

ലാറ ജനിച്ചത് ഉത്തർ പ്രദേശിലെ ഗാസിയബാദിലാണ്. പിതാവ് എൽ.കെ. ദത്ത ഒരു വിരമിച്ച ഒരു സൈനിക ഉദ്യോഗസ്ഥനാണ്. മാതാവ് ജെന്നിഫർ ദത്ത ഒരു പഞ്ചാബിയാണ്. ലാറക്ക് രണ്ട് മൂത്ത സഹോദരിമാരുണ്ട്. ഒരാൾ ഇന്ത്യൻ വായുസേനയിൽ ജോലി ചെയ്യുന്നു. 1981 ഇവരുടെ കുടുംബം ബാംഗ്ലൂരിലേക്ക് താമസം മാറി. തന്റെ വിദ്യാഭ്യാസം പൂർത്തീകരിച്ചത് ഇവിടെയാണ്.

ഔദ്യോഗിക ജീവിതം

ബാംഗ്ലൂരിൽ പഠിക്കുന്ന കാലത്ത് മിസ്സ്. യൂണിവേഴ്സ് മത്സരത്തിൽ പങ്കെടുക്കുകയും ആ വർഷം മിസ്സ്. യൂണിവേഴ്സ് പദവി നേടുകയും ചെയ്തു. ഇതിന്റെ ഫലമായി ലാറക്ക് യു.എൻ.എഫ്.പി.എ യുടെ ഇന്ത്യയിൽ നിന്നുള്ള പ്രതിനിധിയാക്കുകയും ചെയ്തു.

ദത്ത മിസ്സ്. യൂണിവേഴ്സ് ആയ വർഷം തന്നെ പ്രിയങ്ക ചോപ്ര മിസ്സ്. വേൾഡ് ആവുകയും ദിയ മിർസ മിസ്സ്. ഏഷ്യ പസിഫിക് ആകുകയും ചെയ്തു.

സിനിമ ജീവിതം

പ്രധാനമായും തമിഴ് ചലച്ചിത്രങ്ങളിലാണ് ലാറ ആദ്യമായി അഭിനയിച്ചു തുടങ്ങിയത്. ഹിന്ദി ചലച്ചിത്രത്തിൽ ആദ്യമായി അഭിനയിച്ചത് 2003 ൽ ഇറങ്ങിയ അന്ദാസ് എന്ന ചിത്രമായിരുന്നു. ഇതിലെ അഭിനയത്തിന് മികച്ച് പുതുമുഖ നടിക്കുള്ള പുരസ്കാരം ലഭിച്ചു. ഇതിനു ശേഷം പല ചിത്രങ്ങളിലും അഭിനയിച്ചെങ്കിലും ഒരു മുൻ നിര നായികയാവാൻ ലാറക്ക് കഴിഞ്ഞില്ല. 2007 ൽ സൽമാൻ ഖാൻ, ഗോവിന്ദ എന്നിവരോടൊപ്പം അഭിനയിച്ച പാർട്ണർ എന്ന ചിത്രവും, 2006 ലെ ഭാഗം ഭാഗ് എന്ന ചിത്രത്തിലേയും അഭിനയം ശ്രദ്ധേയമായി.

പുറത്തേക്കുള്ള കണ്ണികൾ

• ഇന്റർനെറ്റ് മൂവി ഡാറ്റാബേസിൽ നിന്ന് Lara Dutta

മുൻഗാമി ഗുൽ പനാഗ്	മിസ്സ്. ഇന്ത്യ യൂണിവേഴ്സ് 2000	പിൻഗാമി സെലീന ജെറ്റ്ലി
മുൻഗാമി ടിമേരി ബൌധരി	മിസ്സ്. കോണ്ടിനെന്റൽ 1997	പിൻഗാമി ജനൈന ബാറെൻ ഹൌസൻ
മുൻഗാമി Mpule Kwelagobe	മിസ്സ്. യൂണിവേഴ്സ് 2000	പിൻഗാമി Denise Quiñones