റോസെറ്റ ഉപഗ്രഹം

വിക്കിപീഡിയ, ഒരു സ്വതന്ത്ര വിജ്ഞാനകോശം.
റോസെറ്റ
Rosetta probe
റോസെറ്റയുടെ കമ്പ്യൂട്ടർ മോഡൽ
ദൗത്യത്തിന്റെ തരം Comet orbiter/lander
ഓപ്പറേറ്റർ European Space Agency
COSPAR ID 2004-006A
SATCAT № 28169
വെബ്സൈറ്റ് www.esa.int/rosetta
ദൗത്യദൈർഘ്യം 10 years, 7 months and 23 days elapsed
സ്പേസ്ക്രാഫ്റ്റിന്റെ സവിശേഷതകൾ
നിർമ്മാതാവ് Astrium
വിക്ഷേപണസമയത്തെ പിണ്ഡം Orbiter: 2,900 കി.ഗ്രാം (6,400 lb)
Lander: 100 കി.ഗ്രാം (220 lb)
Dry mass Orbiter: 1,230 കി.ഗ്രാം (2,710 lb)
Payload mass Orbiter: 165 കി.ഗ്രാം (364 lb)
Lander: 27 കി.ഗ്രാം (60 lb)
അളവുകൾ 2.8 × 2.1 × 2 മീ (9.2 × 6.9 × 6.6 അടി)
ഊർജ്ജം 850 watts at 3.4 AU[1]
ദൗത്യത്തിന്റെ തുടക്കം
വിക്ഷേപണത്തിയതി 2 March 2004, 07:17 (2004-03-02UTC07:17Z) UTC
റോക്കറ്റ് Ariane 5G+ V-158
വിക്ഷേപണത്തറ Kourou ELA-3
കരാറുകാർ Arianespace
Flyby of Mars
Closest approach 25 February 2007
Distance 250 കി.മീ (160 മൈ)
Flyby of 2867 Šteins
Closest approach 5 September 2008, 20:38 UTC
Distance 800 കി.മീ (500 മൈ)
Flyby of 21 Lutetia
Closest approach 10 July 2010, 16:10 UTC
Distance 3,162 കി.മീ (1,965 മൈ)
67P/Churyumov–Gerasimenko orbiter
Orbital insertion May 2014 (planned)
Orbit parameters
Periapsis 200 കി.മീ (120 മൈ) planned
ട്രാൻസ്പോണ്ടറുകൾ
ബാൻഡ് S band (low gain antenna)
X band (high gain antenna)
ബാൻഡ്‌വിഡ്ത്ത് 7.8 bit/s (S Band)
22 kbit/s (X Band)[2]
ഉപകരണങ്ങൾ
ALICE: Ultraviolet Imaging Spectrometer
CONSERT: COmet Nucleus Sounding Experiment by Radio wave Transmission
COSIMA: COmetary Secondary Ion Mass Spectrometer
GIADA: Grain Impact Analyser and Dust Accumulator
MIDAS: Micro-Imaging Dust Analysis System
MIRO: Microwave Spectrometer for the Rosetta Orbiter
OSIRIS: Optical, Spectroscopic, and InfraRed Remote Imaging System
ROSINA: Rosetta Orbiter Spectrometer for Ion and Neutral Analysis
RPC Rosetta Plasma Consortium
RSI: Radio Science Investigation
VIRTIS: Visible and Infrared Thermal Imaging Spectrometer

2004-ൽ വാൽനക്ഷത്രങ്ങളെക്കുറിച്ച് പഠനം നടത്താൻ യൂറോപ്യൻ സ്പേസ് ഏജൻസി വിക്ഷേപിച്ച ഉപഗ്രഹമാണ് റോസെറ്റ. സാങ്കേതികതകരാർ മൂലം മുപ്പതു മാസത്തോളം പ്രവർത്തനരഹിതമായിക്കിടന്ന ഈ ഉപഗ്രഹത്തിന്റെ തകരാറുകൾ പരിഹരിച്ച ശേഷം 2014 ജനുവരി മാസത്തോടെ യൂറോപ്പ്യൻ സ്പേസ് ഏജൻസി അതിനെ വീണ്ടും പ്രവർത്തസജ്ജമാക്കിക്കഴിഞ്ഞിട്ടുണ്ട്.[3] ചൊവ്വക്കും വ്യാഴത്തിനുമിടയിൽ ഒരു ദീർഘവൃത്തപഥത്തിൽ സൂര്യനെ ചുറ്റുകയാണ് റോസെറ്റ. 2014 ആഗസ്റ്റ് മാസം മുതൽ 67പി/സി-ജി (67P/Churyumov-Gerasimenko) എന്ന വാൽനക്ഷത്രത്തെ നിരീക്ഷിച്ചു തുടങ്ങി. നവംബറിൽ റോസെറ്റായിൽ കൊണ്ടുപോയിട്ടുള്ള ഫൈലേ എന്ന പേരുള്ള ഒരു പര്യവേഷണോപകരണം ആ വാൽനക്ഷത്രത്തിൽ ഇറക്കാൻ കഴിയുമെന്നും ശാസ്ത്രജ്ഞർ പ്രതീക്ഷിക്കുന്നുണ്ട്[3][4].

രണ്ടുദശകം മുമ്പേ ആരംഭിച്ച പരിശ്രമങ്ങളുടെ അവസാനഭാഗത്തെത്തിനിൽക്കുകയാണ് ശസ്ത്രജ്ഞർ. അടുത്ത ഒരുവർഷക്കാലം ഈ വാൽനക്ഷത്രത്തെ പിന്തുടർന്ന് പഠിച്ച്, അതിന്റെ കേന്ദ്രഭാഗത്തിറങ്ങാൻ യുക്തമായ ഒരു സ്ഥാനം കണ്ടെത്തി, 2015 ആഗസ്ത് 13-ന് ആണ് പത്ത് വിവിധ ഉപകരണങ്ങളുള്ള ഫൈലേ എന്ന ഉപകരണസമുച്ചയത്തെ വാൽനക്ഷത്രത്തിലിറക്കാമെന്ന് പ്രതീക്ഷിക്കുന്നത്. തുടർന്ന് ആ വർഷം ഡിസംബറിൽ റോസെറ്റാ ദൗത്യം അവസാനിക്കും.

വാൽനക്ഷത്രങ്ങളുടെ ഉല്പത്തി, അവയുടെ ഘടന, സൗരയൂഥത്തിന്റെ ആവിർഭാവത്തേക്കുറിച്ച് അവ നൽകിയേക്കവുന്ന വിവരങ്ങൾ തുടങ്ങിയവ ഈ ദൗത്യത്തിൽ പഠനവിഷയമാകും. ശതകോടിവർഷങ്ങൾക്കു മുമ്പ് സൗരയൂഥത്തിന്റെ വിദൂരതകളിൽ നിന്ന് വന്ന് ഭൂമിയിൽ വീണ വാൽനക്ഷത്രങ്ങൾ കടത്തിക്കൊണ്ടുപോന്നിരുന്ന അമിനോ ആസിഡുകളും ഹൈഡ്രോ കാർബണുകളുമാണ് ഇവിടെ ജീവന് തുടക്കമിട്ടതെന്ന വാദഗതിക്കുള്ള സ്ഥിരീകരണവും ഈ ദൗത്യത്തിൽ നിന്ന് ലഭിച്ചേക്കാം.

ദൗത്യത്തിന്റെ സമയക്രമം[തിരുത്തുക]

റോസെറ്റയുടെ സഞ്ചാരപഥം
  • വിക്ഷേപണം : 2004 മാർച്ച് 2
  • ഭൂസമീപത്തു കൂടിയുള്ള ആദ്യപറക്കൽ : 2005 മാർച്ച് 4
  • ചൊവ്വയുടെ സമീപമെത്തുന്നത് : 2007 ഫെബ്രുവരി 27
  • രണ്ടാമത്തെ ഭൂസാമിപ്യം : 2007 നവംബർ 13
  • ഛിന്നഗ്രഹം 2867 Šteinsനെ സമീപിച്ചത് : 2008 സെപ്റ്റംബർ 5
  • മൂന്നാമത്തെ ഭൂസാമിപ്യം : 2009 നവംബർ 13
  • ഛിന്നഗ്രഹം 21 Lutetiaയെ സമീപിച്ചത് 2010 ജൂലൈ 10
  • ബഹിരാകാശ നിഷ്കൃ‌യാവസ്ഥ : 2011 ജൂൺ-2014 ജനുവരി
  • ധൂമകേതുവിനെ സമീപിക്കൽ : ജനുവരി-മെയ് 2014
  • ധൂമകേതുവിന്റെ മാപ്പിങ്ങും പഠനവും : 2014 ഓഗസ്റ്റ്
  • ധൂമകേതുവിൽ ഇറങ്ങുന്നത് : 2014 നവംബർ
  • ധൂമകേതുവിനൊപ്പം സൂര്യനെ ചുറ്റുന്നത് : 2014 നവംബർ-2015 ഡിസംബർ
  • ദൗത്യ പൂർത്തീകരണം : 2015 ഡിസംബർ

റോസെറ്റയുടെ തത്സമയസ്ഥാനം യൂറോപ്യൻ സ്പേസ് ഏജൻസിയുടെ വെബ്‌സൈറ്റിൽ നിന്നും ലഭിക്കും[5].

റോസെറ്റയിലെ ഫിലേ എന്നു പേരുള്ള - ഒരു ഫ്രിഡ്ജിനോളം വലിപ്പമുള്ള - ലാൻഡർ മുപ്പത്തൊമ്പത് മാസത്തെ ദീർഘകാലനിദ്രക്കു ശേഷം 2014 മാർച്ച് 28 ന്ന് (വെള്ളിയാഴ്ച)ഉണർത്തപ്പെട്ടുകഴിഞ്ഞിട്ടുണ്ട്. 2014 നവംബറോടെ ധൂമകേതുവിൽ ഇറങ്ങാനുള്ള തയ്യാറെടുപ്പുകളുടെ ഭാഗമാണ് ഈ ഉണർത്തൽ[6].

നിരീക്ഷണങ്ങളും സംഭാവനകളും[തിരുത്തുക]

റോസെറ്റയിലെ ഓസിറിസ് ഇമേജിംഗ് സിസ്റ്റം ചിത്രങ്ങൾ എടുത്ത് അയച്ചു തുടങ്ങി. 2014 ജൂലൈ 20ന് എടുത്ത ചിത്രങ്ങളിൽ നിന്ന് 67പി/സി-ജി എന്ന ധൂമകേതുവിന്റെ രൂപം വ്യക്തമായിട്ടുണ്ട്. ഒരു വലിയ ഉടലും അതിനോടു ചേർന്നിരിക്കുന്ന ചെറിയ തലയും ചേർന്ന രൂപമാണ് ഇതിനുള്ളത്.[7] അൾട്രാവൈലറ്റ് രശ്മികൾ ഉപയോഗിച്ച് എടുത്ത ചിത്രത്തിൽ നിന്ന് ഈ ധൂമകേതുവിന്റെ പ്രകാശ പ്രതിഫലനശേഷി വളരെ കുറവാണെന്നും നിറം കറുത്തതാണെന്നും കണ്ടെത്തിയിരിക്കുന്നു[8]

ലക്ഷ്യസ്ഥാനത്ത്[തിരുത്തുക]

റോസെറ്റയും ഫിലയും

2014 ആഗസ്ത് ആറാം തിയ്യതി റോസെറ്റ ഉപഗ്രഹം അതിന്റെ ലക്ഷ്യസ്ഥാനത്ത് - അതായത് 67-പി/സി.ജി. വാൽനക്ഷത്രത്തിന്റെ 100 കി.മീ അടുത്ത് - എത്തിയതായി സ്ഥിരീകരിച്ചിട്ടുണ്ട്. ഇപ്പോൾ അത് വാൽനക്ഷത്രത്തിന്റെ വേഗതയായ 55000 കി.മീ/മണിക്കൂർ എന്ന വേഗതയിൽത്തന്നെ ഏറെക്കുറെ എത്തിയിട്ടുണ്ട്. ഈ വേഗത കൃത്യമായി ക്രമീകരിക്കുന്നതോടേ പ്രതീക്ഷിച്ചപോലെ നവംബറിൽ തന്നെ ഫൈലേ എന്ന ലാൻഡർ വാൽനക്ഷത്രത്തിലിറക്കാനാകുമെന്ന് ശാസ്ത്രജ്ഞർ കരുതുന്നു. 1969-ൽ കണ്ടെത്തിയശേഷം, ഭൂമിയെ ഏഴുതവണ വലംവച്ച് കടന്നുപോയിട്ടുള്ള ഈ വാൽനക്ഷത്രത്തിന്ന് ഗുരുത്വാകർഷണം വളരെ കുറവാണ്. അതുകൊണ്ട് ഫൈലേ തന്റെ ചൂണ്ടക്കൊളുത്തുകൾ ഉപയോഗിച്ച് വാൽനക്ഷത്രത്തിൽ അള്ളിപ്പിടിച്ചിരിക്കുകയാകും ചെയ്യുക.

റോസെറ്റക്ക് ഏതാണ്ട് 3000 കിലൊഗ്രാം ഭാരമുണ്ട്. ഒരു അലുമിനിയംപെട്ടി പോലെ തോന്നിക്കുന്ന അതിനുള്ളിലാണ് 100 കി ഗ്രാം ഭാരമുള്ള ഫൈലേയും മറ്റ് സങ്കേതികസംവിധാനങ്ങളും ഒരുക്കിയിരിക്കുന്നത്. ഉപഗ്രഹം ഇപ്പോൾ, പത്ത് വർഷവും അഞ്ച് മാസവും നാല് ദിവസവുംകൊണ്ട്, 640 കോടി കിലോമീറ്ററുകൾ പിന്നിട്ടിട്ടുണ്ട്[9].

അവലംബം[തിരുത്തുക]

  1. "Rosetta at a glance – technical data and timeline". DLR. യഥാർത്ഥ സൈറ്റിൽ നിന്ന് 8 January 2014-നു ആർക്കൈവ് ചെയ്തത്. ശേഖരിച്ചത് 8 January 2014. 
  2. "No. 2 – Activating Rosetta". European Space Agency. 8 March 2004. ശേഖരിച്ചത് 8 January 2014. 
  3. 3.0 3.1 റോസെറ്റ വാൽനക്ഷത്രത്തിലേക്ക്-സാബു ജോസ്(ദേശാഭിമാനി. കിളിവാതിൽ)[1]
  4. The Hindu, (Science and Technology), Thursday, 16 th January, 2014. ശേഖരിച്ചത് 18-01-2014
  5. "Rosetta's journey". European Space Agency. 9 November 2007. ശേഖരിച്ചത് 20 January 2014. 
  6. ഹിന്ദു ദിനപത്രം, 2014 മാർച്ച്, 29 വ്യാഴാഴ്ച
  7. New Views of the Rosetta Comet (Nasa Science)[2]
  8. Rosetta Comet is Darker than Charcoal[3]
  9. ഹിന്ദു ദിനപത്രം, 7 ആഗസ്ത്, 2014. ശേഖരിച്ചത് 7 ആഗസ്ത്, 2014
"http://ml.wikipedia.org/w/index.php?title=റോസെറ്റ_ഉപഗ്രഹം&oldid=2009388" എന്ന താളിൽനിന്നു ശേഖരിച്ചത്