റോബര്ട്ട് ക്ലൈവ്
വിക്കിപീഡിയ, ഒരു സ്വതന്ത്ര വിജ്ഞാനകോശം.
| റോബര്ട്ട് ക്ലൈവ് | |
|---|---|
 റോബര്ട്ട് ക്ലൈവ് |
|
| ജനനം | സെപ്റ്റംബര് 29 1725 ഷ്രോപ്ഷൈര് |
| മരണം | നവംബര് 22 1774 (പ്രായം 49) ബെര്ക്കലി സ്ക്വയര് |
| പൗരത്വം | ബ്രിട്ടീഷ് |
| മറ്റു നാമങ്ങള് | ഇന്ത്യയുടെ ക്ലൈവ് |
| പ്രശസ്തി | ബ്രിട്ടീഷ് ഇന്ത്യയുടെ സ്ഥാപനം. |
ദക്ഷിണേന്ത്യയിലും ബംഗാളിലും ബ്രിട്ടീഷ് ഈസ്റ്റ് ഇന്ത്യ കമ്പനിയുടെ സൈനികവും രാഷ്ട്രീയവുമായ ആധിപത്യം ഉറപ്പിക്കുന്നതില് പ്രമുഖ പങ്കുവഹിച്ച ബ്രിട്ടീഷ് സൈനികനായിരുന്നു മേജര് ജനറല് റോബര്ട്ട് ക്ലൈവ് (Major-General Robert Clive, 1st Baron Clive, KB ) (ജനനം:1725 സെപ്റ്റംബര് 29 - മരണം: 1774 നവംബര് 22). ഇന്ത്യയുടെ ക്ലൈവ് എന്നും അറിയപ്പെട്ടിരുന്നു. വാറന് ഹേസ്റ്റിങ്ങിനൊപ്പം ബ്രിട്ടീഷ് ഇന്ത്യയുടെ സ്ഥാപകരില് ഒരാളായി കണക്കാക്കപ്പെടുന്നു.
[തിരുത്തുക] ജീവിതരേഖ
റോബര്ട്ട് ക്ലൈവ് 1743-ല് തന്റെ പതിനെട്ടാം വയസിലാണ് ഇന്ത്യയിലെത്തിയത്. 1767-ല് അദ്ദേഹം ഇന്ത്യ വിടുമ്പോള് വളരെ വലിയ ഒരു സ്വത്തിന്റെ ഉടമയായിരുന്നു അദ്ദേഹം. നാലു ലക്ഷത്തിലധികം പൗണ്ട് വിലമതിക്കുന്ന സ്വത്ത് അദ്ദേഹത്തിന് ഇന്ത്യയിലുണ്ടായിരുന്നു. കമ്പനിഭരണത്തിലെ അഴിമതി അവസാനിപ്പിക്കുവാനായുമാണ് 1764-ല് ബംഗാളിന്റെ ഗവര്ണറായി ക്ലൈവിനെ നിയമിച്ചത്. എന്നാല് 1772-ല് അവിഹിതസ്വത്ത് സമ്പാദിച്ചതിന്റെ പേരില് ബ്രിട്ടീഷ് പാര്ലമെന്റില് അദ്ദേഹം വിചാരണക്ക് വിധേയനായി. ഇതില് കുറ്റവിമുക്തനാക്കാപ്പെട്ടെങ്കിലും 1774-ല് റോബര്ട്ട് ക്ലൈവ് ആത്മഹത്യ ചെയ്യുകയായിരുന്നു[1].
[തിരുത്തുക] അവലംബം
- ↑ "CHAPTER 2 - FROM TRADE TO TERRITORY". Social Science - Class VIII - Our Pasts-III. New Delhi: NCERT. pp. 15. http://www.ncert.nic.in/book_publishing/class8/our_pasts/2.pdf.
