റൂബി (പ്രോഗ്രാമിങ് ഭാഷ)
 |
|
| Paradigm: | multi-paradigm |
|---|---|
| പുറത്തുവന്ന വർഷം: | 1995 |
| രൂപകൽപ്പന ചെയ്തത്: | Yukihiro Matsumoto |
| നിർമ്മിച്ച ആൾ: | Yukihiro Matsumoto, et al. |
| ഏറ്റവും പുതിയ പതിപ്പ്: | 1.9.1-p376/ ഡിസംബർ 7 2009 |
| Typing discipline: | duck, dynamic, strong |
| പ്രധാന രൂപങ്ങൾ: | Ruby MRI, JRuby, YARV |
| സ്വാധീനിക്കപ്പെട്ടത്: | Smalltalk, Perl, Lisp, Scheme, Python, CLU, Eiffel, Ada, Dylan, T-RAY |
| സ്വാധീനിച്ചത്: | Groovy, Nu, Falcon, Ioke |
| ഓപറേറ്റിങ്ങ് സിസ്റ്റം: | Cross-platform |
| അനുവാദപത്രം: | Ruby License GNU General Public License |
| വെബ് വിലാസം: | www.ruby-lang.org |
സചേതനവും, ഒബ്ജക്റ്റ് ഓറിയന്റഡുമായിട്ടുള്ള ഒരു പ്രോഗ്രാമിങ് ഭാഷയാണ് റൂബി. പേളിന്റേയും സ്മാൾടോക്കിന്റെയും സവിശേഷതകളാണ് പ്രധാനമായി ഈ ഭാഷയുടെ നിർമ്മാണത്തിൽ സ്വാധീനിച്ചിരിക്കുന്നത്. 1990 കളുടെ മധ്യത്തിൽ ജപ്പാനിലാണ് ഇതിന്റെ ഉത്ഭവം, ഇതിനെ ആദ്യം രൂപകല്പനം ചെയ്തതും വികസിപ്പിച്ചെടുത്തതും യുകിഹിറോ മാത്സുമോട്ടോ ആണ്. പേൾ സ്മാൾടോക്ക്, ഈഫെൽ, ലിസ്പ് തുടങ്ങിയവയാണ് ഇതിനെ സ്വാധിനിച്ച പ്രധാന പ്രോഗ്രാമിങ് ഭാഷകൾ.
ഫങ്ഷനൽ, ഒബ്ജക്റ്റ് ഓറിയന്റഡ്, ഇമ്പെറേറ്റീവ്, റിഫ്ലെക്റ്റീവ് തുടങ്ങിയ പ്രോഗ്രാമിങ്ങ് രീതികളെയെല്ലാം റൂബി പിന്തുണക്കുന്നുണ്ട്. പ്രോഗ്രാമിലെ വാരിയബിളുകൾക്ക് സചേതനമായി അതിന്റെ തരം മാറാനുള്ള ഡൈനാമിക് ടൈപ്പ് സിസ്റ്റം സങ്കേതവും മെമ്മറി തനിയേ പരിപാലിക്കപ്പെടുന്നതും ഇതിന്റെ വിശേഷണങ്ങളിൽ പെടുന്നു, അതിനാൽ തന്നെ ഇത് പൈത്തൺ, പേൾ, ലിസ്പ്, ഡൈലൻ, പൈക്ക്, സി.എൽ.യു. തുടങ്ങിയ ഭാഷകളുമായി സാമ്യത പങ്കുവയ്ക്കുന്നു.
1.8.7 വരെയുള്ള പതിപ്പുകൾ സി യിൽ എഴുതപ്പെട്ട ഒരു സിംഗിൾ-പാസ്സ് ഇന്റർപ്രെറ്റഡ് ഭാഷയായാണ് പ്രത്യക്ഷവൽക്കരിക്കപ്പെട്ടിരിക്കുന്നത്. നിലവിൽ റൂബി ഭാഷയ്ക്കുവേണ്ടിയുള്ള നിർദ്ദേശകമൊന്നുമില്ല (specification), അതിനാൽ തന്നെ മൂലരൂപം തന്നെ ഇതിന്റെ പൊതുവായ റെഫെറെൻസ് ആയി എടുക്കുന്നു. 2010 പ്രകാരം മറ്റ് വ്യത്യസ്തങ്ങളായ പ്രത്യക്ഷവൽക്കരണങ്ങളും പുറത്തിറങ്ങിയിട്ടുണ്ട്, യാർവ്, ജെറൂബി, റൂബിനിയസ്, അയൺറൂബി, മാൿറൂബി, ഹോട്ട്റൂബി എന്നിവ അവയില്പെടുന്നു. ഇതിൽ അയൺറൂബി, ജെറൂബി, മാൿറൂബി എന്നിവ ജസ്റ്റ്-ഇൻ-ടൈം കമ്പൈലേഷൻ സങ്കേതം ഉപയോഗിക്കുന്നു, മാൿറൂബി എഹെഡ്-ഓഫ്-ടൈം കമ്പൈലേഷനും പിന്തുണക്കുന്നുണ്ട്. വേഗത കുറഞ്ഞ എം.ആർ.ഐ.ക്ക് പകരം 1.9 മുതലുള്ള റൂബിയുടെ പതിപ്പ് യാർവാണ് ഉപയോഗപ്പെടുത്തുന്നത്.
[തിരുത്തുക] ചരിത്രം
ഫങ്ഷനൽ പ്രോഗ്രാമിങ്ങും ഇമ്പെറേറ്റീവ് പ്രോഗ്രാമിങ്ങും തുല്യമായി ഉപയോഗപ്പെടുത്തുന്ന ഒരു പുതിയ പ്രോഗ്രാമിങ് ഭാഷ വേണമെന്ന് ആഗ്രഹിച്ച യുകിഹിറോ മാത്സുമോട്ടോയാണ് 1993 ഫെബ്രുവരി 24 ന് റൂബി സൃഷ്ടിച്ചത്.[1] ഇതിനെകുറിച്ച് മസ്തുമോട്ടൊയുടെ വാക്കുകൾ ഇങ്ങനെയാണ്, "പേളിനേക്കാൾ ശക്തമായതും പൈത്തണിനേക്കാളും ഒബ്ജക്റ്റ് ഓറിയന്റഡുമായ ഒരു സ്ക്രിപ്റ്റിങ് ഭാഷ വേണമെന്ന് ഞാൻ ആഗ്രഹിച്ചു. അതിനാൽ തന്നെ സ്വന്തമായി ഒന്ന് രൂപകല്പന ചെയ്യാൻ ഞാൻ തീരുമാനിക്കുകയായിരുന്നു".[2]
[തിരുത്തുക] അവലംബം
- ↑ http://www.ruby-lang.org/en/about/ Ruby-Lang About Ruby
- ↑ http://www.linuxdevcenter.com/pub/a/linux/2001/11/29/ruby.html An Interview with the Creator of Ruby
[തിരുത്തുക] പുറം കണ്ണികൾ
- Ruby language home page
- Ruby documentation site
- The Great Ruby Shootout (December 2008): Ruby implementations comparison.
- Collingbourne, Huw (June 17 2006), The Little Book Of Ruby, free PDF eBook 1.1MB, pp. 87
- Collingbourne, Huw (April 18 2009), The Book Of Ruby, free PDF eBook 2.9MB, pp. 425
- Ruby.on-page.net — simple Ruby manual with many samples
- Ruby at the Open Directory Project
- Ruby User Guide By Matz, the creator of Ruby. Translated into English.
- Ruby From Other Languages
- Wiki: Ruby language and implementation specification (Dead link - 2009.08.10)
- Writing C Extensions to Ruby (MRI 1.8)
- RubyFlow: Community Filtered Ruby News
- The Ruby Reflector Automated Ruby News
|
|||||||||||||||||||||||
