അഡ്വാണിയുടെ ആദ്യ രഥയാത്ര

ഇംഗ്ലീഷ് വിലാസം

https://ml.wikipedia.org/wiki/Advani%27s_First_Rath_Yathra

Ram Rath Yatra

The planned route of Advani's Rath Yatra, beginning in Somnath on 25 September 1990 and ending in Ayodhya on 30 October
തിയതി	25 September 1990 - 30 October 1990
സ്ഥലം	Across the country
അനന്തരഫലം	Advani arrested

എൽ.കെ. അധ്വാനി

അയോദ്ധ്യയിൽ ബാബറി മസ്ജിദിന്റെ സ്ഥാനത്ത് രാമക്ഷേത്രം നിർമ്മിക്കണമെന്ന ആവശ്യവുമായി എൽ.കെ. അഡ്വാണി 1990-ൽ നടത്തിയ രഥയാത്രയാണ് ഇദ്ദേഹത്തിന്റെ രാഷ്ട്രീയജീവിതത്തിൽ ആദ്യത്തെത്. ഇതുകൂടാതെ 2011 വരെ അഞ്ച് ദേശീയ യാത്രകൾ കൂടി ഇദ്ദേഹം നടത്തുകയുണ്ടായി.രാമരഥയാത്ര എന്നാണ് ഇദ്ദേഹത്തിന്റെ ആദ്യത്തെ രഥയാത്ര അറിയപ്പെടുന്നത്.

വിശദാംശങ്ങൾ

1990 സെപ്തംബർ 25ന് തുടങ്ങി ഒക്ടോബർ 30ന് അയോധ്യയിൽ അവസാനിക്കുക എന്ന ലക്ഷ്യവുമായാണ് ഈ യാത്ര ആസൂത്രണം ചെയ്യപ്പെട്ടത്. സോമനാഥക്ഷേത്രത്തിൽ നിന്നായിരുന്നു ഈ യാത്ര തുടങ്ങിയത്. ഒക്റ്റോബർ 23-ന് ബിഹാറിൽ സമസ്തിപൂർ എന്ന സ്ഥലത്തുവച്ച് വച്ച് എൽ.കെ. അഡ്വാണി അറസ്റ്റ് ചെയ്യപ്പെട്ടതോടെയാണ് യാത്ര അവസാനിച്ചത്. ആദ്യം അഡ്വാണി പദയാത്രനടത്താനാണ് ഉദ്ദേശിച്ചിരുന്നതെങ്കിലും പ്രമോദ് മഹാജനാണ് ഇതിനുപകരം രഥയാത്ര നടത്താനുള്ള ആശയം നൽകിയത്.

അനന്തരഫലങ്ങൾ

1992 സെപ്റ്റംബർ 6-ന് അയോദ്ധ്യയിലെ തർക്കഭൂമിയിലുണ്ടായിരുന്ന ബാബറി മസ്ജിദ് പൊളിക്കപ്പെട്ടത് ഈ യാത്രയുടെ അനന്തരഫലങ്ങളിലൊന്നായിരുന്നു. യാത്രയോടൊപ്പം രാജ്യത്തിന്റെ പല ഭാഗത്തും വർഗീയകലാപങ്ങളുണ്ടായി. ഗുജറാത്ത്, കർണാടക, ഉത്തർ പ്രദേശ്, ആന്ധ്രാപ്രദേശ് എന്നിവിടങ്ങളിൽ യാത്രയോടനുബന്ധിച്ച് വർഗ്ഗീയകലാപങ്ങൾ നടന്നിരുന്നു. 564 ആൾക്കാരെങ്കിലും ഇതോടനുബന്ധിച്ചുനടന്ന വർഗ്ഗീയകലാപങ്ങളിൽ മരിക്കുകയുണ്ടായി.

അഡ്വാണി നേതൃത്വം കൊടുത്ത യാത്രകൾ

ഇതുൾപ്പെടെ 2011 വരെ അദ്ദേഹം ആറ് ദേശീയ യാത്രകൾക്ക് നേതൃത്വം നൽകി.

1. രാംരഥയാത്ര - 1990 സെപ്തംബർ 25 - ഒക്റ്റോബർ 23
2. ജനാദേശ് യാത്ര - 1993 സെപ്റ്റംബർ 11 - 25
3. സ്വർണ്ണജയന്തി രഥയാത്ര - 1997 മെയ് 18 - ജൂലൈ 15
4. ഭാരത് ഉദയ് യാത്ര - 2004 മാർച്ച് 10 - 25
5. ഭാരത് സുരക്ഷാ യാത്ര - 2006 ഏപ്രിൽ 6 - മെയ് 10
6. ജന ചേതനാ യാത്ര - 2011 ഒക്ടോബർ 11 - നവംബർ 20