യക്ഷൻ
വിക്കിപീഡിയ, ഒരു സ്വതന്ത്ര വിജ്ഞാനകോശം.
 യക്ഷരാജാവ്-കുബേരൻ |
|
| രാജധാനി | അളകാപുരി |
|---|---|
| യക്ഷപതി | കുബേരൻ |
| സ്ത്രീ | യക്ഷി |
| യക്ഷഗ്രഹം | പിശാചപീഡ |
| യക്ഷതരു | പേരാൽ |
| യക്ഷധൂപം | ചെഞ്ചല്യം |
ഭാരതീയ വിശ്വാസമനുസരിച്ച് ഉപദേവതമാരിൽ ഒരു വിഭാഗമാണ് യക്ഷന്മാർ. ഹൈന്ദവ പുരാണങ്ങളിലെ വർണ്ണനയിൽ സ്വർഗ്ഗത്തിൽ ദേവന്മാർ, ഗണദേവന്മാർ, ഉപദേവന്മാർ എന്നിങ്ങനെ മൂന്നുവിഭാഗങ്ങൾ ഉണ്ട്. ഈ ഉപദേവന്മാർ വീണ്ടും പത്തു വിഭാഗങ്ങളായി തിരിക്കുന്നു. വിദ്യാധരന്മാർ, അപ്സരസ്സുകൾ, യക്ഷൻമാർ, രക്ഷസ്സുകൾ, ഗന്ധർവ്വൻമാർ, കിന്നരന്മാർ, പിശാചർ, ഗുഹ്യകർ, സിദ്ധർ, ഭൂതങ്ങൾ എന്നിവരാണ് ഈ പത്തു വിഭാഗക്കാർ.
കൃത്യവിലോപത്തിന് ശിക്ഷിക്കപ്പെട്ട് അളകാപുരിയിൽ നിന്ന് വിന്ധ്യാപർവത പ്രദേശത്തെ രാമഗിരിയിലേയ്ക്ക് നാടുകടത്തപ്പെട്ട ഒരു യക്ഷനാണ് കാളിദാസന്റെ സന്ദേശകാവ്യമായ മേഘസന്ദേശത്തിലെ നായകനായ പ്രധാന കഥാപാത്രം.[1]
[തിരുത്തുക] അവലംബം
- ↑ കാളിദാസകൃതികൾ -- ഗദ്യശില്പം -- സി.ജെ. മണ്ണുമ്മൂട് പ്രസാധനം -- സി.ജെ.എം. പബ്ലിക്കേഷൻസ്, മണർകാട്, കോട്ടയം
