മോഹൻ ഡി. കങ്ങഴ

വിക്കിപീഡിയ, ഒരു സ്വതന്ത്ര വിജ്ഞാനകോശം.
മോഹൻ ഡി. കങ്ങഴ
ജനനം1932
മരണം29 ഡിസംബർ 1979
ഭാഷമലയാളം
ദേശീയതഇന്ത്യൻ
Genre[അപസർപ്പക നോവൽ
വിഷയംനോവലിസ്റ്റ്, വിവർത്തകൻ
പങ്കാളിവസുമതിയമ്മ
കുട്ടികൾആമിന, അമ്മിണി, സുലേഖ, മിനി

പരിഭാഷകളിലൂടെ പ്രശസ്തനായ മലയാള സാഹിത്യകാരനായിരുന്നു മോഹൻ ഡി. കങ്ങഴ (1932-1979 ഡിസംബർ 29). യഥാർത്ഥനാമം ആർ. മോഹൻ ദാസ്‌ എന്നായിരുന്നു. ദുർഗാപ്രസാദ് ഖത്രി‎ ഹിന്ദിയിലെഴുതിയ ശാസ്ത്രീയ കുറ്റാന്വേഷണ കഥകൾ മലയാളത്തിലേക്കു മൊഴിമാറ്റം നടത്തിയാണ്‌ ഹിന്ദി അദ്ധ്യാപകനായ അദ്ദേഹം പ്രശസ്തനായത്. ‍അറുപതുകളിൽ വായനശാലകളിൽ ഏറ്റവും കൂടുതൽ വായിക്കപെട്ട പുസ്തകങ്ങൾ കാനം ഇ.ജെ യുടേയും മോഹൻ ഡി. കങ്ങഴയുടേയും ആയിരുന്നു.[1]

ജീവിതരേഖ[തിരുത്തുക]

സ്വാതന്ത്ര്യ സമര സേനാനി വൈക്കം രാമൻപിള്ളയുടെയും കടയനിക്കാട്‌ തയ്യിൽ ഗൗരിക്കുട്ടിപ്പിള്ളയുടെയും മകനായി 1932 ല്‌ ജനിച്ചു. വൈക്കം സത്യഗ്രഹത്തിൽ പങ്കെടുക്കാൻ എത്തിയ മഹാത്മജിയുടെ പ്രഭാഷണം മലയാളത്തിൽ മൊഴിമാറ്റം നടത്തിയ രാമൻപിള്ള മകനെ ഹിന്ദി പഠനത്തിനാണ്‌ വിട്ടത്‌. ഹിന്ദിയിൽ ബി.എ. യും പിന്നീട്‌` ബി.ടി. യും പാസ്സായ മോഹൻ എം.എ.എ. പഠനം പൂർത്തിയാക്കാതെ ലക്ഷദ്വീപിൽ അദ്ധ്യാപകനായി ജോലിയിൽ പ്രവേശിച്ചു. പിന്നീട്‌ കങ്ങഴ, പത്തനാട്‌, ആലക്കോട്‌ രാജാ സ്കൂൾ എന്നിവിടങ്ങളിൽ ഹിന്ദി അദ്ധ്യാപകനായി ജോലി നോക്കി.

കുടുംബം[തിരുത്തുക]

വെളിയനാട്‌ പി.ടി വാസുദേവിന്റെ മകൾ,കന്നൂരിൽ അദ്ധ്യാപിക വസുമതിയമ്മ ആയിരുന്നു ഭാര്യ. ആമിന, അമ്മിണി, സുലേഖ, മിനി എന്നിവരാണു മക്കൾ. മൃത്യുകിരണം പരിഭാഷ സമർപ്പിച്ചിരിക്കുന്നത് പരേതയായ സുലേഖയ്ക്കാണ്. പുസ്തകത്തിൽ ഇങ്ങനെ കാണാം: "ഈ നോവലിന്റെ അവസാനത്തെ മിനുക്കുപണികൾ ആരംഭിച്ച 11-6-1958-ൽ യഥാർത്ഥ മൃത്യുകിരണത്തിനിരയായ എന്റെ മകൾ 'സുലേഖ'യുടെ പാവനസ്മരണയ്ക്ക്."

മരണം[തിരുത്തുക]

1979 ഡിസംബർ 29

കൃതികൾ[തിരുത്തുക]

പരിഭാഷകൾ[തിരുത്തുക]

  • ചെമന്ന കൈപ്പത്തി (ദുർഗാപ്രസാദ് ഖത്രി)
  • മൃത്യുകിരണം (4 ഭാഗം) (ദുർഗാപ്രസാദ് ഖത്രി)
  • രക്തം കുടിക്കുന്ന പേന
  • നേഫയിൽ നിന്നൊരു കത്ത്‌
  • കറുത്ത കാക്ക
  • വെളുത്ത ചെകുത്താൻ (4 ഭാഗം) (ദുർഗാപ്രസാദ് ഖത്രി)
  • ഭൂതനാഥൻ (7 ഭാഗം) (ദേവകീനന്ദൻ ഖത്രി)

സ്വന്തം കൃതി[തിരുത്തുക]

  • നാട്ടുമങ്ക (കുറ്റാന്വേഷണ നോവൽ)
  • കാഞ്ചനാമില്ലിലെ ഗൂഢാലോചന (കുറ്റാന്വേഷണ നോവൽ)
  • ജയിൽപുള്ളി (കുറ്റാന്വേഷണ നോവൽ)
  • അന്തർദേശീയ കൊള്ളത്തലവൻ (കുറ്റാന്വേഷണ നോവൽ)
  • ഭ്രാന്തൻ (സാമൂഹിക നോവൽ)
  • അഗ്നിപർവ്വതം (രാഷ്ട്രീയ നോവൽ)
  • നേഫായിൽനിന്നൊരു കത്ത് (രാഷ്ട്രീയ നോവൽ)
  • ഹിറ്റ്‌ലറുടെ പ്രേതം (ഏകാങ്കങ്ങൾ)
  • വെളുത്ത കാക്ക (ചെറുകഥകൾ)
  • ആദർശബാലക് (ഹിന്ദി ജീവചരിത്രം)
  • മോഹനാ ഹൈസ്കൂൾ ഹിന്ദിഗ്രാമർ (വ്യാകരണം)
  • വിശ്വസുന്ദരി

അവലംബം[തിരുത്തുക]

  1. എം.എൻ. കാരശ്ശേരി (2006). "ഗുപ്തൻ നായർ സ്മരണ". ഭാഷാപോഷിണി. {{cite journal}}: Unknown parameter |month= ignored (help)
"https://ml.wikipedia.org/w/index.php?title=മോഹൻ_ഡി._കങ്ങഴ&oldid=3294421" എന്ന താളിൽനിന്ന് ശേഖരിച്ചത്