മൊൺസ്റ്റിറ
വിക്കിപീഡിയ, ഒരു സ്വതന്ത്ര വിജ്ഞാനകോശം.
| മൊൺസ്റ്റിറ | |
|---|---|
 |
|
| Monstera deliciosa | |
| ശാസ്ത്രീയ വർഗ്ഗീകരണം | |
| സാമ്രാജ്യം: | Plantae |
| (unranked): | Angiosperms |
| (unranked): | Monocots |
| നിര: | Alismatales |
| കുടുംബം: | Araceae |
| ഉപകുടുംബം: | Monsteroideae |
| Tribe: | Monstereae |
| ജനുസ്സ്: | Monstera Adans. |
| Species | |
|
See text. |
|
അരേസി സസ്യകുടുംബത്തിലെ ഒരു അലങ്കാരസസ്യമാണ് മൊൺസ്റ്റിറ (ആംഗലേയം:Monstera). ഇലകൾ നിറയെ കീറിയതുപോലെ കാണപ്പെടുന്ന ഈ അലങ്കാരച്ചെടിയുടെ ജന്മദേശം അമേരിക്കയിലെ മെക്സിക്കോ മുതൽ പനാമ വരെയുള്ള വനപ്രദേശങ്ങളാണെന്നു കരുതുന്നു. പടർന്നു കയറുന്ന സ്വഭാവം കാണിക്കുന്ന ഈ സസ്യം ഉഷ്ണമേഖലാ കാലാവസ്ഥയും ഭാഗീകമായ തണലും ഇഷ്ടപ്പെടുന്ന ഒരു സസ്യമാണ്.
സവിശേഷതകൾ [തിരുത്തുക]
തൈകളിൽ കാണപ്പെടുന്ന ഇലകൾക്ക് ഹൃദയാകാരവും കീറലും ഉണ്ടായിരിക്കുകയില്ല എങ്കിലും ചെടി നല്ല രീതിയിൽ വളരുമ്പോൾ തിളക്കമാർന്ന പച്ച ഇലകൾ കീറിയതുപോലെ കാണപ്പെടുന്നു. വൃക്ഷങ്ങളിൽ പറ്റിപ്പിടിച്ചു വളരുന്ന ഈ അലങ്കാരചെടിക്ക് വായുവേരുകൾ കാണപ്പെടുന്നു. ഈ ചെടിയിൽ നിന്നും ലഭിക്കുന്ന സെറിമാൻ എന്നറിയപ്പെടുന്ന കായ്കൾ ഭക്ഷ്യയോഗ്യമാണ്. എങ്കിലും മറ്റ് ഭാഗങ്ങൾക്ക് വിഷാംശം കാണപ്പെടുന്നു.
