മേധ പാട്കർ
| മേധ പട്കർ | |
|---|---|
 മേധ പട്കർ 2002-ൽ |
|
| ജനനം | 1 ഡിസംബർ 1954 |
| സംഘടന | National Alliance of People's Movements(NAPM) |
| പ്രസ്ഥാനം | നർമദാ ബചാവോ ആന്ദോളൻ |
ഇന്ത്യയിലെ പ്രശസ്തയായ ഒരു സാമൂഹ്യപ്രവർത്തകയാണ് മേധ പട്കർ. (മറാഠി:मेधा पाटकर)
ഉള്ളടക്കം |
ആദ്യകാല ജീവിതം [തിരുത്തുക]
1954 ഡിസംബർ 1-ന് ജനിച്ചു. സാമൂഹ്യ പ്രവർത്തകയാവുന്നതിനു മുൻപ് മുംബൈയിലെ ടാറ്റ ഇൻസ്റ്റിറ്റ്യൂട്ട് ഓഫ് സോഷ്യൽ സയൻസസിൽ (TISS) നിന്ന് സാമൂഹ്യശാസ്ത്രത്തിൽ ബിരുദാനന്തരബിരുദം നേടി. TISS-ലെ ജോലിയും ഗവേഷണവും ഉപേക്ഷിച്ച് മഹാരാഷ്ട്ര, മദ്ധ്യപ്രദേശ്, ഗുജറാത്ത് സംസ്ഥാനങ്ങളിലെ കർഷകരുടെയും ആദിവാസികളുടെയും ഉന്നമനത്തിനായുള്ള പ്രക്ഷോഭങ്ങളിൽ പങ്കെടുക്കുകയും, ഇത് ആത്യന്തികമായി നർമ്മദ ബചാവോ ആന്ദോളൻ (നർമ്മദയ രക്ഷിക്കുവാനുള്ള പ്രക്ഷോഭം) എന്ന സംഘടനയുടെ രൂപവത്കരണത്തിന് കാരണമാകുകയും ചെയ്തു[1].
നർമ്മദ ബചാവോ ആന്ദോളൻ [തിരുത്തുക]
നർമ്മദ നദിയ്ക്കും അതിന്റെ പോഷകനദികൾക്കും കുറുകെ പല സ്ഥലങ്ങളിലായി നിർമ്മിച്ചുകൊണ്ടിരുന്ന അണക്കെട്ടുകളുടെ (സർദാർ സരോവർ പദ്ധതി) പദ്ധതി ബാധിതപ്രദേശങ്ങളിലെ ജനങ്ങൾക്ക് ലഭിക്കേണ്ട[2] നഷ്ടപരിഹാരത്തെയും അവരുടെ പുനരധിവാസത്തേയും ചൊല്ലിയുള്ള തർക്കത്തെ തുടർന്ന്, ഉയർന്നു വന്ന ജലനിരപ്പിൽ അപ്രത്യക്ഷമായിക്കൊണ്ടിരുന്ന മധ്യപ്രദേശിലെ ജൽസിന്ധി ഗ്രാമത്തിലും, മഹരാഷ്ട്രയിലെ ദോംഖേദി ഗ്രാമത്തിലും, [3] മരണം വരെ സമരം തുടങ്ങുകയും, പോലീസ് ബലം പ്രയോഗിച്ച് നീക്കുകയും ഉണ്ടായി(1999, ഓഗസ്റ്റ് 11).[4] നർമ്മദ പദ്ധതിയുടെ ഫലം ലഭിക്കുക ഗുജറാത്തിലെ ധനികരായ കർഷകർക്കു മാത്രമായിരിക്കും എന്നും, പദ്ധതി ബാധിതരാവും ഫലമനുഭവിക്കുന്നവരിലും കൂടുതലെന്നുമുള്ള തുടർച്ചയായ പ്രസ്താവനകൾ അവരെ ഗുജറാത്ത് ജനതയ്ക്കും രാഷ്ട്രീയക്കാർക്കും അനഭിമതയാക്കി. [5]
2006, മാർച്ച് 28 ന്, അണക്കെട്ടുകളുടെ ഉയരം വർദ്ധിപ്പിക്കുന്നതിനെതിരെ നിരാഹാര സമരം തുടങ്ങി. സുപ്രീം കോടതി അവരുടെ അപ്പീൽ സ്വീകരിക്കാതിരുന്നതിനാൽ അവർ ഏപ്രിൽ 17 ന് ഉപവാസം അവസാനിപ്പിച്ചു.
സിംഗൂറിൽ [തിരുത്തുക]
റ്റാറ്റാ മോട്ടർ കമ്പനിയ്ക്കായി കൃഷിസ്ഥലം സർക്കാർ ഏറ്റെടുക്കുന്നതിനെതിരെ പശ്ചിമ ബംഗാളിൽ സിംഗൂർ എന്ന സ്ഥലത്ത് നടന്ന കർഷക പ്രക്ഷോഭത്തിൽ പങ്കെടുക്കുവാനെത്തിയ മേധയെ 2006, ഡിസംബർ 2 ന് പോലീസ് അറസ്റ്റ് ചെയ്തു..[6]
അവാർഡുകളും ബഹുമതികളും [തിരുത്തുക]
- റൈറ്റ് ലൈവ്ലിഹുഡ് അവാർഡ് 1991 (Right Livelihood Award for the year 1991)
- വിജിൽ ഇൻഡ്യ നൽകിയ എം. എ. തോമസ് ദേശിയ മനുഷ്യാവകാശ(പ്രവർത്തക) അവാർഡ് 1999 (1999 M.A.Thomas National Human Rights Award )
- ദീനനാഥ് മംഗേഷ്കർ അവാർഡ്
- മഹാത്മ ഫൂലെ അവാർഡ്
- “ഗോൾഡ് മാൻ” പരിസ്ഥിതി അവാർഡ്
- ബി ബി സി നൽകിയ ഏറ്റവും നല്ല രാഷ്ട്രീയ/സാമൂഹിക പ്രചരണ പ്രവർത്തനത്തിനുള്ള “ഗ്രീൻ റിബൺ” അന്താരാഷ്ട്ര അവാർഡ്.
- “ആംനസ്റ്റി ഇന്റർനാഷണൽ“ നൽകിയ “ഹ്യൂമൻ രൈറ്റ്സ് ഡിഫെന്റർ“ (Human Rights Defender) അവാർഡ്.
- “വേൾഡ് കമ്മീഷൻ ഓൺ ഡാംസ്” ൽ പ്രതിനിധി ആയിരുന്നു.
കൂടുതൽ വായിക്കുവാൻ [തിരുത്തുക]
- വേൾഡ് കമ്മീഷൻ ഓൺ ഡാംസ്
- റൈറ്റ് ലൈവ്ലിഹുഡ് അവാർഡ്
- ഇന്റർനാഷണൽ റിവേഴ്സ് നെറ്റ്വർക്ക്
- മേധ പോലീസ് കസ്റ്റഡിയിൽ
- BBC: Dam protester's health gets worse
- മേധ ഉപവാസം തുടരുന്നു
- കോടതിയലക്ഷ്യം
അവലംബം [തിരുത്തുക]
- ↑ [1] ടൈംസ് ഒഫ് ഇൻഡ്യ
- ↑ [2] ദി ഹിന്ദു
- ↑ [3]ഫ്രണ്ട്ലൈനിൽ നിന്ന് [4] ദി ഹിന്ദു
- ↑ [5]ഫ്രണ്ട്ലൈനിൽ നിന്ന്
- ↑ [6] ഫ്രണ്ട്ലൈനിൽ നിന്ന് [7] [8] ദി ഹിന്ദു
- ↑ [9]ദി ഹിന്ദു
 |
ജീവചരിത്രവുമായി ബന്ധപ്പെട്ട ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പ്. |
