മുയൽച്ചെവിയൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
ഇതേ പേരിലുള്ള ബാലസാഹിത്യ കൃതിയെക്കുറിച്ചറിയാൻ, ദയവായി മുയൽച്ചെവി കാണുക.
മുയൽച്ചെവിയൻ
Emilia sonchifolia.jpg
lilac tasselflower
ശാസ്ത്രീയ വർഗ്ഗീകരണം
സാമ്രാജ്യം: Plantae
Division: Magnoliophyta
ക്ലാസ്സ്‌: Magnoliopsida
നിര: Asterales
കുടുംബം: Asteraceae
ജനുസ്സ്: Emilia
വർഗ്ഗം: E. sonchifolia
ശാസ്ത്രീയ നാമം
Emilia sonchifolia
(L.) DC. ex Wight
പര്യായങ്ങൾ

Cacalia sonchifolia L.
Source: AFPD[1]

കേരളത്തിലുടനീളം കണ്ടുവരുന്ന ഒരു ഔഷധി വർഗ്ഗത്തിൽപ്പെട്ട ഔഷധസസ്യമാണ്‌ മുയൽചെവിയൻ. ഇത് ഒരു പാഴ്‌ചെടിയായി കാണപ്പെടുന്നു. മുയലിന്റെ ചെവിയോട് സാദൃശ്യമുള്ളതിനാലായിരിക്കും ഇതിന്‌ ഈ പേര്‌ ലഭിച്ചത്. ശശശ്രുതി എന്ന സംസ്കൃത നാമവും ഇതേ രീതിയിൽ ലഭിച്ചിട്ടുള്ളതാണെന്ന് കരുതുന്നു. തലവേദനക്കുള്ള പച്ചമരുന്നുകൂടിയാണിത്.

പേരുകൾ[തിരുത്തുക]

രസഗുണങ്ങൾ[തിരുത്തുക]

ചെടിയുടെ ഇലകൾ, മൊട്ടുകൾ, തണ്ട്, വിത്ത് എന്നിവയുടെ ഒരു രാത്രി ദൃശ്യം.

ഘടന[തിരുത്തുക]

40 സെന്റീ മീറ്റർ വരെ ഉയരത്തിൽ വളരുന്ന ഒരു പാഴ്ചെടിയാണിത്. പച്ചയും വെള്ളയും കലർന്ന നിറത്തിൽ മുയലിന്റെ ചെവിയുടെ ആകൃതിയിലാണ്‌ ഇലകൾ. ചെടിയുടെ എല്ലാ ഭാഗത്തും ഇടവിട്ട് ഇടവിട്ട് ഇലകൾ കാണപ്പെടുന്നു. ആൺ പൂക്കളും പെൺ പൂക്കളൂം വെവ്വേറെ ചെടിയിൽ കാണപ്പെടുന്നു. പൂക്കൾ മിക്കവാറും ഓരോന്നായി വെവ്വേറെ കാണപ്പെടുന്നു. ദളപുടം നീല കലർന്ന ചുവപ്പ് നിറത്തിലോ ചുവപ്പ് നിറം മാത്രമായോ കാണപ്പെടുന്നു. കായ്കളിൽ അനേകം വിത്തുകൾ ഉണ്ടാകുന്നു. കാറ്റുമൂലം വിതരണം സംഭവിക്കുന്ന ഒരു ചെടിയായതിനാൽ വിത്തുകളിൽ നേർത്ത വെളുത്ത രോമങ്ങൾ കാണാം[2][3]

മുയൽചെവിയന്റെ വിത്ത്. ഒരു രാത്രിദൃശ്യം

ഔഷധ ഉപയോഗം[തിരുത്തുക]

ചെടി സമൂലമായി ഔഷധത്തിൽ ഉപയോഗിക്കുന്നു. ദശപുഷ്പങ്ങളിൽ ഒന്നാണ്‌ മുയൽ ചെവി‌യൻ. തൊണ്ടസംബന്ധമായ സർവ്വ രോഗങ്ങൾക്കും നല്ലത്‌. നേത്രകുളിർമയ്ക്കും, രക്താർശസ്‌ കുറയ്ക്കുന്നതിനും ഫലപ്രദം. നേത്രരോഗങ്ങൾ, ടോൺസിലൈറ്റിസ്‌, പനി തുടങ്ങിയ രോഗങ്ങൾക്ക്‌ ഔഷധമാണ്‌. കരൾ-ദഹനേന്ദ്രിയ വ്യവസ്ഥയെ ഉത്തേജിപ്പിക്കാനും അതിസാരത്തിനും ഫലപ്രദമാണ്[4].

കാമൻ ദേവത - സൗന്ദര്യം ഫലപ്രാപ്‌തി. (പരമശിവൻ ആണ്‌ ദേവത എന്ന്‌ ചിലയിടങ്ങളിൽ കാണുന്നു. )

അവലംബം[തിരുത്തുക]

  1. "Emilia sonchifolia record n° 95932" (HTML). African Plants Database. South African National Biodiversity Institute, the Conservatoire et Jardin botaniques de la Ville de Genève and Tela Botanica. ശേഖരിച്ചത് 2008-05-21. 
  2. 2.0 2.1 ayurvedicmedicinalplants.com - ൽ നിന്നും.
  3. ഡോ.എസ്. നേശമണി. ഔഷധസസ്യങ്ങൾ . വാല്യം 11. The State Institute of Languages, തിരുവനന്തപുരം. പുറം 422-424
  4. മനോരമ ഓൺലൈൻ, ഡോ. ആർ. കിഷോർ, Story Dated: Thursday, April 4, 2013 11:57 hrs IST

ഇവയും കാണുക[തിരുത്തുക]

ഔഷധസസ്യങ്ങളുടെ പട്ടിക

ചിത്രശാല[തിരുത്തുക]

"http://ml.wikipedia.org/w/index.php?title=മുയൽച്ചെവിയൻ&oldid=1929474" എന്ന താളിൽനിന്നു ശേഖരിച്ചത്