മലയാളമാദ്ധ്യമപ്രവർത്തനം

ഇംഗ്ലീഷ് വിലാസം

http://ml.wikipedia.org/wiki/Malayalam_journalism

മലയാള ഭാഷയിലെ വിവിധമാദ്ധ്യമങ്ങളിലെ പ്രവർത്തനത്തെ സൂചിപ്പിക്കുന്നതാണ് മലയാളമാദ്ധ്യമപ്രവർത്തനം. 1847-ൽ ഹെർമൻ ഗുണ്ടർട്ട് പ്രസിദ്ധീകരിക്കുന്ന രാജ്യസമാചാരം, പശ്ചിമോദയം തുടങ്ങിയ പത്രങ്ങളിലാണ് മലയാളമാദ്ധ്യമപ്രവർത്തനത്തിന്റെ തുടക്കം എന്ന് കണക്കാക്കപ്പെടുന്നു.

നിലവിൽ മലയാളഭാഷയിൽ മൂവായിരത്തിലധികം അച്ചടിമാദ്ധ്യമങ്ങൾ പ്രസിദ്ധീകരണത്തിനായി രജിസ്റ്റർ ചെയ്യപ്പെട്ടിട്ടുണ്ട്.

അച്ചടിമാധ്യമങ്ങൾ

വർത്തമാനപത്രങ്ങൾ

മലയാള വർത്തമാന പത്രങ്ങൾ കേരളത്തിലെ ജനങ്ങളുടെ ഇടയിൽ വളരെ വലിയ സ്വാധീനം ചെലുത്തിയിട്ടുണ്ട്. ഇതിൽ ചില താഴെപ്പറയുന്ന മുൻ കാല പത്രങ്ങൾ വളരെ പ്രാധാന്യമുള്ളവയായിരുന്നു.

പത്രം	എഡിറ്റർ	പ്രസാധകൻ
കേരളമിത്രം	കണ്ടത്തിൽ വർഗ്ഗീസ് മാപ്പിള	ദേവ്ജി ഭീംജി
കേരള പത്രിക	ചേങ്ങലത്ത് കുഞ്ഞിരാമ മേനോൻ
കേരള സഞ്ചാരി	വേങ്ങയിൽ കുഞ്ഞിരാമൻ നായനാർ (വടക്കൻ കേസരി എന്നും അറിയപ്പെടുന്നു)	Spectator Press, കോഴിക്കോട്
സ്വദേശാഭിമാനി	സ്വദേശാഭിമാനി രാമകൃഷ്ണപിള്ള	വക്കം അബ്ദുൽ ഖാദർ മൗലവി
മിതവാദി	മൂർക്കോത്ത് കുമാരൻ, സി.കൃഷ്ണൻ
കേസരി	കേസരി ബാലകൃഷ്ണപിള്ള (തെക്കൻ കേസരി എന്നും അറിയപ്പെടുന്നു)
സഹോദരൻ	കെ. അയ്യപ്പൻ
അൽ-അമീൻ	മുഹമ്മദ് അബ്ദുൾ റഹിമാൻ	മുഹമ്മദ് അബ്ദുൾ റഹിമാൻ
ഉജ്ജീവനം	വൈക്കം മുഹമ്മദ് ബഷീർ	?
മലബാർ മെയിൽ	ഫാ. തോമസ് വെളുത്തേടത്ത്, എം.എം. വർക്കി	മാർ അഗസ്റ്റിൻ കണ്ടത്തിൽ

ഇപ്പോഴത്തെ ദിനപ്രത്രങ്ങൾ

• ദീപിക : നിധിരിക്കൽ മാണിക്കത്തനാർ സ്ഥാപക എഡിറ്ററായിരുന്നു. തുടർന്ന് എൽ.സി. ഐസക്, ഫാ. കൊളംബിയർ എന്നിവർ ദീർഘകാലം എഡിറ്റർമാരായി സേവനമനുഷ്ടിച്ചു
• മലയാള മനോരമ : കണ്ടത്തിൽ വർഗ്ഗീസ് മാപ്പിള സ്ഥാപകപത്രാധിപരായിരുന്നു.
• മാതൃഭൂമി : സ്ഥാപക പത്രാധിപർ കെ.പി. കേശവമേനോൻ
• കേരളകൗമുദി : സ്ഥാപക പത്രാധിപർ സി.വി. കുഞ്ഞുരാമൻ
• ദേശാഭിമാനി : സി.പി.ഐ (എം) സ്ഥാപിച്ചു. വി.വി. ദക്ഷിണാമൂർത്തി ആദ്യകാല എഡിറ്ററായിരുന്നു
• ചന്ദ്രിക ദിനപത്രം :ടി.പി ചെറൂപ്പ
• സിറാജ് ദിനപത്രം എഡിറ്റർ: വി പി എം ഫൈസി വില്യാപ്പള്ളി
• മാധ്യമം : ഐഡിയൽ പബ്ലിക്കേഷൻസ് ട്രസ്റ്റ് ആരംഭിച്ചു. ആദ്യകാല എഡിറ്റർമാർ പി.കെ. ബാലകൃഷ്ണൻ, കെ.എ. കൊടുങ്ങല്ലൂർ എന്നിവർ
• മംഗളം ദിനപ്പത്രം : എം.സി. വർഗ്ഗീസ് സ്ഥാപിച്ചു
• വീക്ഷണം : എഡിറ്റർ കെ.എൽ. മോഹനവർമ്മ
• വർത്തമാനം : എഡിറ്റർ ജാഫർ അത്തോളി
• ജന്മഭൂമി: ചീഫ് എഡിറ്റർ: ഹരി. എസ്. കർത്ത

• തേജസ്‌ ദിനപ്പത്രം : സ്ഥാപക പത്രാധിപർ പ്രൊഫസർ പി. കോയ, മാർച്ച് 2012 മുതൽ എൻ.പി. ചെക്കുട്ടി

• മെട്രോ വാർത്ത: എഡിറ്റർ: രൻജി പണിക്കർ

ആനുകാലികങ്ങൾ

മലയാളത്തിലെ ചില പ്രധാന ആനുകാലിക പ്രസിദ്ധീകരണങ്ങൾ താഴെപ്പറയുന്നവയാണ്.

• മാതൃഭൂമി ആഴ്ചപ്പതിപ്പ് -എഡിറ്റർ: കെ. കെ. ശ്രീധരൻ നായർ
• മാധ്യമം ആഴ്ചപ്പതിപ്പ് -എഡിറ്റർ: ഒ. അബ്ദുറഹ്മാൻ
• മലയാളം വാരിക -എഡിറ്റർ :എസ്. ജയചന്ദ്രൻ നായർ
• ഇന്ത്യാടുഡെ
• ചിന്ത വാരിക -എഡിറ്റർ: സി.പി. നാരായണൻ
• കലാകൗമുദി -എഡിറ്റർ: എൻ.ആർ.എസ്. ബാബു
• ദേശാഭിമാനി വാരിക -എഡിറ്റർ: വി. വി. ദക്ഷിണാമൂർത്തി ,
• ഗൃഹലക്ഷ്മി -എഡിറ്റർ: കെ.കെ. ശ്രീധരൻ നായർ
• ചന്ദ്രിക
• പ്രബോധനം വാരിക -എഡിറ്റർ: ടി.കെ. ഉബൈദ്
• തേജസ് ദ്വൈവാരിക -എഡിറ്റർ: പി അബ്ദുൽ മജീദ് ഫൈസി

പ്രശസ്തരായ പത്രപ്രവർത്തകർ

ഈ ലേഖനത്തിലെ വിഷയത്തെ സംബന്ധിക്കുന്ന കൃതി വിക്കിഗ്രന്ഥശാലയിലെ വൃത്താന്തപത്രപ്രവർത്തനം എന്ന താളിലുണ്ട്.

ഇന്ത്യൻ പത്രപ്രവർത്തനത്തിന് സംഭാവനകൾ നൽകിയ ചില പ്രധാന മലയാളി പത്രപ്രവർത്തകർ താഴെപ്പറയുന്നവരാണ്.

• സ്വദേശാഭിമാനി രാമകൃഷ്ണപിള്ള - പ്രധാന കൃതി: വൃത്താന്തപത്രപ്രവർത്തനം(1912)- പത്രപ്രവർത്തനത്തെക്കുറിച്ചുള്ള ആദ്യത്തെ മലയാള കൃതി.
• ഡോ. ടി.എം. നായർ (സ്വരാജ്യ)
• ജി. പി. പിള്ള (മദ്രാസ് സ്റ്റാൻ‌ഡേർഡ്)
• ജോർജ്ജ് ജോസഫ് (Independent, Young India) (brother of Pothan Joseph, arguably the doyen of Indian journalists; Hindustan Times, Deccan Herald, Indian Express, Dawn etc.)
• വി.കെ. കൃഷ്ണമേനോൻ
• കെ. ശങ്കർ പിള്ള (arguably the doyen of Indian cartoonists; Shankar's Weekly)
• അബു എബ്രഹാം
• ഒ.വി. വിജയൻ (Shankar's Weekly, Statesman, Hindu).
• എം.പി. നാരായണപിള്ള
• ബി.ആർ.പി.ഭാസ്ക്കർ

ടെലിവിഷൻ

മലയാളത്തിൽ ടെലിവിഷൻ പത്രപ്രവർത്തനം ആരംഭിച്ചത് 1985 ൽ ദൂരദർശൻ മലയാളത്തിൽ സം‌പ്രേഷണം തുടങ്ങിയതോടെ ആണ്.

ദൂരദർശൻ

ദൂരദർശൻ സം‌പ്രേഷണത്തോടൊപ്പം തന്നെ വാർത്ത സം‌പ്രേഷണവും തുടങ്ങി. ഇൻഫ്രാസ്ട്രക്ചറിന്റെ കാര്യത്തിൽ ഇന്ന് കേരളത്തിലെ ഏറ്റവും വലിയ സം‌പ്രേഷകർ ദൂരദർശനാണ്.

ഏഷ്യാനെറ്റ്

സ്വകാര്യമേഖലയിൽ തുടക്കമിട്ട ആദ്യത്തെ മലയാളം ടെലിവിഷൻ ചാനൽ ഏഷ്യാനെറ്റ് ആണ്. ഇത് തുടങ്ങിയത് 1993-ൽ ഇന്ത്യയിലെ ഒരു പ്രധാന പത്രപ്രവർത്തകനാ‍യ ശശികുമാർ ആണ്. 1994 ൽ ഇവർ വാർത്താപരിപാടികൾ തുടങ്ങി. ഇത് മലയാള ടെലിവിഷൻ വാർത്താ ചരിത്രത്തിലെ ഒരു പ്രധാന നാഴികക്കല്ലായി കണക്കാക്കപ്പെടുന്നു. അന്ന് ഈ ടെലിവിഷൻ പത്രപ്രവർത്തനത്തിന്റെ പിന്നിൽ പ്രവർത്തിച്ചത് ബി.ആർ.പി. ഭാസ്കർ, ടി.എൻ. ഗോപകുമാർ, നീലൻ, കെ.രാജഗോപാൽ, സി.എൽ. തോമസ്, കെ. ജയചന്ദ്രൻ, എൻ.പി. ചന്ദ്രശേഖരൻ, എൻ.കെ. രവീന്ദ്രൻ എന്നിവരായിരുന്നു.

ഇന്ത്യാവിഷൻ

മലയാളത്തിൽ ഒരു മുഴുനീള വാർത്താചാനൽ ആയി തുടങ്ങിയത് ഇന്ത്യാവിഷൻ ആയിരുന്നു. 2003 ആഗസ്തിൽ തുടങ്ങിയ ഈ ചാനലിന്റെ നേതൃത്വം എം.കെ. മുനീർ ആയിരുന്നു. ഇതിന്റെ പ്രധാന പ്രവർത്തകർ ഏഷ്യാനെറ്റിൽ നിന്നും എം.വി.നികേഷ് കുമാർ, എൻ.പി. ചന്ദ്രശേഖരനും , മാതൃഭൂമി പത്രപ്രവർത്തകനായിരുന്ന എ.സഹദേവനുമായിരുന്നു.

കൈരളി ടി.വി

മലയാളത്തിലെ ആദ്യ പൊതുസംരഭചാനലാണ് കൈരളി ടി.വി. മലയാളത്തിലെ പ്രമുഖനടനായ മമ്മൂട്ടി ആണ് ഇതിന്റെ ചെയർ‌മാൻ സ്ഥാനം. 2000 ൽ കൈരളി, ഇവരുടെ വാർത്താ ചാനലായ പീപ്പിൾ ടി.വി യും തുടങ്ങി.2007ല്ല് വി. ടി.വി യും തുടങ്ങി

ജീവൻ ടി.വി

പാലാരിവട്ടം ആസ്ഥാനമാക്കി പ്രവർത്തിക്കുന്ന ഒരു മുഴുനീള ചാനലാണ് ജീവൻ ടി,വി.

ജയ്‌ഹിന്ദ് ടിവി

ഒരു വാർത്താധിഷ്ഠിത ചാനലാണ് ജയ്‌ഹിന്ദ് ടിവി. തിരുവനന്തപുരം ആസ്ഥാനമാക്കി പ്രവർത്തിക്കുന്നു.

മനോരമ ന്യൂസ്

2006 ൽ ആരംഭിച്ച ഒരു മുഴുനീള വാർത്താ ചാനലാണ് മനോരമ ന്യൂസ്.

റിപ്പോർട്ടർ

കേരളത്തിൽ ഹൈ‌ ഡെഫനിഷൻ സാങ്കേതികവിദ്യ അടിസ്ഥാനമാക്കി പ്രവർത്തിക്കുന്ന ഒരു വാർത്താചാനലാണ് റിപ്പോർട്ടർ ടി വി. എം.ടി. വാസുദേവൻ നായർ ചെയർമാനും പ്രശസ്ത വാർത്താ അവതാരകനായ എം.വി. നികേഷ് കുമാർ മാനേജിങ്ങ് ഡയറക്റ്ററും ആയി 2011 മേയ് 11 ന് ഈ ചാനൽ സംപ്രേക്ഷണം ആരംഭിച്ചു.

ദർശന ടിവി

2012 ജനുവരിയിൽ കോഴിക്കോട് നിന്ന് പ്രക്ഷേപണമാരംഭിച്ച ഒരു വിനോദ ചാനലാണ് ദർശന ടിവി.

മാതൃഭുമി ന്യൂസ്

മാതൃഭൂമിയുടെ ഉടമസ്ഥതയിലുള്ള ഒരു മലയാള വാർത്താചാനലാണ് മാതൃഭൂമി ന്യൂസ്. തിരുവനന്തപുരത്താണ് മാതൃഭൂമി ന്യൂസ് ചാനലിന്റെ ആസ്ഥാനം[1]. 2013 ജനുവരി 23-നാണ് ചാനൽ പ്രവർത്തനമാരംഭിച്ചത്.

മീഡിയാവൺ

കോഴിക്കോട് ആസ്ഥാനമായി സംപ്രേക്ഷണം ചെയ്യുന്ന ന്യൂസ് ആന്റ് കൾച്ചറൽ ടി.വി. ചാനലാണ് മീഡിയ വൺ. മാധ്യമം ബ്രോഡ്കാസ്റ്റിങ് ലിമിറ്റഡിന് കീഴിൽ രജിസ്റ്റർ ചെയ്തിരിക്കുന്ന ചാനൽ 2013 ഫെബ്രുവരി 10 മുതൽ ചാനൽ പ്രക്ഷോപണമാരംഭിച്ചു. നേര് നന്മ എന്നതാണ് ചാനലിൻറെ മുദ്രാവാക്യം.