മദൻ ലാൽ ഖുറാന
മദൻ ലാൽ ഖുറാന | |
|---|---|
 Madan Lal Khurana addressing a rally in 2005 | |
| രാജസ്ഥാൻ ഗവർണർ | |
| ഓഫീസിൽ 2004 | |
| മുൻഗാമി | കൈലാപതി മിശ്ര |
| പിൻഗാമി | ടി.വി.രാജേശ്വർ |
| കേന്ദ്ര, പാർലമെൻററി കാര്യ, ടൂറിസം വകുപ്പ് മന്ത്രി | |
| ഓഫീസിൽ 1998-1999 | |
| ലോക്സഭാംഗം | |
| ഓഫീസിൽ 1999-2003, 1998-1999, 1991-1993, 1989-1991 | |
| മണ്ഡലം | ഡൽഹി സദർ, സൗത്ത് ഡൽഹി |
| ഡൽഹി മുഖ്യമന്ത്രി | |
| ഓഫീസിൽ 1993-1996 | |
| മുൻഗാമി | രാഷ്ട്രപതി ഭരണം |
| പിൻഗാമി | സാഹിബ് സിംഗ് വർമ്മ |
| മണ്ഡലം | മോട്ടി നഗർ |
| വ്യക്തിഗത വിവരങ്ങൾ | |
| ജനനം | ഒക്ടോബർ 15 1936 ല്യാൽപ്പൂർ, അവിഭക്ത പടിഞ്ഞാറൻ പഞ്ചാബ് പ്രാവിശ്യ, പാക്കിസ്ഥാൻ |
| മരണം | ഒക്ടോബർ 27, 2018 (പ്രായം 82) ന്യൂഡൽഹി |
| രാഷ്ട്രീയ കക്ഷി | ബി.ജെ.പി (1980-2006) |
| പങ്കാളി | രാജ് ഖുറാന |
| കുട്ടികൾ | 4 |
As of ഒക്ടോബർ 15, 2022 ഉറവിടം: ലോക്സഭ | |
രാജസ്ഥാൻ ഗവർണർ, മുൻ കേന്ദ്രമന്ത്രി, നാല് തവണ ലോക്സഭാംഗം എന്നീ നിലകളിൽ പ്രവർത്തിച്ച സംസ്ഥാനമായി പ്രഖ്യാപിച്ച ശേഷമുള്ള ഡൽഹിയുടെ ആദ്യത്തെ മുഖ്യമന്ത്രിയായിരുന്ന മുതിർന്ന ബി.ജെ.പി നേതാവായിരുന്നു മദൻ ലാൽ ഖുറാന.(1936-2018) വാർധക്യ സഹജമായ അസുഖങ്ങൾക്ക് ചികിത്സയിലിരിക്കെ 2018 ഒക്ടോബർ 27ന് അന്തരിച്ചു.[1][2][3][4][5]
ജീവിതരേഖ[തിരുത്തുക]
എസ്.ഡി.ഖുറാനയുടേയും ലക്ഷ്മിദേവിയുടേയും മകനായി 1936 ഒക്ടോബർ 15ന് ല്യാൽപ്പൂരിലുള്ള അവിഭക്ത പഞ്ചാബ് പ്രവിശ്യയിൽ ജനിച്ചു. 1947 ഓഗസ്റ്റ് 14-ലെ ഇന്ത്യ, പാക്കിസ്ഥാൻ വിഭജനത്തെ തുടർന്ന് പഞ്ചാബ് വിട്ട് ഡൽഹിയിൽ കുടിയേറി. പ്രാഥമിക വിദ്യാഭ്യാസത്തിന് ശേഷം ഡൽഹി യൂണിവേഴ്സിറ്റിയുടെ കീഴിലുള്ള കെ.എം.എം കോളേജിൽ നിന്ന് ബിരുദം നേടി.
1959-ൽ കോളേജിൽ പഠിക്കുമ്പോൾ അലഹാബാദ് വിദ്യാർത്ഥി യൂണിയൻ്റെ ജനറൽ സെക്രട്ടറിയായാണ് തുടക്കം. ചെറുപ്പത്തിൽ തന്നെ ആർ.എസ്.എസിൽ അംഗമായ ഖുറാന 1960-ൽ സംഘപരിവാറിൻ്റെ വിദ്യാർത്ഥി സംഘടനയായ അഖില ഭാരത വിദ്യാർത്ഥി പരിഷത്തിൻ്റെ ജനറൽ സെക്രട്ടറിയായിരുന്നു.
1966 മുതൽ 1989 വരെ ഡൽഹി മെട്രോപൊളിറ്റൻ കൗൺസിൽ അംഗമായിരുന്നു. ഭാരതീയ ജനസംഘിൻ്റെ നേതാവായിരുന്ന ഖുറാന 1980-ൽ ബിജെപി രൂപീകരിച്ചപ്പോൾ മുതൽ സംസ്ഥാന ജനറൽ സെക്രട്ടറിയായും സംസ്ഥാന പ്രസിഡൻറായും പ്രവർത്തിച്ചു. ഡൽഹിയിൽ പാർട്ടിയെ വളർത്താനുള്ള പ്രവർത്തനങ്ങളിൽ ഏർപ്പെട്ടതിനെ തുടർന്ന് ഡൽഹിയുടെ സിംഹം എന്ന പേരിലറിയപ്പെട്ടു.
1989-ലും 1991-ലും സൗത്ത് ഡൽഹിയിൽ നിന്നുള്ള ലോക്സഭാംഗമായി തിരഞ്ഞെടുക്കപ്പെട്ടു. 1993-ൽ സംസ്ഥാനമായി പ്രഖ്യാപിച്ചതിനെ തുടർന്ന് അതേ വർഷം തന്നെ ഡൽഹിയിൽ നടന്ന നിയമസഭ തിരഞ്ഞെടുപ്പിൽ ആകെയുള്ള 70-ൽ 49 സീറ്റിലും ബി.ജെ.പി ജയിച്ചതോടെ ആദ്യമായി ഡൽഹി മുഖ്യമന്ത്രിയായി. മുഖ്യമന്ത്രി സ്ഥാനത്തേക്ക് തിരഞ്ഞെടുക്കപ്പെട്ടതിനെ തുടർന്ന് 1993-ൽ ലോക്സഭാംഗത്വം രാജിവച്ചു.
1996-ൽ ഹവാല ആരോപണങ്ങളിൽ പെട്ട് ഉലഞ്ഞതോടെ മുഖ്യമന്ത്രി സ്ഥാനം രാജിവച്ചു. പിന്നീട് 1998, 1999 വർഷങ്ങളിൽ നടന്ന ലോക്സഭ തിരഞ്ഞെടുപ്പുകളിൽ ഡൽഹി സാദർ മണ്ഡലത്തിൽ നിന്ന് പാർലമെൻറ് അംഗമായി തിരഞ്ഞെടുക്കപ്പെട്ടു. 1998 മുതൽ 1999 വരെ കേന്ദ്ര മന്ത്രിയായി പ്രവർത്തിച്ച ഖുറാന 2004-ൽ രാജസ്ഥാൻ ഗവർണറായി നിയമിക്കപ്പെട്ടെങ്കിലും കേന്ദ്രത്തിലെ ഭരണമാറ്റത്തെ തുടർന്ന് രാജിവച്ചു.
2005 ഓഗസ്റ്റ് 20ന് അന്നത്തെ ബി.ജെ.പി ദേശീയ അധ്യക്ഷനായിരുന്ന എൽ.കെ. അദ്വാനിയെ വിമർശിച്ചതിന് ഖുറാനയെ ബി.ജെ.പി പുറത്താക്കിയെങ്കിലും 2005 സെപ്റ്റംബർ 12ന് മാപ്പ് പറഞ്ഞതിനെ തുടർന്ന് തിരിച്ചെടുത്തു.
2004-ൽ കേന്ദ്രത്തിൽ നിന്ന് അധികാരത്തിന് പുറത്തായതും തുടർച്ചയായ തോൽവികളും മൂലം ബി.ജെ.പി ദേശീയ നേതൃത്വം പ്രതിസന്ധിയിൽ പെട്ട് നിൽക്കവെ നിരന്തരം പാർട്ടി വിരുദ്ധ പ്രസ്താവനകൾ നടത്തിയതിനെ തുടർന്ന് 2006 മാർച്ച് 19ന് ബി.ജെ.പിയിൽ നിന്ന് പുറത്താക്കി.[6]
പ്രധാന പദവികളിൽ
- 1959 : ജനറൽ സെക്രട്ടറി, അലഹാബാദ് വിദ്യാർത്ഥി യൂണിയൻ
- 1960 : ദേശീയ ജനറൽ സെക്രട്ടറി, എ.ബി.വി.പി
- 1965-1967, 1975-1977 : സംസ്ഥാന ജനറൽ സെക്രട്ടറി, ഭാരതീയ ജനസംഘം
- 1966-1989 : കൗൺസിലർ, മെട്രോപൊളിറ്റൻ കൗൺസിൽ, ഡൽഹി
- 1977-1980 : എക്സിക്യൂട്ടീവ് കൗൺസിലർ, പൊതുവിതരണം, ആരോഗ്യം, വ്യവസായം, ക്രമസമാധാനം എന്നിവയുടെ ചുമതല
- 1980-1986 : ബി.ജെ.പി, സംസ്ഥാന ജനറൽ സെക്രട്ടറി
- 1983-1985 : ചെയർമാൻ, മെട്രോപൊളിറ്റൻ കൗൺസിൽ ഡൽഹി
- 1986-1989 : ബി.ജെ.പി, ഡൽഹി സംസ്ഥാന പ്രസിഡൻ്റ്
- 1989-1991 : ലോക്സഭാംഗം, സൗത്ത് ഡൽഹി (1)
- 1991-1993 : ലോക്സഭാംഗം, സൗത്ത് ഡൽഹി (2)
- 1993-1998 : നിയമസഭാംഗം, മോട്ടിനഗർ (1)
- 1993-1996 : ഡൽഹി, മുഖ്യമന്ത്രി
- 1998 : ലോക്സഭാംഗം, ഡൽഹി സദർ (3)
- 1998-1999 : കേന്ദ്ര മന്ത്രി
- 1999-2003 : ലോക്സഭാംഗം, ഡൽഹി സദർ (4)
- 1999-2003 : ബി.ജെ.പി, ഡൽഹി സംസ്ഥാന പ്രസിഡൻറ്
- 2003 : ലോക്സഭാംഗത്വം രാജിവച്ചു
- 2003-2004 : നിയമസഭാംഗം, മോട്ടി നഗർ (2)
- 2004 : രാജസ്ഥാൻ ഗവർണർ
- 2006 : ബിജെപിയിൽ നിന്ന് പുറത്താക്കി[7]
മരണം[തിരുത്തുക]
വാർധക്യ സഹജമായ അസുഖങ്ങളെ തുടർന്ന് ചികിത്സയിലിരിക്കെ 2018 ഒക്ടോബർ 27ന് 82-മത്തെ വയസിൽ ന്യൂഡൽഹിയിലെ എയിംസിൽ വച്ച് അന്തരിച്ചു.[8]
അവലംബം[തിരുത്തുക]
- ↑ "‘ദില്ലി കാ ഷേർ | Madanlal Khurana remembered | Manorama Online" https://www.manoramaonline.com/news/india/2018/10/28/06-maanlal-khuran-remembered.amp.html
- ↑ "മദൻലാൽ ഖുറാനയ്ക്ക് അന്ത്യാഞ്ജലി | Khurana laid to rest | Manorama online" https://www.manoramaonline.com/news/india/2018/10/28/06-khurana-laid-to-rest.amp.html
- ↑ "Members : Lok Sabha" http://164.100.47.194/Loksabha/Members/MemberBioprofile.aspx?mpsno=199&lastls=13
- ↑ "Former Delhi chief minister and BJP leader Madan Lal Khurana passes away - The Economic Times" https://m.economictimes.com/news/politics-and-nation/former-delhi-chief-minister-and-bjp-leader-madan-lal-khurana-passes-away/amp_articleshow/66396353.cms
- ↑ "Former Delhi CM Madan Lal Khurana passes away, Former Delhi CM Madan Lal Khurana" https://englisharchives.mathrubhumi.com/amp/news/india/former-delhi-cm-madan-lal-khurana-passes-away-1.3260158
- ↑ "Madan Lal Khurana, the man who gave new vision in death | Latest News Delhi - Hindustan Times" https://www.hindustantimes.com/delhi-news/madan-lal-khurana-the-man-who-gave-new-vision-in-death/story-hJhYXfCkb1yX8Q2xCkoeRK_amp.html
- ↑ "Delhi loses three former CMs in less than a year, Sushma Swaraj" https://englisharchives.mathrubhumi.com/amp/news/india/delhi-loses-three-former-cms-in-less-than-a-year-1.4022001
- ↑ "Former Delhi CM Madan Lal Khurana cremated - The Statesman" https://www.thestatesman.com/india/former-delhi-cm-madan-lal-khurana-cremated-1502701882.html/amp