മടയിൽ ചാമുണ്ഡി

ചാമുണ്ഡി തെയ്യം, ഉഴുമ്മൽ ശ്രീ മാക്കിയിൽ മുണ്ട്യങ്കാവ് ക്ഷേത്രത്തിൽ

വിവരണം

മൂന്നു ലോകങ്ങളേയും വിറപ്പിച്ചിരുന്നവരാണ്, ചണ്ഡമുണ്ഡന്മാർ. അവരെ വധിച്ചതിനാൽ ഈ ദേവി തെയ്യത്തെ ചാമുണ്ടി എന്നു വിളിക്കുന്നു. അവരെ പാതാളത്തിലേക്ക് പിന്തുടർന്നാണ് വധിച്ചത് ആതിനാൽ പാതാളമൂർത്തി എന്നും പേരുണ്ട്. സത്യം തെളിയിക്കുന്ന ദേവിയാണ് ചാമുണ്ടി.

ഐതിഹ്യം

വണ്ണാടിൽ പൊതുവാൾ കൂട്ടിനായി പയ്യാ‍ടക്കത്ത് നായരേയും കൂട്ടി നായാട്ടിനു പോയി. ഒരു മ്ര്ഗത്തേയും കിട്ടാതിരിക്കുമ്പോൾ കുറച്ചകലെ മടയിൽ ഒരു അനക്കം കേട്ടു. പന്നിയാണേന്നു കരുതിയ പൊതുവാൾ ശബ്ദം കേട്ട ദിക്കു നോക്കി അമ്പെയ്തു.

ഗുഹയിൽ നിന്നും കേട്ടത് വലിയൊരു അലർച്ചയും ചിലമ്പിന്റെ ശബ്ദവും കേട്ട പൊതുവാൾ ജീവനും കൊണ്ട് ഓടി വീട്ടുമുറ്റത്തെത്തി. ആളെ വിളിക്കുന്നതിനു മുമ്പ് പിന്നാലെ എത്തിയ ഭീകരമൂർത്തി പൊതുവാളിനെ ചവുട്ടികൊന്ന് പുറം കാലുകൊണ്ട് തട്ടിയെറിഞ്ഞു.

തെയ്യത്തിന്റെ പന്നിയുടെ മുഖം, കോഴിയെ കൊന്നു് പുറം കാലുകൊണ്ട് എറിയുന്നതും നായാട്ടിനെ ഓർമ്മപ്പെടുത്തുന്ന ചടങ്ങുകളാണ്.