ഭാവന (ചലച്ചിത്രനടി)
| ഭാവന | |
|---|---|
 2008-ലെ അമ്മ ജനറൽ ബോഡി യോഗത്തിൽ നിന്നും |
|
| ജനനം | കാർത്തിക 1986 ജൂൺ 6 തൃശ്ശൂർ, കേരളം ഇന്ത്യ |
| സജീവം | 2008-present |
ദക്ഷിണേന്ത്യയിലെ ഒരു ചലച്ചിത്ര താരമാണ് ഭാവന ബാലചന്ദ്രൻ (ജനനം – ജൂൺ 6 1986). മലയാളം, തമിഴ്, തെലുഗു എന്നീ ഭാഷകളിലായി അഭിനയിച്ചുകൊണ്ടിരിക്കുന്നു. സംവിധായകൻ കമലിൻറെ നമ്മൾ എന്ന സിനിമയിൽ അഭിനയിച്ചുകൊണ്ടാണ് ചലച്ചിത്ര രംഗത്ത് തുടക്കം. യഥാർത്ഥ പേര് കാർത്തിക എന്നാണ്.
ഉള്ളടക്കം |
[തിരുത്തുക] ജീവിതരേഖ
മലയാളചലച്ചിത്ര രംഗത്തെ അസിസ്റ്റന്റ് ഛായഗ്രാഹകനായ ജി. ബാലചന്ദ്രമേനോന്റെയും പുഷ്പയുടേയും മകളാണ് ഭാവന. 1986 ജൂൺ 6-ന് തൃശ്ശൂരിലാണ് ജനനം. സഹോദരൻ ജയദേവ് കാനഡയിൽ ജീവിക്കുന്നു.
[തിരുത്തുക] അഭിനയ ജീവിതം
പുതുമുഖങ്ങളെ വച്ച് കമൽ സംവിധാനം ചെയ്ത നമ്മൾ എന്ന ചിത്രത്തിൽ സിദ്ധാർഥ്, ജിഷ്ണു, രേണുക മേനോൻ എന്നീ പുതുമുഖങ്ങളോടൊപ്പമായിരുന്നു ഭാവനയുടെ ചലച്ചിത്രാഭിനയത്തിൻറെ തുടക്കം. താരതമ്യേനെ സാമ്പത്തികവിജയം നേടിയ ഈ ചിത്രത്തിനുശേഷം ഭാവനക്ക് ഏറെ അവസരങ്ങൾ മലയാളത്തിൽ കിട്ടി. മലയാളത്തിലെ ഒട്ടു മിക്ക മുൻ നിര നായകന്മാരുടെ കൂടെയും ഭാവന അഭിനയിച്ചിട്ടുണ്ട്. മോഹൻലാൽ, മമ്മൂട്ടി, സുരേഷ് ഗോപി, ദിലീപ്, ജയറാം, പൃഥ്വിരാജ്, കുഞ്ചാക്കോ ബോബൻ, ജയസൂര്യ എന്നിവർ ഇതിൽ പെടും.
2003ൽ വിജയമായിരുന്ന CID മൂസ, ക്രോണിക് ബാചലർ എന്നീ ചിത്രങ്ങളിലും ഭാവന അഭിനയിച്ചു. 2004-ലെ ഭാവനയുടെ ചിത്രങ്ങളായ യൂത്ത് ഫെസ്റ്റിവൽ, പറയാം, ബംഗ്ലാവിൽ ഔത, എന്നിവ പരാജയങ്ങളായിരുന്നു. 2005 ൽ വീണ്ടും ചില നല്ല ചിത്രങ്ങളായ ദൈവനാമത്തിൽ, നരൻ എന്നിവ ഭാവനക്ക് ലഭിച്ചു. ഇതിൽ ദൈവനാമത്തിൽ എന്ന സിനിമയിൽ അഭിനയിച്ചതിന് സംസഥാന സർക്കാറിന്റെ മികച്ച നടി പുരസ്കാരം ലഭിച്ചു [1] 2006 ഭാവന രണ്ട് സിനിമകളിൽ അഭിനയിച്ചു. ചിന്താമണി കൊലക്കേസ്, ചെസ്സ് എന്നിവയായിരുന്നു അവ. ഏറ്റവും ഒടുവിൽ പുറത്തുവന്നത് മോഹൻലാലിനോടൊപ്പം അഭിനയിച്ച ചോട്ട മുംബൈ ആണ്.
തമിഴിൽ ഭാവന അഭിനയിച്ച ആദ്യ സിനിമ കൂടൽ നഗർ പുറത്തിറങ്ങിയില്ല. പക്ഷേ പിന്നീട് 2007 അതു പുറത്തിറങ്ങി. ഭാവനയുടെ ആദ്യം റിലീസ് ചെയ്ത തമിഴ് സിനിമ ചിത്തിരം പേസുതെടീ ആയിരുന്നു. ഇതു തമിഴിൽ വിജയിച്ച ഒരു സിനിമയായിരുന്നു [2]. അതിനു ശേഷം തമിഴിലും തെലുങ്കിലും ധാരാളം അവസരങ്ങൾ ഭാവനക്ക് ലഭിച്ചു തുടങ്ങി.
[തിരുത്തുക] അവാർഡുകൾ
- 2002-ൽ നമ്മൾ എന്ന ചിത്രത്തിലെ അഭിനയത്തിന് കേരള സംസ്ഥാന ചലച്ചിത്രപുരസ്കാര ജൂറിയുടെ പ്രത്യേക പരാമർശം
- 2005-ൽ ദൈവനാമത്തിൽ എന്ന ചിത്രത്തിന് മികച്ച രണ്ടാമത്തെ നടിക്കുള്ള കേരള സംസ്ഥാന ചലച്ചിത്രപുരസ്കാരം
- മികച്ച പുതുമുഖ നടിക്കുള്ള മാതൃഭൂമി-മെഡിമിക്സ് അവാർഡ് - 2004
- മികച്ച നടിക്കുള്ള ഫിലിം ഫെയർ അവാർഡ് – 2006
- മികച്ച സ്വഭാവനടിക്കുള്ള ഉജാല-ഏഷ്യാനെറ്റ് അവാർഡ് – 2006
[തിരുത്തുക] അഭിനയിച്ച സിനിമകൾ
[തിരുത്തുക] തമിഴ് സിനിമകൾ
| വർഷം | പേര് | കഥാപാത്രം | അഭിനേതാക്കൾ | സംവിധാനം | കൂടുതൽ |
| 2008 | ജയംകൊണ്ടാൻ | അന്നപൂരണി | വിനയ്, ലേഖ വാഷിംഗ്ടൺ | കണ്ണൻ | |
| 2008 | വാഴ്തുംഗൽ | കായൽവിഴി | ആർ. മാധവൻ | സീമൻ | |
| 2007 | രാമേശ്വരം | വാസന്തി | ജീവ | സെൽവം | |
| 2007 | ആര്യ | ദീപിക | ആർ. മാധവൻ, തേജശ്രീ | ബാലശേഖരൻ | തെലുഗിൽ ആര്യ MBBS എന്നപേരിൽ മൊഴിമാറ്റി പുറത്തിറങ്ങി |
| 2007 | കൂടൽ നഗർ | മണിമേകലൈ | ഭരത് , സന്ധ്യ | സീനു രാമസ്വാമി | |
| 2007 | ദീപാവലി | സൂസി | ജയം രവി | എഴിൽ | |
| 2006 | വെയിൽ | മീനാക്ഷി | ഭരത്, ശ്രേയ റെഡ്ഡി | വസന്ത ബാലൻ | |
| 2006 | കിഴക്ക് കടൽക്കരൈ സാലൈ | പ്രിയ | ശ്രീകാന്ത് | എസ്.എസ്. സ്റ്റൻലി | |
| 2006 | ചിത്തിരം പേസുതടി | ചാരു | നരേൻ | മിഷ്കിൻ | ഫിലിംഫെയർ (തമിഴ്) മികച്ച നടിയുടെ പുരസ്കാരം ലഭിച്ചു. |
[തിരുത്തുക] മലയാളം സിനിമകൾ
[തിരുത്തുക] തെലുങ്ക് സിനിമകൾ
| വർഷം | സിനിമ | വേഷം | അഭിനേതാക്കൾ | സംവിധാനം | കൂടുതൽ അറിയാൻ |
| 2008 | Hero | നിതിൻ കുമാർ റെഡ്ഡി | ജി.വി. സുധാകർ | In Production | |
| 2008 | Ontari | കനക മഹാലക്ഷ്മി | Tottempudi Gopichand | B.V. Ramana |
[തിരുത്തുക] അവലംബം
[തിരുത്തുക] പുറത്തുനിന്നുള്ള കണ്ണികൾ
 |
അഭിനേതാക്കളുമായി ബന്ധപ്പെട്ട ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പ്. |
- Infobox person using deprecated parameters
- അഭിനേതാക്കൾ - അപൂർണ്ണലേഖനങ്ങൾ
- 1986-ൽ ജനിച്ചവർ
- ജൂൺ 6-ന് ജനിച്ചവർ
- മലയാളചലച്ചിത്ര നടിമാർ
- തമിഴ്ചലച്ചിത്ര നടിമാർ
- മികച്ച പുതുമുഖ നടിക്കുള്ള മാതൃഭൂമി-മെഡിമിക്സ് പുരസ്കാരം ലഭിച്ചവർ
- മികച്ച നടിക്കുള്ള ഫിലിംഫെയർ അവാർഡ് ലഭിച്ചവർ
- മികച്ച സ്വഭാവനടിക്കുള്ള ഉജാല-ഏഷ്യാനെറ്റ് പുരസ്കാരം ലഭിച്ചവർ
- തെലുഗ് ചലച്ചിത്രനടിമാർ
- മികച്ച രണ്ടാമത്തെ നടിക്കുള്ള കേരളസംസ്ഥാന ചലച്ചിത്ര പുരസ്കാരം ലഭിച്ചവർ
