ബേനസീർ ഭൂട്ടോ

വിക്കിപീഡിയ, ഒരു സ്വതന്ത്ര വിജ്ഞാനകോശം.
ബേനസീർ ഭൂട്ടോ


പദവിയിൽ
18 July 1993 – 5 November 1996
പ്രസിഡണ്ട് Wasim Sajjad and Farooq Leghari
മുൻ‌ഗാമി Moin Qureshi (Interim)
പിൻ‌ഗാമി Miraj Khalid (Interim)
പദവിയിൽ
2 December 1988 – 6 August 1990
പ്രസിഡണ്ട് Ghulam Ishaq Khan
മുൻ‌ഗാമി Muhammad Khan Junejo
പിൻ‌ഗാമി Ghulam Mustafa Jatoi

ജനനം 1953 ജൂൺ 21(1953-06-21)
പാകിസ്താൻ കറാച്ചി, പാകിസ്താൻ
മരണം 2007 ഡിസംബർ 27
റാവൽപിണ്ടി, പാകിസ്താൻ
രാഷ്ടീയകക്ഷി പാകിസ്താൻ പീപ്പിൾസ് പാർട്ടി
മതം ഷിയ ഇസ്ലാം

പാകിസ്താനിലെ പന്ത്രണ്ടാമത്തെയും (1988 ഡിസംബർ 2 – 1990 ഓഗസ്റ്റ് 6 ) പതിനാറാമത്തെയും (18 ജൂലൈ 1993 - 5 നവംബർ 1996) പ്രധാനമന്ത്രിയായിരുന്നു ബേനസീർ ഭൂട്ടോ. (ജൂൺ 21 1953-ഡിസംബർ 27 2007[1])ലോകത്തിലെ ഒരു മുസ്ലിം രാജ്യത്ത് പ്രധാനമന്ത്രിയാകുന്ന ആദ്യവനിതയെന്ന സ്ഥാനം ബേനസീറിനാണ്‌. പ്രധാനമന്ത്രിയായ രണ്ടു തവണയും അഴിമതിയാരോപണങ്ങളെത്തുടർന്ന് പ്രസിഡന്റ് പുറത്താക്കുകയായിരുന്നു. ലോകത്തിലെ ഏറ്റവും ജനപ്രീതിയുള്ള നേതാക്കളിൽ ഒരാളായാണ് അവർ കണക്കാക്കപ്പെടുന്നത്. ഹാർവാർഡ് യൂണിവേഴ്സിറ്റി, സിന്ധ് സർവകലാശാല, ഫിലിപ്പീൻസ് യുണിവേഴ്സിറ്റി, പെഷവാർ സർവകലാശാല തുടങ്ങി ഒമ്പത് സർവകലാശാലകളിൽ നിന്ന് അവർക്ക് ഹോണററിഡോക്റ്ററേറ്റുകൾ ലഭിച്ചിട്ടുണ്ട്

ജീവചരിത്രം[തിരുത്തുക]

ഇന്ത്യാ വിഭജനകാലത്ത് ഇന്ത്യയിലെ ഹരിയാനയിൽ നിന്നും പാകിസ്താനിലെ സിന്ധ് പ്രവിശ്യയിലേക്കു കുടിയേറിപ്പാർത്തവരാണ് ബേനസീറിന്റെ കുടുംബം. 1953 ൽ സിൻധ് പ്രവിശ്യയിലെ ഭൂഉടമകളുടെ കുടുംബത്തിലാണ് ബേനസീർ ഭൂട്ടോ ജനിച്ചത്. പിതാവ് സുൾഫിക്കർ അലി ഭൂട്ടോ പാകിസ്താന്റെ പ്രസിഡന്റും പ്രധാനമന്ത്രിയുമായി പ്രവർത്തിച്ചിട്ടുള്ള സമുന്നതനേതാവാണ്. അമേരിക്കയിലും ഇംഗ്ലണ്ടിലുമാണ് അവർ കോളേജ് വിദ്യാഭ്യാസം നടത്തിയത്. ഓക്സഫഡ് സർവ്വകലാശാലയില്തത്വശാസ്ത്രം, രാഷ്ട്രതന്ത്രശാസ്ത്രം, സാമ്പത്തിക ശാസ്ത്രം എന്നീവിഷയങ്ങൾ പഠിച്ചിട്ടുള്ള ബേനസീർ ഹാർവാഡ് സർവ്വകലാശാലയിൽനിന്നും ബിരുദവും നേടിയിട്ടുണ്ട്. 1977 ൽ രാജ്യത്ത് മടങ്ങിയ അവർ രാജ്യത്തിന്റെ വിദേശകാര്യ സർവീസിൽ ചേരാനാണ് ആഗ്രഹിച്ചിരുന്നത്. ബേനസീർ നാട്ടിലെത്തി ആഴ്ചകൾക്കകം ജനറൽ സിയാ ഉൾ ഹഖിന്റെ നേതൃത്വത്തിലുള്ള പട്ടാളവിഭാഗം അധികാരം പിടിച്ചെടുത്ത് ഭൂട്ടോവിനെ തടവിലാക്കി.പിതാവിനെതിരെ കൊലക്കുറ്റം ചുമത്തിയതിനെതിരെ അവർ പോരാടി. പല വട്ടം വീട്ടുതടങ്കലിലാക്കപ്പെട്ടു.

ബഹുജനരോഷം വകവെക്കാതെ 1979 എപ്രിലിൽ ഭൂട്ടോവിനെ പട്ടാളഭരണകൂടം തൂക്കിക്കൊന്നു. തുടർന്നാണ് ബേനസീർ പാകിസ്താൻ പീപ്പിൾസ് പാർട്ടിയുടെ സാരഥ്യം ഏറ്റെടുത്തത്. കൂടുതൽ ശക്തിയോടെ രാഷ്ട്റീയത്തീലിറങ്ങിയ ബേനസീറിനെ സിയാവുൾ ഹഖിന്റെ ഭരണകൂടം 1981 ൽ തടവിലാക്കുകയുമുണ്ടായി. 1984 ൽ ജയിൽ മോചിതയായ അവർ 1986 വരെ ബ്രിട്ടനിൽ കഴിഞ്ഞുകൂടി. എന്നാൽ 1988സിയാവുൾ ഹഖ് വിമാനാപകടത്തിൽ മരിച്ചതോടെ സ്ഥിതി മാറി. പൊതുതിരഞ്ഞെടുപ്പിൽ വൻവിജയം നേടിയ പാകിസ്താൻ പീപ്പ്ൾസ് പാർട്ടിയൂടെ തലപ്പത്ത് ബേനസീർ ആയിരുന്നു. അങ്ങനെ അവർ പ്രധാനമന്ത്രിയായി. അന്നവർക്ക് 35 വയസ്സേ ഉണ്ടായിരുന്നുള്ളൂ. 1990 ൽ പ്രസിഡന്റ് ഗുലാം ഇഷാഖ് ഖാൻ ബേനസീറിനെ പിരിച്ചുവിട്ടു. ഭർത്താവിനെ തടവിലാക്കി. 1993 ലെ പൊതുതിരഞ്ഞെടുപ്പിൽ പാകിസ്താൻ പീപ്പ്ൾസ് പാർട്ടിക്ക് ഭൂരിപക്ഷം കിട്ടിയില്ല. ബേനസീർ പ്രതിപക്ഷനേതാവായി. കുറെക്കാലം അവരെ നാട്ടിൽനിന്ന് പുറത്താക്കുകയും ചെയ്തു. 1993 ൽ നവാസ് ഷെറീഫിന്റെ സർക്കാറിനെ പുറത്താക്കി. തുടർന്ന് ബേനസീർ വീണ്ടും പ്രധാനമന്ത്രിയായെങ്കിൽ മൂന്നുവർഷത്തിന് ശേഷം പുറത്താക്കപ്പെട്ടു. 1998-ൽ ദുബൈയിലേക്കു പലായനം ചെയ്ത ബേനസീർ 2007 ഒക്ടോബർ വരെ അവിടെത്തുടർന്നു.

2007 ഒക്ടോബർ 18നു പ്രസിഡന്റ് പർവേസ് മുഷാറഫ് അഴിമതിക്കുറ്റങ്ങൾ പിൻ‌വലിച്ച് മാപ്പു നൽകിയതിനെത്തുടർന്ന് നാട്ടിൽ തിരിച്ചെത്തി[2]. 2007 നാട്ടിൽ തിരിച്ചെത്തിയ ബേനസീറിനെ ബേനസീറിന് നേരെ വധശ്രമം നടന്നു. കറാച്ചിയിൽ തന്നെ ലക്‌ഷ്യമാക്കി നടന്ന ചാവേർ ആക്രമണം സർക്കാരിൻറെ വീഴ്ചയാണെന്ന് മുൻ പാകിസ്താൻ പ്രധാനമന്ത്രി ബേനസീർ ഭൂട്ടോ കുറ്റപ്പെടുത്തി. എന്നാൽ 2007 നവംബർ മൂന്നിന് രാജ്യത്ത് അടിയന്തരാവസ്ഥ പ്രഖ്യാപിച്ച മുഷാറഫിനെ ബേനസീർ വിമർശിച്ചു. ആറുദിവസത്തിനുശേഷം തനിക്കെതിരെയുള്ള പ്രതിഷേധപ്രകടനങ്ങളിൽ പങ്കെടുക്കാതിരിക്കാൻ മുഷാറഫ് അവരെ വീട്ടുതടങ്കലിലാക്കി. പ്രകടനത്തിനുശേഷം വിട്ടയക്കുകയും ചെയ്തു.

കുടുംബം[തിരുത്തുക]

1987 ൽ സിന്ധിലെ ബിസിനസ്സുകാരനായ അസിഫ് അലി സർദാരി യെ വിവാഹം ചെയ്ത അവർക്ക് മുന്നുമക്കളുണ്ട് , ഒരാണും രണ്ടുപെൺമക്കളും. സർദാരി ഇപ്പോഴത്തെ പാകിസ്താൻ പ്രധാനമന്ത്രിയാണ്‌.

മരണം[തിരുത്തുക]

2007 ഡിസംബർ 27-ന്‌ വൈകീട്ട് തിരഞ്ഞെടുപ്പ് പ്രചരണത്തിനിടയിൽ ചാവേറുകളുടെ വെടിയേറ്റ് മരിച്ചു[3]. റാവൽപിണ്ടിയിൽ നടന്ന ഒരു തിരഞ്ഞെടുപ്പു പ്രചാരണ റാലിയുടെ അവസാനം കാറിലേയ്ക്കു കയറവേ കൊലയാളി ഭൂട്ടോയുടെ ശരീരത്തിലേയ്ക്കു വെടിവെയ്ക്കുകയും പിന്നീട് ആത്മഹത്യാ ബോംബ് പൊട്ടിക്കുകയുമായിരുന്നു. റാവല്പിണ്ടി ജെനറൽ ഹോസ്പിറ്റലിൽ ഡിസംബർ 27-നു വൈകുന്നേരം 6.16-നു ബേനസീർ ഭൂട്ടോ അന്തരിച്ചു.എന്നാൽ രൂഫ് തലയിളിടിച്ചതാണ് മരണകാരണമെന്ന് ഗവണ്മെന്റ് പറയുന്നു. ഇതു സ്ഥിരീകരിച്ചിട്ടില്ല .[4]

കൃതികൾ[തിരുത്തുക]

നിരവധി കൃതികൾ ബേനസീർ രചിച്ചിട്ടുണ്ട്. അവയിൽ പ്രധാനപ്പെട്ടവ താഴെപ്പറയുന്നവയാണ്‌.

  • പാകിസ്താൻ ദ ഗേതറിങ് സ്റ്റോം (1983),
  • ഹിജാ ദെ ഓറിയന്റെ (സ്പാനിഷ്),
  • ബേനസീർ ഭൂട്ടോ_ഡോട്ടർ ഓഫ് ദ ഈസ്റ്റ് ,
  • ബേനസീർ ഭൂട്ടോ_ഡോട്ടർ ഓഫ് ഡസ്റ്റിനി _ഓട്ടോബയോഗ്രഫി

അവലംബം[തിരുത്തുക]

  1. http://news.bbc.co.uk/2/hi/south_asia/7161590.stm
  2. http://iht.com/articles/2007/10/18/asia/19pakistan.php
  3. http://www.telegraph.co.uk/news/main.jhtml?xml=/news/2007/12/27/wbhutto427.xml
  4. http://www.nytimes.com/2007/12/28/world/asia/28pakistan.html?_r=1&hp&oref=slogin

പുറമെ നിന്നുള്ള കണ്ണികൾ[തിരുത്തുക]

Wikiquote-logo-en.svg
വിക്കിചൊല്ലുകളിലെ ബേനസീർ ഭൂട്ടോ എന്ന താളിൽ ഈ ലേഖനവുമായി ബന്ധപ്പെട്ട ചൊല്ലുകൾ ലഭ്യമാണ്‌:
Dated
പദവികൾ
മുൻഗാമി
Muhammad Khan Junejo
Prime Minister of Pakistan
1988–1990
പിൻഗാമി
Ghulam Mustafa Jatoi (Caretaker)
followed by Nawaz Sharif
മുൻഗാമി
Moin Qureshi (Caretaker)
Prime Minister of Pakistan
1993–1996
പിൻഗാമി
Malik Meraj Khalid (Caretaker)
followed by Nawaz Sharif
പാർട്ടിയുടെ ഗണതന്ത്ര കാര്യാലയങ്ങൾ
മുൻഗാമി
Nusrat Bhutto
Chairperson of the Pakistan Peoples Party
Acting Chairperson for Nusrat Bhutto from 1982–1984

1982–2007
പിൻഗാമി
Bilawal Bhutto Zardari
As co-chairman
പിൻഗാമി
Asif Ali Zardari
As co-chairman
Persondata
NAME Bhutto, Benazir
ALTERNATIVE NAMES بینظیر بھٹو
SHORT DESCRIPTION 12th & 16th Prime Minister of Pakistan
DATE OF BIRTH 21 June 1953
PLACE OF BIRTH Karachi, Pakistan
DATE OF DEATH 27 December 2007
PLACE OF DEATH Rawalpindi, Pakistan
"http://ml.wikipedia.org/w/index.php?title=ബേനസീർ_ഭൂട്ടോ&oldid=1787143" എന്ന താളിൽനിന്നു ശേഖരിച്ചത്