ബിൽ ഗേറ്റ്സ്

ഇംഗ്ലീഷ് വിലാസം

http://ml.wikipedia.org/wiki/Bill_Gates

വില്യം ഹെൻ‌റി ഗേറ്റ്സ് III
ജനനം	1955 ഒക്ടോബർ 28 (1955-10-28) സിയാറ്റിൽ, വാഷിങ്ടൺ, യു.എസ്.ഏ
ഉദ്യോഗം	മൈക്രോസോഫ്റ്റ് ചെയർമാൻ ബിൽ & മെലിൻഡ ഗേറ്റ്സ് ഫൗണ്ടേഷൻ കോ-ചെയർമാൻ
മൊത്തം ആസ്തി	US$59 billion (2007)
ജീവിത പങ്കാളി	മെലിൻഡ ഗേറ്റ്സ് (1994-ഇതുവരെ)
മക്കൾ	മൂന്ന്
വെബ് ഇടം
മൈക്രോസോഫ്റ്റ് കോർപ്പറേഷൻ ബിൽ & മെലിൻഡ ഗേറ്റ്സ് ഫൗണ്ടേഷൻ

ബിൽ ഗേറ്റ്സ് എന്നറിയപ്പെടുന്ന വില്യം ഹെൻ‌റി ഗേറ്റ്സ് III (William Henry Gates III) (ജനനം: 28 ഒക്ടോബർ 1955) പേഴ്സണൽ കമ്പ്യൂട്ടർ വിപ്ലവത്തിന് തുടക്കം കുറിക്കുകയും അതിന്റെ വളർച്ചയിൽ അവിഭാജ്യഘടകമാകുകയും ചെയത മൈക്രോസോഫ്റ്റ് എന്ന വിഖ്യാത സോഫ്റ്റ്വെയർ കമ്പനിയുടെ സ്ഥാപകനാണ്. ഗേറ്റ്സും പോൾ അല്ലനും കൂടി സ്ഥാപിച്ച മൈക്രോസോഫ്റ്റ് എന്ന കമ്പനി ആൾട്ടയർ 8800 കമ്പ്യൂട്ടറുകൾക്ക് വേണ്ടിയും ആപ്പിൾ കമ്പ്യൂട്ടറുകൾക്ക് വേണ്ടിയും ആപ്ലിക്കേഷനുകൾ വികസിപ്പിക്കുകയുണ്ടായി.വിൻഡോസിലൂടെ മൈക്രോ സോഫ്റ്റും ബിൽ ഗേറ്റ്സും പ്രശസ്തിയാർജിച്ചു.

ചെറുപ്പകാലം

അമേരിക്കയിലെ സിയാറ്റിലിൽ ഹെൻ‌റി ഗേറ്റ്സ് സീനിയർ, മേരി മാക്സ്‌വെൽ എന്നിവർക്കു ജനിച്ചു. പിതാവ് ഒരു വക്കീൽ ആയിരുന്നു. മാതാവ് , ഫസ്റ്റ് ഇന്റർസ്റ്റേറ്റ് ബാങ്ക് സിസ്റ്റം, യുണൈറ്റെഡ് വേ എന്നിവയിൽ ഡയറക്ടർ ബോർഡിൽ അംഗം ആയിരുന്നു. മേരിയുടെ പിതാവ് ജെ.ഡബ്ല്യു മാക്സ്‌വെൽ ഒരു നാഷനൽ ബാങ്കിന്റെ പ്രസിഡറ്റ് ആയിരുന്നു. ബിൽ ഗേറ്റ്സിനെ ഒരു വക്കീൽ ആക്കുവാൻ ആയിരുന്നു അവർക്ക് ആഗ്രഹം.

13- വയസിൽ അദ്ദേഹം ലേക്‌സൈഡ് സ്കൂളിൽ ചേർന്നു. ഗ്രേഡ് 8-ൽ ആയിരുന്നപ്പോൾ സ്കൂളിലെ മദേഴ്സ് ക്ലബ് ഒരു എ.എസ്.ആർ ടെലിടൈപ് ടെർമിനലും ഒരു ജി.ഇ കംപ്യൂട്ടർ ഉപയോഗിക്കാനുള്ള ടൈം സ്ലോട്ടും വാങ്ങി. ഗേറ്റ്സ് പ്രോഗ്രാമിങ്ങിൽ താല്പര്യം കാണിക്കയും ജീ. ഈ. സിസ്റ്റത്തിൽ ബേസിക് നന്നായി ചെയ്യുകയും ചെയ്തു. ആയതിനാൽ ഗണിതശാസ്ത്രം ക്ലാസുകളിൽ നിന്നും ഒഴിവാക്കിയിരുന്നു, അദ്ദേഹത്തിന്റെ താല്പര്യം മാനിച്ച്,കൃത്യമായി ജോലി ചെയ്തിരുന്ന ആ യന്ത്രം അദ്ദേഹത്തിന് ഒരത്ഭുതം തന്നെ ആയിരുന്നു.

മദേഴ്സ് ക്ലബ് സംഭാവനകൾ മുഴുവൻ തീർന്നപ്പോൾ ‌ഗേറ്റ്സ്, പോൾ അലൻ, റിക് വീലന്ദ്, കെന്റ് ഇവാൻസ് എന്നിവർ ഡി.ഇ.സി. കമ്പനിയുടെ പി.ഡി.പി മിനി കമ്പ്യൂട്ടർ പോലെയുള്ള കമ്പ്യൂട്ടർ തേടുകയും ചെയ്തു. കമ്പ്യൂട്ടർ സെന്റർ കോർപ്പറേഷന്റെ ഒരു പി.ഡി.പി-10 കമ്പ്യൂട്ടറിലെ ഓപറേറ്റിംഗ് സിസ്റ്റത്തിൽ തകരാറുകൾ മുതലെടുത്ത്, അനുവദിച്ചതിലും കൂടുതൽ കമ്പ്യൂട്ടർ സമയം ചിലവഴിച്ചതിനാൽ, ഒരു വേനൽ കാലം മുഴുവൻ കമ്പ്യൂട്ടർ ഉപയോഗിക്കുന്നതിൽ നിന്നും വിലക്കി.

വിലക്ക് ഒഴിവാക്കപ്പെട്ടപ്പോൾ നാലു വിദ്യാർത്ഥികളും സി.സി.സി യുടെ സോഫ്റ്റ്വയറിലെ തകരാരുകൾ കണ്ടുപിടിച്ചു തരാം എന്നു ഒരു ഓഫർ കൊടുത്തു. ഗേറ്റ്സ് നേരിട്ട് സി.സി.സി. ആഫീസിൽ പോകുകയും അവിടെ ഉപയോഗിക്കുന്ന സോഫ്റ്റ്വയർ സോഴ്സ് കോഡ് എല്ലം പഠിക്കുകയും ചെയ്തു. ഇതു 1970 വരെയും തുടർന്നു. അടുത്ത വർഷം ഇൻഫൊർമെഷൻ സയൻസ് ഇൻ‍കോർപ്പറേറ്റഡ് ഈ നാലു വിദ്യർത്ഥികളെയും കോബൊൾ ഭാഷയിൽ, ഒരു പേ-റോൾ പ്രോഗ്രം എഴുതുവാൻ സമീപീച്ചു. പ്രതിഫലം ആയി കമ്പ്യൂട്ടർ സമയം, റോയൽറ്റി എന്നിവ വാഗ്ദാനം ചെയ്തു. സ്കൂൾ ജീവനക്കാർക്ക് ഗേറ്റ്സിന്റെ പ്രൊഗ്രാമിങ് കഴിവുകൾ മനസ്സിലായി. അദ്ദേഹം ക്ലാസിൽ വിദ്യാർത്ഥി‍കളെ ഷെഡ്യൂൾ ചെയ്യാൻ ഒരു പ്രോഗ്രാം എഴുതി. തന്നെ കൂടുതൽ പെൺകുട്ടികൾ ഉള്ള ക്ലാസിൽ ഉൾപ്പെടുത്തുന്ന രീതിയിൽ അദ്ദേഹം പ്രൊഗ്രാമിൽ വ്യതിയാനങ്ങൾ വരുത്തി. 17- ആം വയസിൽ അദ്ദേഹം പോൾ അലനുമായി ചേർന്ന്, ഇന്റൽ 8000 പ്രോസ്സസർ കേന്ദ്രികരിച്ചു ട്രാഫ്-ഒ- ഡാറ്റ എന്ന പേരിൽ ഒരു ട്രാഫിക് കൗണ്ടർ‍ സിസ്റ്റം ആവിഷ്കരിച്ചു. 1973-ൽ അദ്ദേഹം യു.എസ്. ഹൗസ് ഒഫ് റെപ്രസെന്റാറ്റീവിന്റെ കോൺഗ്രെഷനൽ പേജ് ആയി സേവിച്ചു.

1973-ൽ അദ്ദേഹം ലേക്‌സൈഡ് സ്കൂളിൽ നിന്നും ബിരുദം നേടി. അദ്ദേഹം സാറ്റ് പരീക്ഷയിൽ(SAT), 1600-ൽ 1590 മാർക്ക് നേടി ; തുടർന്ന് ഹാർവാർഡ് കോളജിൽ ചേർന്നു. ഹാർവാർഡിൽ അദ്ദേഹം ഭാവി ബിസിനസ് പാർട്ടനർ സ്റ്റീവ് ബാമരെ കണ്ടുമുട്ടി (പിന്നീട് ഗേറ്റ്സ് ഇദ്ദേഹത്തെ മൈക്രോസോഫ്ട് സി.ഇ.ഒ ആയി നിയമിച്ചു). കമ്പ്യൂട്ടർ ശാസ്ത്രജനയ ക്രിസ്റ്റോസ് പാപാദിമിത്രെയൊയെയും ഹാർവാർഡിൽ വച്ചാണ്‌ ഗേറ്റ്സ് പരിചയപ്പെട്ടത്. പ്രത്യേക ലക്ഷ്യം ഒന്നും അദ്ദേഹത്തിനു ഇല്ലായിരുന്നു. അധികസമയവും അദ്ദേഹം സ്കൂളിന്റെ കമ്പ്യൂട്ടറിൽ ചിലവഴിച്ചു.

ബിൽ ഗേറ്റ്സ് അപ്പോളും പോൾ അലനുമായി ഉള്ള സുഹൃത്‌ബന്ധം നില നിർത്തിയിരുന്നു. ഇവർ പിന്നീട് ഹണിവെല്ലിൽ വച്ചു 1974-ൽ കണ്ടുമുട്ടി. അടുത്ത വർഷം,ഇന്റൽ 8080 സി.പി.യു അടിസ്ഥാനമാക്കി പ്രവർത്തിക്കുന്ന മിറ്റ്സ് (മൈക്രോ ഇൻസ്റ്റ്റുമെന്റേഷൻ ഏൻഡ് ടെലിമെട്രി സിസ്റ്റംസ് )ആൾട്ടെയർ 8800 പുറത്തു വന്നു. ഗേറ്റ്സും അലനും ഇത് ഒരു സൊഫ്റ്റ്വയർ കമ്പനി തുടങ്ങാനുള്ള അവസരമായി കണ്ടു. ഈ തീരുമാനം മാതാപിതാക്കളെ അദ്ദേഹം അറിയിച്ചു, അവരും ഇതിനു അനുകൂലം ആയിരുന്നു.

മൈക്രൊസോഫ്റ്റ്

ബേസിക്

പോപുലർ ഇലക്ട്രോണിക്സിന്റെ ജനുവരി 1975-ലെ‍ ലക്കത്തിൽ ഗേറ്റ്സ് ആൾട്ടെയർ 8800-നെ പറ്റി ഒരു ലേഖനം കണ്ടു. അദ്ദേഹം കമ്പ്യൂട്ടർ നിർമാതക്കളായ മിറ്റ്സുമായി (മൈക്രോ ഇൻസ്റ്റ്റുമെന്റേഷൻ ഏൻഡ് ടെലിമെട്രി സിസ്റ്റംസ് ) ബന്ധപെട്ടു, ഞങ്ങൾ ഇപ്പോൾ ഈ പ്ലാറ്റ്ഫോമിനായി ഒരു ബേസിക് ഇറ്റർപ്രെട്ടർ നിർമ്മിക്കുന്നു എന്നു അറിയിച്ചു. ആ സമയത്തു ഇരുവരുടെയും കൈയിൽ ആൾട്ടെയർ കമ്പ്യൂട്ടർ ഇല്ലായിരുന്നു. ബേസിക് കോഡും അവർ എഴുതയിരുന്നില്ല. മിറ്റ്സ് കമ്പനിയുടെ പ്രസിഡണ്ടായിരുന്ന എഡ് റോബർട്ടസ് അവരെ ഒരു ഡിമോൺ‍സ്ട്രഷനായി ക്ഷണിച്ചു. എതാനും ആഴ്ച്ച കൊണ്ട് അവർ ഒരു മിനികമ്പ്യൂട്ടറിൽ ഓടുന്ന ഒരു ആൾട്ടെയർ എമുലേറ്റർ വികസിപ്പിച്ചു, പിന്നെ ഒരു ബേസിക് ഇറ്റർപ്രട്ടറും. ആൽബുക്കർക്കിയിലെ മിറ്റ്സ് ആസ്ഥാനത്തു നടന്ന ഡിമോൻസ്ട്രഷൻ ഒരു വിജയമായിരുന്നു ,അവരുടെ ഇറ്റർപ്രെട്ടർ‍ ആൾട്ടെയർ ബേസിക്ക് എന്ന നാമത്തിൽ വിതരണം ചെയ്യാൻ കരാർ ആയി. അതിന്റെ ഫലമായി പോൾ അലന്റെ സേവനം മിറ്റ്സ് കടമെടുത്തു. ഗേറ്റ്സ് ഹാർവാർഡിൽ നിന്നും അവധി എടുത്ത് പോൾ അലനൊപ്പം ചേർന്നു, 1975 നവംബറിൽ അവർ മൈക്രോ-സോഫ്റ്റ് (Micro-Soft) എന്ന നാമത്തിൽ ആൽബുക്കർക്കിയിൽ ഒരു ഓഫീസ് തുടങ്ങി. ഒരു വർഷത്തിനകം, "മൈക്രോ-സോഫ്റ്റ്" ലെ "-" മാറ്റി. 1975-നവംബർ 26ന്‌‍ 'ട്രേഡ് നെയിം' "മൈക്രോസോഫ്റ്റ്" ന്യൂ മെക്സിക്കോ സംസ്ഥാനത്തിലെ സ്റ്റേറ്റ് സെക്രട്ടറിയുടെ കാര്യാലയത്തിൽ രജിസ്റ്റർ ചെയ്തു.

കമ്പ്യൂട്ടർ ഹോബിയിസ്റ്റുകൾക്കിടയിൽ മൈക്രൊസൊഫ്റ്റിന്റെ ബേസിക് വളരെ പ്രശസ്തമായിരുന്നു. ഇതിന്റെ ഒരു വ്യാജ കോപ്പി മാർക്കറ്റിൽ പരക്കെ ഉപയോഗിക്കപ്പെടുന്നു എന്നു ബിൽ ഗേറ്റ്സ് മനസ്സിലാക്കി. ഫെബ്രുവരി 1976-ൽ അദ്ദേഹം ഹോബിയിസ്റ്റുകൾക്ക് മിറ്റ്സ് ന്യുസ് ലെറ്ററിൽ ഒരു തുറന്ന കത്ത് എഴുതി - "പ്രതിഫലം ഇല്ലാതെ ഉയർന്ന നിലവാരം ഉള്ള സോഫ്റ്റ്വയർ നിർമ്മിക്കുവാനും,വിതരണം ചെയ്യാനും മിറ്റ്സിനു കഴിയില്ല." മിക്കവാറും ഹോബിയിസ്റ്റുകളുടെ അസംതൃപ്തിക്ക് ഇത് ഇടയാക്കിയെങ്കിലും സോഫ്റ്റ്വയർ ഡെവലപ്പർമാർ പ്രതിഫലം വാങ്ങുക തന്നെ വേണം എന്ന വിശ്വാസം അദ്ദേഹത്തിന്റെ ഉള്ളിൽ ബലപ്പെട്ടു. 1976-ൽ മൈക്രൊസോഫ്റ്റ് എം.ഐ.ടി.എസ്-ൽ നിന്നും സ്വതന്ത്രമായി, പല പ്രൊഗ്രാമിംഗ് ഭാഷാ സോഫ്റ്റ്വയറുകളും നിർമ്മിക്കുന്നത് തുടർന്നു. 1979 ജനുവരി 1-നു കമ്പനി ആസ്ഥാനം ആൽബുക്കർക്കിയിൽ നിന്നും വാഷിങ്ടണിലെ ബെല്ലിവ് (Bellevue), എന്ന സ്ഥലത്തേക്കു മാറ്റി. ആദ്യകാലങ്ങളിൽ എല്ലാ ജീവനക്കാർക്കും കമ്പനി ബിസിനസിൽ വലിയ ഉത്തരവാദിത്വം ഉണ്ടാ‍യിരുന്നു. ആദ്യ 5 വർഷത്തിൽ എഴുതപ്പെട്ട മുഴുവൻ കോഡിന്റെയും ഓരൊ വരിയും ഗേറ്റ്സ് പരിശോധിക്കയും ഉചിതമെന്നു തോന്നുന്ന രീതിയിൽ മാറ്റി എഴുതുകയും ചെയ്തു.

ഐ.ബി.എമ്മുമായുള്ള പങ്കാളിത്തം

ഐ.ബി.എം. 1980-ൽ പുതിയതായി പുറത്തിറക്കാൻ പോകുന്ന പേഴ്സനൽ കംപ്യൂട്ടറിൽ ഉൾപ്പെടുത്താനായി ,ഒരു ബേസിക് ഇറ്റർപ്രെട്ടർ എഴുതുവാനായി, ബിൽ ഗേറ്റ്സിനെ സമീപിച്ചു. ഐ.ബി.എം. വക്താക്കൾ ഒരു ഓപ്പറേറ്റിങ് സിസ്റ്റം വേണമെന്ന ആവശ്യം ഉന്നയിച്ചപ്പോൾ, ഗേറ്റ്സ് അവരെ ഡിജിറ്റൽ റിസർച്ചിനെപ്പറ്റി (ഡി.ആർ.ഐ.)അറിയിച്ചു. ഡി.ആർ.ഐ-യുടെ സി.പി/എം(CP/M) ഓപ്പറെറ്റിങ് സിസ്റ്റം ആ സമയതത് പര‍ക്കെ ഉപയോഗിക്കപ്പെട്ടിരുന്നു. ഐ.ബി.എമും ഡി.ആർ.ഐ യും തമ്മിലുള്ള ചർച്ച പരാജയപ്പെട്ടു. തുടർന്നു ഐ.ബി.എം വക്താവായ ജാക്ക് സാംസ്, ഗേറ്റ്സിനെ സമീപിച്ച് ലൈസൻസിങ്ങ് ഉടമ്പ‍ടി സമ്പന്ധമായ പ്രശ്നത്തെപ്പറ്റി അറിയിക്കുകയും ആയതിനാൽ നല്ല ഒരു ഒ.എസ്. എത്തിച്ചു തരണം എന്ന് അഭ്യർത്ഥിക്കുകയും ചെയ്തു. എതാനും ആഴ്ചകൾക്കു ശേഷം, സിയാറ്റിൽ കമ്പ്യൂട്ടർ പ്രൊഡക്സിലെ ടിം പാറ്റെർസ്ൺ, പി.സി. തുല്യമായ ഹാർഡ്‌വെയറിനായി നിർമ്മിച്ച 86-ഡോസ് (ക്യു-ഡോസ്) ഓപ്പറേറ്റിങ് സിസ്റ്റവുമായി ഗേറ്റ്സ്, ഐ.ബി. എം.-നെ സമീപിച്ചു. മൈക്രൊസൊഫ്റ്റ് എസ്.സി.പി-യുമായി തൽക്കാലത്തേയ്ക്ക് ഒരു ലൈസൻസിങ് എജന്റ് ആകുവാനും, തുടർന്നു പൂർണ്ണ ഉടമസ്ഥാവകാശം കൈമാറ്റം ചെയ്യുവാനും‍ ഒരു ഉടമ്പടി ഉണ്ടാക്കി, പി.സി-യിൽ ഉപയോഗിക്കേണ്ട വിധത്തിൽ അതിനെ രൂപപ്പെടുത്തിയെടുത്തശേഷം, അവർ ഒറ്റ തവണ ഫീ ആയ $50,000-ന്‌ അതു ഐ.ബി.എമ്മി-നു അയച്ചു കൊടുത്തു. മറ്റു ഹാർഡ്‌വെയർ നിർമ്മതാക്കൾ, പേഴ്സനൽ കംപ്യൂട്ടർ ക്ലോണിങ്ങ് നടത്തി ഉപയോഗിക്കാൻ ശ്രമിക്കുമെന്നത്തിനാൽ, പകർപ്പവകാശം അദ്ദേഹം കൈമാറ്റം ചെയ്യവാൻ ശ്രമിച്ചില്ല. ആയതിനാൽ എം.എസ്-ഡോസിന്റെ വൻ വില്പ്പന, മൈക്രൊസൊഫ്റ്റിനെ, പേഴ്സനൽ കംപ്യൂട്ടർ സോഫ്റ്റ്‌വെയർ മാർക്കറ്റിലെ ഒരു വലിയ ഘടകം ആക്കി മാറ്റി.

വിൻഡോസ്

മൈക്രോസോഫ്റ്റിന്റെ പുനരുദ്ധാരണം 1981, ജുൺ 25-നു നടന്നു, വാഷിങ്ടണിൽ ഇൻകോർപ്പറേറ്റ് ചെയ്ത്, ബിൽ ഗേറ്റ്സ് പ്രസിഡന്റും, ബോർഡ് ചെയർമാനുമായി സ്ഥാനം എറ്റെടുത്തു. 1985 നവംബർ 20-ന്‌ മൈക്രോസോഫ്റ്റ് വിൻഡോസ് പുറത്തിറക്കി. ഐ.ബി.എമ്മുമായി ചേർന്ന് ഓ ഏസ് 2 എന്ന ഓപറേറ്റിംഗ് സിസ്റ്റം പുറത്തിറക്കി, ഓ ഏസ് 2 തുടക്കത്തിൽ നല്ല വിജയമായിരുന്നെങ്കിലും ഐ.ബി.എമ്മുമായുള്ള അഭിപ്രായവ്യത്യാസങ്ങളാൽ 1991 മേയ് 16-ന്‌ മൈക്രോസോഫ്റ്റ് ഈ സം‌രംഭത്തിൽനിന്നും പിന്മാറി വിൻഡോസ് എൻ.ടിയിൽ ശ്രദ്ധ കേന്ദ്രീകരിക്കാൻ തീരുമാനിച്ചു.

ഇവയും കാണുക

• വിവരസാങ്കേതികരംഗത്തെ പ്രശസ്തരുടെ പട്ടിക