ബിരിയാണിക്കൈത

വിക്കിപീഡിയ, ഒരു സ്വതന്ത്ര വിജ്ഞാനകോശം.
ബിരിയാണിക്കൈത
Pandan (screwpine) leaves.JPG
ശാസ്ത്രീയ വർഗ്ഗീകരണം
സാമ്രാജ്യം: Plantae
(unranked): Angiosperms
(unranked): Monocots
നിര: Pandanales
കുടുംബം: Pandanaceae
ജനുസ്സ്: Pandanus
വർഗ്ഗം: P. amaryllifolius
ശാസ്ത്രീയ നാമം
Pandanus amaryllifolius
Roxb.

ബിരിയാണിയടക്കമുള്ള ഭക്ഷണപദാർത്ഥങ്ങൾക്ക് ഗന്ധം നൽകാൻ ഉപയോഗിക്കുന്ന ഒരു സസ്യമാണ് ബിരിയാണിക്കൈത അഥവാ രംഭ. ശാസ്ത്രനാമം പൻഡാനസ് അമാരില്ലി ഫോളിയസ്(Pandanus Amaryllifolius). പൂക്കൈത അഥവാ തഴയുടെ ഒരു അലങ്കാരരൂപമാണ് ഈ ചെടി. തഴയുടെ ഇലയുടെ വശങ്ങളിൽ ധാരാളം മുള്ളുകളുണ്ടെങ്കിൽ, ബിരിയാണിക്കൈതയിൽ ഈ മുള്ളുകൾ ഉണ്ടാകാറില്ല. എല്ലാ വശങ്ങളിലേക്കും വീതി കുറഞ്ഞ നീളമുള്ള ഇലകൾ കാണുവാൻ ഭംഗി ഉള്ളതിനാൽ അലങ്കാരച്ചെടിയായി ഉപയോഗിക്കുന്നു. മൊളുക്കാസ് ദ്വീപാണ് ഈ ചെടിയുടെ സ്വദേശം. ഇതിൽ പൂക്കളുണ്ടാകാറില്ല. പൂർണ്ണ വളർച്ചയെത്തിയ ഒരു ചെടി അഞ്ച് അടി വരെ ഉയരം വയ്ക്കും. ആസറ്റൈൽ പൈറോളിൻ എന്ന രാസവസ്തുവാണ് ഇതിന് ഗന്ധം നൽകുന്നത്. ഇലയുടെ അടിയിൽ കാണുന്ന സൂഷ്മനാരുകളിലാണ് ഈ രാസവസ്തു സൂഷിച്ചിരിക്കുന്നത്. ഇല വെയിലത്ത് ഉണക്കുകയോ, വെള്ളത്തിലിട്ട് തിളപ്പിക്കുകയോ ചെയ്യുമ്പോളാണ് ബിരിയാണിയുടെ ഗന്ധം പുറത്തു വരിക.[1]

ചോറ്റോല

സാധാരണ തയ്യാറാക്കാറുള്ള ചോറിൽ ഈ ഇലയിടുന്നതോടെ പ്രത്യേകം രുചി കൈവരുന്നതു കൊണ്ട് മലബാറിൽ ചോറ്റോല എന്ന പേരിലാണിതറിയപ്പെടുന്നത്.

അവലംബം[തിരുത്തുക]

  1. 2010 ഒക്ടോബർ 6 - ന് മനോരമ ദിനപ്പത്രത്തിൽ കാർഷികരംഗത്തിൽ വന്ന ലേഖനത്തെ ആസ്പദമാക്കി

'രംഭ':ഇലക്കറികളിലെ മോഹിനി വമ്പൻ ഗുണമുള്ള രംഭയില

"http://ml.wikipedia.org/w/index.php?title=ബിരിയാണിക്കൈത&oldid=1813693" എന്ന താളിൽനിന്നു ശേഖരിച്ചത്