ബാച്ചിലർ ഓഫ് കൊമേഴ്സ്

വിക്കിപീഡിയ, ഒരു സ്വതന്ത്ര വിജ്ഞാനകോശം.

കൊമേഴ്സും അനുബന്ധ വിഷയങ്ങളും ഉൾപ്പെട്ട ഒരു ബിരുദ കോഴ്സാണ് ബാച്ചിലർ ഓഫ് കൊമേഴ്സ് അഥവാ ബി.കോം. ചില സ്ഥലങ്ങളിൽ ബാച്ചിലർ ഓഫ് കൊമേഴ്സ് ആൻഡ് അഡ്മിനിസ്ട്രേഷൻ എന്നും ഈ കോഴ്സ് അറിയപ്പെടാറുണ്ട്. കോമൺവെൽത്ത് രാജ്യങ്ങളിൽ വളരെയധികം പ്രചാരത്തിലുള്ള ഒരു കോഴ്സാണിത്. യു.കെ.യിൽ ഈ ഡിഗ്രി കോഴ്സ് ലഭ്യമല്ല.

ദൈർഘ്യം[തിരുത്തുക]

വിവിധ രാജ്യങ്ങളിൽ ഈ കോഴ്സിന്റെ ദൈർഘ്യത്തിൽ വ്യത്യാസമുണ്ട്. ഓസ്ട്രേലിയ, ന്യൂസിലാൻഡ്, ഇന്ത്യ, ദക്ഷിണാഫ്രിക്ക മുതലായ രാജ്യങ്ങളിൽ 3 വർഷമാണ് ബി.കോം കോഴ്സിന്റെ ദൈർഘ്യം. കാനഡ, അയർലന്റ് തുടങ്ങിയ രാജ്യങ്ങളിൽ 4 വർഷവും, പാകിസ്താനിൽ 2 വർഷവുമാണ് ഈ കോഴ്സിന്റെ ദൈർഘ്യം.

തുടർപഠനം[തിരുത്തുക]

ബി.കോം ബിരുദധാരികൾ എം.കോം, എം.ബി.എ., മാസ്റ്റർ ഓഫ് ഫിനാൻസ്, മാസ്റ്റർ ഓഫ് അക്കൗണ്ടിംഗ് തുടങ്ങിയ ബിരുദാനന്തര ബിരുദ കോഴ്സുകളോ, സി.എ., സി.എം.എ., സി.പി.എ., സി.ജി.എ. മുതലായ പ്രൊഫഷണൽ അക്കൗണ്ടിംഗ് കോഴ്സുകളോ ആണ് സാധാരണയായി തിരഞ്ഞെടുക്കാറുള്ളത്.

കേരളത്തിൽ[തിരുത്തുക]

കേരളത്തിലെ സർവകലാശാലകൾ എല്ലാം സെമസ്റ്റർ സമ്പ്രദായത്തിലാണ് ബി.കോം കോഴ്സുകൾ നടത്തുന്നത്. കേരളത്തിൽ വളരെയധികം ഡിമാൻഡുള്ള കോഴ്സാണ് ബി.കോം

"http://ml.wikipedia.org/w/index.php?title=ബാച്ചിലർ_ഓഫ്_കൊമേഴ്സ്&oldid=1882971" എന്ന താളിൽനിന്നു ശേഖരിച്ചത്