ഫോബോസ് പദ്ധതി
| ഫോബോസ് 2 | |
|---|---|
 ഫോബോസ് ബഹിരാകാശ പേടകം, ചിത്രകാരന്റെ ഭാവനയിൽ. |
|
| സംഘടന | IKI |
| Mission type | ഭ്രമണ പേടകം |
| Satellite of | ചൊവ്വ |
| Orbital insertion date | ജനുവരി 29, 1989 |
| വിക്ഷേപണ ദിവസം | ജൂലായ് 12, 1988 |
| വിക്ഷേപണ വാഹനം | പ്രോടോൻ-കെ റോക്കറ്റ് |
| NSSDC ID | 1988-059A |
| വെബ് പേജ് | ഫോബോസ് പദ്ധതി |
| ഭാരം | 2600 കി.ഗ്ര. (6220 കി.ഗ്ര. ഭ്രമണ പഥത്തിൽ എത്തിക്കാനാവശ്യമായ ഉപകരണങ്ങളും ചേർത്ത്) |
ചൊവ്വയെ പറ്റിയും അതിന്റെ ഉപഗ്രഹങ്ങളായ ഫോബോസ്, ഡീമോസ് എന്നിവയെപ്പറ്റിയും പഠിക്കാൻ 1988-ൽ സോവിയറ്റ് യൂണിയൻ രണ്ടു മനുഷ്യരഹിത ബഹിരാകാശപേടകങ്ങളെ അയക്കുകയുണ്ടായി. ഈ പദ്ധതിയാണ് ഫോബോസ് പദ്ധതി. ഫോബോസ് 2 ചൊവ്വയുടെ ഭ്രമണ പേടകമാവുകയും ചൊവ്വയുടെ 40 മീറ്റർ സൂക്ഷ്മതയുള്ള 38 ചിത്രങ്ങൾ ഭൂമിയിലേക്ക് അയക്കുകയും ചെയ്തു. പദ്ധതിയിലെ രണ്ടു പേടകങ്ങൾക്കും നിർണായകമായ തകരാർ സംഭവിച്ചതോടെ ഫോബോസ് പദ്ധതിക്ക് അന്ത്യമായി.
1975 മുതൽ 1985 വരെ നീണ്ടുനിന്ന വെനേറ എന്ന പദ്ധതിക്ക് ശേഷം പുതിയ രൂപകല്പ്പനയോടെ നിർമ്മിച്ച പേടകങ്ങളായിരുന്നു ഫോബോസ് 1, ഫോബോസ് 2 എന്നിവ. 1988, ജൂലായ് 7ന് ഫോബോസ് 1-ഉം, 1988 ജൂലായ് 12ന് ഫോബോസ് 2-ഉം വിക്ഷേപിച്ചു. പ്രോട്ടോൻ-കെ എന്ന റോക്കറ്റ് ആണ് വിക്ഷേപണത്തിന് ഉപയോഗിച്ചത്. ഓരോ പേടകത്തിനും 2600 കിലോഗ്രാം പിണ്ഡമുണ്ടായിരുന്നു.
സ്വീഡൻ, സ്വിറ്റ്സർലൻഡ് , ഓസ്ട്രിയ, ഫ്രാൻസ്, പശ്ചിമജർമ്മനി, അമേരിക്കൻ ഐക്യനാടുകൾ എന്നീ 14 രാഷ്ട്രങ്ങളുമായുള്ള സഹകരണത്തോടെയാണ് സോവിയറ്റ് യൂണിയൻ ഈ പദ്ധതി ആവിഷ്കരിച്ചത്.
|
|||||||||||||||||||||||||||||||||||||||||||||||
