ഫെഡെറികോ ഫെല്ലിനി
| ഫെഡെറികോ ഫെല്ലിനി | |
|---|---|
 |
|
| ജനനം | 1920 ജനുവരി 20 റിമിനി, ഇറ്റലി |
| മരണം | 1993 ഒക്ടോബർ 31 (പ്രായം 73) റോം, ഇറ്റലി |
| സജീവം | (1945 - ഫെല്ലിനിയുടെ മരണം വരെ) |
| ജീവിത പങ്കാളി | ഗിലിയെറ്റ മസിന (1943 - 1994) |
ഓസ്കാർ ജേതാവായ ഇറ്റാലിയൻ ചലച്ചിത്രസംവിധായകനായിരുന്നു ഫെഡെറികോ ഫെല്ലിനി (ജനുവരി 20, 1920 - ഒക്ടോബർ 31, 1993). ഇരുപതാം നൂറ്റാണ്ടിലെ ഏറ്റവും സ്വാധീനശക്തിയുണ്ടായിരുന്ന സംവിധായകരിലൊരാളായി പരിഗണിക്കപ്പെടുന്നു.
[തിരുത്തുക] ജീവിതരേഖ
1920 ജനുവരി 20 ന് ഇറ്റലിയിലെ റിമിനിയിൽ ജനിച്ചു. ചലച്ചിത്രജീവിതത്തിലെ ആദ്യകാലത്ത് തിരക്കഥകൾ എഴുതുകയായിരുന്നു ജോലി. 1943-ൽ നടിയായ ഗിലിയെറ്റ മസിനയെ വിവാഹം ചെയ്തു. ഫെല്ലിനിയുടെ മരണം വരെ ഇവർ വിവാഹിതരായിരുന്നു. Rome, Open City എന്ന ചലച്ചിത്രത്തിന്റെ തിരക്കഥയ്ക്ക് 1947-ൽ ആദ്യത്തെ ഓസ്കാർ നാമനിർദ്ദേശം ലഭിച്ചു.
ആൽബർട്ടോ ലാറ്റുവാഡയുമായിച്ചേർന്ന് 1950-ൽ സംവിധാനം ചെയ്ത Luci del varietà എന്ന ചിത്രവുമായാണ് സംവിധാനരംഗത്തേക്ക് കടന്നുവന്നത്. Lo sceicco bianco ആണ് ഒറ്റയ്ക്ക് സംവിധാനം ചെയ്ത ആദ്യത്തെ ചിത്രം. 1951-ലായിരുന്നു ഇത്. ആദ്യസിനിമകൾ സാമ്പത്തികമായും നിരൂപകരുടെ അടുത്തും പരാജയമായിരുന്നു.
1953-ൽ പുറത്തിറങ്ങിയ I Vitelloni എന്ന ചിത്രമാണ് സാമ്പത്തികമായി വിജയം കണ്ട ആദ്യ ചിത്രം. ഇത് നിരൂപകശ്രദ്ധയും പിടിച്ചുപറ്റി. 1954-ലെ La Strada എന്ന ചിത്രം മികച്ച വൈദേശികഭാഷാചിത്രത്തിനുള്ള ഓസ്കാർ നേടി. ഫെല്ലിനിയുടെ ആദ്യത്തെ ഓസ്കാറായിരുന്നു ഇത്. ഇതിനുശേഷം Le notti di Cabiria (1957), Otto e Mezzo (1963), Amarcord (1973) എന്നീ ഫെല്ലിനി ചിത്രങ്ങളും ഈ പുരസ്കാരം നേടി.
1993-ൽ ചലച്ചിത്രത്തിനുള്ള സമഗ്രസംഭാവനകൾക്കുള്ള ഓസ്കാർ ഫെല്ലിനിക്ക് ലഭിച്ചു. അതേ വർഷം ഒക്ടോബർ 31ന് ശ്വാസകോശകാൻസർ ബാധിച്ച് അന്തരിച്ചു.
[തിരുത്തുക] പുറം കണ്ണികൾ
 |
ജീവചരിത്രവുമായി ബന്ധപ്പെട്ട ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. |
