മലയാളം: ദ്രാവകരൂപത്തിലോ ഖരരൂപത്തിലോ ഉള്ള വസ്തുക്കൾ കോരിയെടുക്കാനും അളക്കാനും ഉപയോഗിക്കുന്ന ഒരു ഗൃഹോപകരണമാണ് കരണ്ടി. (ഇംഗ്ലീഷ്: Spoon (സ്പൂൺ)). വിവിധതരവും വലിപ്പത്തിലുമുള്ള കരണ്ടികൾ ഉണ്ട്. ആദ്യകാലത്ത് മരം കൊണ്ടായിരുന്നു ഉണ്ടാക്കിയതെങ്ങിലും ഇപ്പോൾ പ്ലാസ്റ്റിക്, സ്റ്റീൽ, വെള്ളി അങ്ങനെ പലതരം ലോഹങ്ങൾ കൊണ്ടും ഉണ്ടാക്കുന്നു. കേരളത്തിൽ ചിരട്ടകൾ ഉപയോഗിച്ചും കരണ്ടികൾ ഉണ്ടാക്കാറുണ്ട്.

ചിലയിടങ്ങളിൽ കൈല് / തവി എന്നും പറയാറുണ്ട്. ചോറ് വിളമ്പാൻ ഉപയോഗിക്കുന്ന കരണ്ടിയെ അന്നം തട്ടി എന്നും പറയുന്നു.

പാചകക്കുറിപ്പുകളിൽ വിവിധ ചേരുവകകൾ അളക്കുന്നതിന് കരണ്ടി അളവുകൾ പൊതുവായി ഉപയോഗിച്ചുവരുന്നു. കരണ്ടികളുടെ വലിപ്പത്തിനനുസരിച്ചുള്ള പേരുകളിലാണ് ഓരോ കരണ്ടിയും അറിയപ്പെടുക.