പോൾ ഹെയ്സ്

ഇംഗ്ലീഷ് വിലാസം

http://ml.wikipedia.org/wiki/Paul_Heyse

പോൾ ജൊഹാൻ ലുഡ്‌വിഗ് വോൺ ഹെയ്സെ
Portrait of Paul Heyse, by Adolph von Menzel
ജനനം	1830 മാർച്ച് 15(1830-03-15) Berlin, Germany
മരണം	1914 ഏപ്രിൽ 2(1914-04-02) (പ്രായം 84) Munich, Germany
ദേശീയത	German
പ്രധാന പുരസ്കാരങ്ങൾ	Nobel Prize in Literature 1910

1910-ൽ സാഹിത്യത്തിനുള്ള നോബൽ സമ്മാനം നേടിയ ജർമൻ നാടകകൃത്താണ് പോൾ ഹെയ്സ് (ജനനം:1830 മാർച്ച് 15 - മരണം:1914 ഏപ്രിൽ 2). ചരിത്രനാടകങ്ങളും കഥയും നോവലുമടക്കം ഇരുനൂറ്റമ്പതോളം കൃതികൾ രചിച്ചിട്ടുണ്ട്. ഹാൻസ്‌ലാങ്, മഗ്‌ദലയിലെ മേരി, സബയിൽ സ്ത്രീകൾ എന്നിവയാണ് പ്രധാന നാടകങ്ങൾ.

ഫ്രഞ്ച്, ഇറ്റാലിയന്‍, സ്പാനിഷ് ഭാഷകളിൽ പ്രാവീണ്യമുണ്ടായിരുന്ന പോൾ ഹെയ്സ് പല രാജ്യങ്ങളിലും സഞ്ചരിച്ചിട്ടുണ്ട്. ജീവിതത്തിലെ ദുരിതപൂർണമായ അനുഭവങ്ങൾ അദ്ദേഹത്തിന്റെ രചനകളിൽ പ്രതിഫലിച്ചിട്ടുണ്ട്. മനുഷ്യജീവിതത്തിന്റെ വൈചിത്ര്യങ്ങളും വിധിയുടെ സ്വച്ഛന്ദ വ്യാപാരങ്ങളും ലളിതസുന്ദരമായ ശൈലിയിൽ പകർത്തുന്നവയാണ് ഹെയ്സിന്റെ കൃതികൾ. പുരുഷന്മാരേക്കാളേറെ സ്ത്രീകൾ കഥാപാത്രങ്ങളായി കടന്നു വരുന്ന ഹെയ്സിന്റെ കൃതികളിൽ നാച്ചുറലിസ്റ്റിക് സങ്കേതമാണ് അവലംബിച്ചിട്ടുള്ളത്.