പോയിന്റർ
വിക്കിപീഡിയ, ഒരു സ്വതന്ത്ര വിജ്ഞാനകോശം.
കമ്പ്യൂട്ടർ സയൻസിൽ ഉപയോഗിക്കുന്ന ഒരു ഡാറ്റാ ടൈപ്പാണ് പോയിന്ററുകൾ. ഇവയിൽ ഒരു മെമ്മറി സ്ഥാനത്തിന്റെ വിലാസമായിരിക്കും ഡാറ്റയായി സംഭരിച്ചു വയ്ക്കുക. ഇതിനെ റെഫറൻസ് എന്നു പറയും. ഇത് പോയിന്റ് ചെയ്യുന്ന സ്ഥാനത്തെ മൂല്യം എടുക്കുന്നതിനെ ഡീറെഫറൻസിങ്ങ് ഈ എന്നും പറയും. ലിങ്ക് ലിസ്റ്റ്, ട്രീകൾ, ലുക്കപ്പ് പട്ടികകൾ, കണ്ട്രോൾ പട്ടികകൾ എന്നിവയ്ക്കാണ് ഇവ പ്രധാനമായും ഉപയോഗിക്കുന്നത്. പോയിന്റർ ഉപയോഗിച്ച് ഒരു ഡാറ്റ എടുക്കുമ്പോൾ അതിന്റെ പകർപ്പെടുത്ത് നൽകുന്നതിനു പകരം നിയന്ത്രണം ആ മെമ്മറിസ്ഥാനത്തിലേക്ക് കൈമാറുകയാണ് ചെയ്യുന്നത്. ഇത് വേഗത കൂട്ടുമെങ്കിലും ഡാറ്റയുടെ സുരക്ഷിതത്വം കുറയ്ക്കും.
