പി.സി. കുറുമ്പ

ഇംഗ്ലീഷ് വിലാസം

https://ml.wikipedia.org/wiki/P._C._Kurumba

പി സി കുറുമ്പ
വ്യക്തിഗത വിവരങ്ങൾ
ജനനം	1911 പുല്ലൂർ, ഇരിഞ്ഞാലക്കുട, തൃശ്ശൂർ ജില്ല, കേരളം
മരണം	ഏപ്രീൽ 2, 2013
രാഷ്ട്രീയ കക്ഷി	സി.പി.ഐ
പങ്കാളി	ചാത്തൻ
വസതിs	പുല്ലൂർ, ഇരിഞ്ഞാലക്കുട, തൃശ്ശൂർ ജില്ല

കേരളത്തിലെ ഒരു സാമൂഹ്യപരിഷ്‌കർത്താവും രാഷ്ട്രീയ പ്രവർത്തകയും സ്വാതന്ത്ര്യസമരസേനാനിയുമായിരുന്നു പി.സി. കുറുമ്പ കേരള നവോത്ഥാന സമരങ്ങളുടെ ചരിത്രത്തിലെ സുപ്രധാനമായ കുട്ടൻകുളം സമരത്തിന്റെ നായികയായിരുന്നു.

ജീവിതരേഖ

ഇരിഞ്ഞാലക്കുടയിലെ പുല്ലൂർ ഗ്രാമത്തിലെ കർഷകത്തൊഴിലാളികളായ പാറപ്പുറത്തുവീട്ടിൽ ചാത്തന്റെയും കാളിയുടെയും മകളാണ് പി.സി. കുറുമ്പ എന്ന കുറുമ്പക്കുട്ടി. സമുദായ ആചാരമനുസരിച്ച് 15 വയസ്സായപ്പോഴേക്കും ചാത്തനുമായുള്ള വിവാഹം നടന്നു. 2013 ഏപ്രീൽ 2-നു് മരിച്ചു.

രാഷ്ട്രീയ ജീവിതം

ചെറുപ്പം മുതലേ കർഷകസമരങ്ങളിൽ സജീവമായി പങ്കെടുത്തിരുന്നു. ഭർത്താവായ ചാത്തന്റെ ബന്ധുവായ കെ.കെ. അയ്യപ്പന്റെ സഹായത്തോടെ കമ്മ്യൂണിസ്റ്റ് പ്രസ്ഥാനവുമായി ബന്ധപ്പെട്ടു് പ്രവർത്തനമാരംഭിച്ചു.

കുട്ടൻകുളം സമരം

ഇരിഞ്ഞാലക്കുട കൂടൽമാണിക്യക്ഷേത്രത്തിന് മുന്നിലുള്ള കുട്ടൻകുളത്തിന്റെ മതിലിനപ്പുറത്തേക്ക് താഴ്ന്ന ജാതിക്കാർക്ക് പ്രവേശനമില്ലായിരുന്നു. ഇതിനെതിരെ കമ്മ്യൂണിസ്റ്റ് പാർട്ടിയും എസ്.എൻ.ഡി.പി.യും പുലയ മഹാസഭയും ഒന്നിച്ച് നടത്തിയ പ്രക്ഷോഭമാണ് കുട്ടൻകുളം സമരം. കുറുമ്പയുടെ നേതൃത്ത്വത്തിലാണ് ഈ സമരം നടന്നത്. 1946 ജൂലായ് 6നായിരുന്നു സമരം.

പങ്കെടുത്ത സമരങ്ങൾ

• കുട്ടൻകുളം സമരം
• 1948-ലെ പരിയാരം സമരം
• പാലിയം സത്യാഗ്രഹം
• നടവരമ്പ്‌ കർഷകസമരം

അധിക വായനയ്ക്ക്

• സമരപഥങ്ങളിലെ പെൺപെരുമ - എ കൃഷ്ണകുമാരി, സമത ബുക്ക്സ്, തൃശൂർ