പന്നിമൂക്കൻ തവള

വിക്കിപീഡിയ, ഒരു സ്വതന്ത്ര വിജ്ഞാനകോശം.
പന്നിമൂക്കൻ തവള, പാതാള തവള [1]
പരിപാലന സ്ഥിതി
ശാസ്ത്രീയ വർഗ്ഗീകരണം
സാമ്രാജ്യം: Animalia
ഫൈലം: Chordata
ക്ലാസ്സ്‌: ഉഭയജീവികൾ
നിര: അനുറാ
കുടുംബം: Sooglossidae
ജനുസ്സ്: Nasikabatrachus
Biju & Bossuyt, 2003
വർഗ്ഗം: N. sahyadrensis
ശാസ്ത്രീയ നാമം
Nasikabatrachus sahyadrensis
Biju & Bossuyt, 2003
ഇവയെ കാണപ്പെടുന്ന പ്രദേശങ്ങൾ (ഓറഞ്ചു നിറത്തിൽ)

സഹ്യപർവ്വതനിരകളിൽ മാത്രം കാണപ്പെടുന്ന ഒരിനം തവളയാണ്‌ പന്നിമൂക്കൻ തവള (ശാസ്ത്രീയനാമം:നാസികാ ബത്രക്കസ് സഹ്യാദ്രിയെൻസിസ് - Nasikabatrachus sahyadrensis). ഇംഗിഷ് പേര് പർപ്പിൾ ഫ്രോഗ് അഥവാ പിഗ് നോസ്ഡ് ഫ്രോഗ്. പാതാള തവള (പാതാൾ) എന്നും കുറവൻ എന്നും അറിയപ്പെടുന്ന, സൂഓഗ്ലോസ്സിഡായെ(Sooglossidae) കുടുംബത്തിൽപ്പെടുന്ന ഇവ ജീവിച്ചിരിക്കുന്ന ഫോസിൽ ആയി കണക്കാക്കപ്പെടുന്നു. പാതാളിന്റെ ബന്ധുക്കൾ മഡഗാസ്കറിലും സെഷെയ്ൽസ് ദ്വീപുകളിലുമാണ് ഉള്ളത്. 2003 ഒക്ടോബർ മാസത്തിൽ ട്രോപ്പികൽ ബൊട്ടാണിക്കൽ റിസച്ച് ഇൻസ്റ്റിറ്റ്യൂട്ടിലെ(പാലോട്, തിരുവനന്തപുരം) എസ്.ഡി. ബിജു, ബ്രസ്സൽസ് ഫ്രീ യൂണിവേർസിറ്റിയിലെ ഫ്രാങ്കി ബൊസ്സൂയിട്ട് എന്നിവർ ഇടുക്കി ജില്ലയിലാണ്‌ ഇതിനെ കണ്ടെത്തിയത്. പിന്നീടു കോതമംഗലം, എരുമേലി, പാലക്കാട് സൈലന്റ് വാലി, തൃശൂരിലെ പട്ടിക്കാട്, തമിഴ്നാട്ടിൽ ആനമലയിലെ ശങ്കരൻകുടി തുടങ്ങിയ സ്ഥലങ്ങളിലും കണ്ടെത്തി. അടുത്ത കാലത്തായി 2012 ഡിസമ്പറിൽ തൃശൂറിൽ വെച്ചും കണ്ടെത്തി.

പേരിനു പിന്നിൽ[തിരുത്തുക]

സംസ്കൃത വാക്കായ നാസിക, ഗ്രീക്ക് പദമായ തവള എന്നർഥമുള്ള ബത്രക്കസ്, ഇവയെ കണ്ടുവരുന്ന സഹ്യാദ്രി എന്നീ പദങ്ങളിൽനിന്നാണ്‌ നാസികാ ബത്രക്കസ് സഹ്യാദ്രിയെൻസിസ് എന്ന ശാസ്ത്രീയനാമം നിർമ്മിച്ചത്. നേരത്തെ നാസികാബത്രക്കായെ കുടുംബത്തിലാണ്‌ ഇവയെ ഉൾപ്പെടുത്തിയിരുന്നതെങ്കിലും, പിന്നീട് ഇവ സെയ്‌ഷെൽസ് ദ്വീപുകളിൽ കണ്ടുവരുന്ന സൂഓഗ്ലോസ്സിഡായെ കുടുംബത്തിൽപ്പെടുന്നവയാണെന്ന് തിരിച്ചറിഞ്ഞു. 10 കോടിയോളം വർഷങ്ങൾക്കുമുൻപേ ഇന്ത്യയും സെയ്‌ഷെൽസും ഗോണ്ട്വാന വൻകരയുടെ ഭാഗമായപ്പോൾ ഉരുത്തിരിഞ്ഞവയാണ്‌ ഈ തവളകളെന്ന് കരുതപ്പെടുന്നു. [2]

വിവരണം[തിരുത്തുക]

പ്രായപൂർത്തിയായാൽ ഇവയ്ക്ക് കടും പാടലവർണ്ണമായിരിക്കും. ഏകദേശം 7 സെന്റിമീറ്റർ വരെ നീളമുള്ള ഇവ മണ്ണിനടിയിലാണ്‌ ജീവിതത്തിന്റെ മുഖ്യഭാഗവും ചിലവഴിക്കുന്നത്,മണ്ണിനടിയിലുള്ള ചിതലുകളാണ്‌ മുഖ്യാഹാരം. എന്നാൽ മൺസൂൺ കാലത്ത് പ്രത്യുല്പാദനസമയത്ത്മാത്രം രണ്ടാഴ്ചയോളം അവ പുറത്തേക്ക് വരുന്നു. [3]

അവലംബം[തിരുത്തുക]

  1. http://www.epathram.com/green/info/2009/05/blog-post.shtml
  2. Frost, Darrel R. 2006. Amphibian Species of the World: an online reference. Version 4.0 (17 August 2006). Electronic Database accessible at http://research.amnh.org/herpetology/amphibia/index.php. American Museum of Natural History, New York, USA.
  3. C. Radhakrishnan, K. C. Gopi and Muhamed Jafer Palot (2007) Extension of range of distribution of Nasikabatrachus sahyadrensis Biju & Bossuyt (Amphibia: Anura: Nasikabatrachidae) along Western Ghats, with some insights into its bionomics. Current Science, 92(2):213-216 PDF

പുറത്തേക്കുള്ള കണ്ണികൾ[തിരുത്തുക]

"http://ml.wikipedia.org/w/index.php?title=പന്നിമൂക്കൻ_തവള&oldid=1970569" എന്ന താളിൽനിന്നു ശേഖരിച്ചത്