പട്ടം

വിക്കിപീഡിയ, ഒരു സ്വതന്ത്ര വിജ്ഞാനകോശം.
തിരുവനന്തപുരത്തുള്ള പട്ടം എന്ന സ്ഥലത്തെക്കുറിച്ചറിയാൻ, ദയവായി പട്ടം, തിരുവനന്തപുരം ജില്ല കാണുക.
വാനത്തിൽ പറക്കുന്ന ഒരു പട്ടം

കാറ്റിന്റെ ശക്തികൊണ്ട് പറക്കുന്ന ഒരു വസ്തുവാണ് പട്ടം. ഇംഗ്ലീഷിൽ Kite എന്ന് അറിയപ്പെടുന്നു.

ചരിത്രം[തിരുത്തുക]

Woodcut print of a kite from John Bate's 1635 book, The Mysteryes of Nature and Art in which the kite is titled How to make fire Drakes

എഴുതപ്പെട്ട ചരിത്രം അനുസരിച്ച് ബി.സി.200ൽ ചൈനയിൽ പട്ടം നിർമ്മിച്ചിരുന്നതായി വിവരമുണ്ട്. ഒരു പക്ഷെ അകലെയുള്ളവർക്ക് അടയാളം നൽകാനായിരിക്കും പട്ടം ഉപ്യോഗിച്ചിട്ടുണ്ടാവുക. മുമ്പ് തുണിയും മരവും ഉപ്യോഗിച്ചാണ് പട്ടം ഉണ്ടാക്കിയിരുന്നത്. എ.ഡി 100ൽ കടലാസ് കണ്ടുപിടിച്ച ശേഷം കടലാസും ഉപ്യോഗിച്ചു തുടങ്ങി. പട്ടം ചൈനയിൽ നിന്ന് ജപ്പാൻ, കൊറിയ, മ്യാന്മാർ, മലയേഷ്യ എന്നിവിടങ്ങളിലേക്ക് വ്യപിച്ചു. ഇപ്പോഴും ഇവിടങ്ങളിൽ പ്രാദേശിക സംസ്കാരത്തിന്റെ ഭാഗമായി പട്ടം പറത്തലിന് പ്രാധാന്യമൂണ്ട്. പിന്നീട് ഇന്തോനേഷ്യ, ഭാരതം, പസ്ഫിക് ദ്വീപുകൾ എന്നിവിടങ്ങളിലേക്കും സാവധാനം അറബിരാജ്യങ്ങളിലേക്കും അവിടെ നിന്ന് വടക്കേ അമേരിക്കയിലേകും യൂറോപ്പിലേക്കും വ്യാപിച്ചു. എ.ഡി 1430ൽ പട്ടത്തിനെ പറ്റി യൂറോപ്പിൽ എഴുതപ്പെട്ട വിവരങ്ങളുണ്ട്. ‘’മിസ്റ്ററീസ് ഓഫ് നേച്വർ ആന്റ് ആർട്ട്’‘ എന്ന് ജോൺ ബേറ്റ് 1654 ൽ എഴുതിയ പുസ്തകമാണ്, ഇംഗ്ലീഷിൽ പട്ടം ഉണ്ടാക്കുന്നതിനെ പറ്റിയുള്ള ആദ്യത്തെ പുസ്തകം. പതിനെട്ടാം നൂറ്റാണ്ടിൽ ഗ്ലാസ്ഗൊ സർവകലാശാലയിലെ അലക്സാണ്ടർ വിത്സനും തോമാസ് മെൽ‌വില്ലെയുംകൂടി പട്ടത്തിൽ തെർമോമീറ്റർ പിടിപ്പിച്ച് വായുവിന്റെ ചൂട് അളക്കാൻ ഉപ്യോഗിച്ചിരുന്നു. 1830കളിലും 1840കളിലും കാലാവസ്ഥാ പഠനത്തിനുപയോഗിച്ചിരുന്നു. അത് ഇരുപതാം നൂറ്റാണ്ടിന്റെ പകുതിവരെ, കാലാവസ്ഥ ബലൂണുകളും കാലാവസ്ഥ ഉപഗ്രഹങ്ങലും ഉപയോഗിക്കുന്നതുവരെ തുടർന്നു.

Boys flying a kite. Engraving published in Germany in 1828 by Johann Michael Voltz

എയറോഡൈനാമിക്സിന്റെ കോണിലൂടെ നോക്കിയാൽ പ്രധാന ഉപയോക്താക്കൾ ‘’‘റൈറ്റ് സഹോദരന്മാ‘’‘രാണെന്ന് കാണാം.1899 മുതൽ അവർ ചിറകടിച്ച് പറക്കാവുന്ന വിമാനങ്ങളെ പറ്റിയുള്ള തത്വങ്ങൾ വികസിപ്പിക്കാൻ ശ്രമിച്ചിരുന്നു. അവരുടെ ആശയം ശരിയാണോയെന്ന് പരിശോധിക്കാൻ അവർ മനുഷ്യർക്ക് പ്രവർത്തിപ്പിക്കാവുന്ന പട്ട്ങ്ങളുണ്ടാക്കിയിരുന്നു. 1900 മുതൽ 1903 വരെ അവർ വടക്കെ കരോലിനയിലെ കിറ്റി ഹോക്കിൽ മനുഷ്യരില്ലാത്ത ഗ്ലൈഡറുകൾ പറത്തിയിരുന്നു. ഈ പരീക്ഷണങ്ങളൂടേ ആവസാനത്തിൽ 1903ൽ വിമാനം പറത്തുകതന്നെ ചെയ്തു. 3000 വർഷങ്ങൾക്ക് മുമ്പ് ചൈനയിൽ മുളയും പട്ടും ഉപ്യോഗിച്ച് പട്ടം. പറത്തിയിരുന്നു. 1800കളുടെ അവസനം മനുഷ്യരെ കയറ്റിയ പട്ടങ്ങൾ ഉപ്യോഗിച്ച് അകലെയുള്ള ശത്രുക്കളെ നിരീക്ഷിക്കാനും സൈന്യം പട്ടം ഉപയോഗിച്ചിരുന്നു.

വിവിധ തരം[തിരുത്തുക]

ഒരുപാടുതരം പട്ടങ്ങളും അനുബന്ധ ഉപകരങ്ങളും വാങ്ങാൻ കിട്ടുന്നുണ്ട്. നമുക്കു തന്നെ പട്ടം രൂപകല്പന ചെയ്യാനും നിർമ്മിക്കാനും പറ്റും. പട്ടങ്ങൾ പല രൂപത്തിലും പേരുകളിലും ഉണ്ടെങ്കിലും അവയ്ക്ക് ഏക രൂപമില്ല. ഒരേ രൂപത്തിലുള്ള പട്ടത്തിന് പല സ്ഥലങ്ങളിലും പല പേരുകളാണ് പറയുന്നത്.

ഒരു ചരടുള്ളവയും രണ്ടും നാലും ചരടുള്ളവയുമുണ്ട്.

കാലാവസ്ഥ ഉപകരണങ്ങളെ വഹിച്ചുകൊണ്ടുപോകുന്നവയും, ഉപഗ്രഹങ്ങളെ ഭൂമിയിലെത്തിക്കാൻ ഉപയോഗിക്കുന്നവയുമുണ്ട്. പട്ടത്തിന്റെ രൂപത്തിലുള്ള മാറ്റം പത്തൊമ്പതാം നൂറ്റാണ്ടിന്റെ അവസാനത്തിലാണ് തുടങ്ങിയത്. ജപ്പാൻ രൂപത്തിന്റെ ചുവടുപിടിച്ച് 1891ൽ വില്യം.എ.എഡ്ഡി ഡയമണ്ട് ആകൃതിയിലുള്ള പട്ടം ഉണ്ടാക്കി. അതിന് വാലുണ്ടായിരുന്നില്ല. 1893ൽ ലോറൻസ് ഹാർഗ്രവെ, പെട്ടിപോലുള്ള പട്ടം ഉണ്ടക്കുകയുണ്ടായി. രണ്ടറ്റവും തുറന്ന രണ്ടോ അതിലധികമോ പെട്ടികളെ ഒരു മരത്തിന്റെ ചട്ടക്കൂടിലുറപ്പിച്ച, വാലില്ലാത്തതാണ് ആ പട്ടവും. ഈ രണ്ടു രൂപങ്ങളും ഇപ്പോഴും ഉപയോഗിക്കുന്നുണ്ട്. പുതിയ ഒരുതരം പട്ടത്തിന് ഗെർട്രൂഡ്, ഫ്രാൻസിസ് രൊഗെല്ലൊ എന്നിവർ നവംബർ1948ൽ പേറ്റന്റിന് അപേക്ഷിക്കുകയും മാർച്ച് 1851ൽ പേറ്റന്റ്‌ ലഭിക്കുകയുമുണ്ടായി. അത് ‘’ഫ്ലെക്സിബിൾ കൈറ്റ്’‘’‘ എന്നാണ് പേര്. ഇന്നത് പാര-വിങ്ങ് എന്ന് അറിയപ്പെടുന്നു. പാര-വിങ്ങിനോടടുത്ത രൂപകല്പനയാണ് പാരച്യൂട്ടിന്റേയും ഹാങ്ങ് ഗ്ലൈഡറുകളുടേയും.

പ്രയോഗിക്കുന്ന ബലങ്ങൾ[തിരുത്തുക]

പട്ടങ്ങൾ പലരൂപത്തിലുള്ളവയാണെങ്കിൽ തന്നെ അവയിൽ പ്രയോഗിക്കപ്പെടുന്ന ബലം ഒന്നുതന്നെയാണ്. ‘’‘ത്രസ്റ്റി’‘’നെ ഒഴിവാക്കിയാൽ വിമനങ്ങളിലും പട്ടത്തിലും പ്രയോഗിക്കപ്പെടുന്ന ബലം ‘’‘എയറൊഡൈനാമിക് ശക്തി‘’‘യാണ്. വിമാനങ്ങളെപോലെ പട്ടങ്ങൾ വായുവിനേക്കാളും ഭാരമുള്ളവയാണ്. വായു ബലൂണുകൾ വായുവിനേക്കളും ഭാരം കുറഞ്ഞവയാണ്. വിമാങ്ങളെപ്പോലെ പട്ടങ്ങൾക്കും ബലമുള്ള പ്ലാസ്റ്റിക്കോ മരമോകൊണ്ടുണ്ടാക്കിയ ചട്ടക്കൂട് ഉണ്ട്. പട്ടങ്ങളുടെ ഭാരത്തിനെ മറികടക്കാനുള്ള ഉയർത്തൽ ബലം (lift) കിട്ടിന്നതിന് ചട്ടക്കൂടിനുമേൽ കടലാസ്, പ്ലാസ്റ്റിക്, തുണി പോലുള്ള സാധനങ്ങൾ കൊണ്ടുള്ള പാളി പിടിപ്പിച്ചിരിക്കും. പട്ടങ്ങൾ പറ്റാവുന്നത്ര ഭാരം കുറഞ്ഞവയും എന്നാൽ അവയിൽ പ്രയോഗിക്കുന്ന ബൽത്തിൽ പിടിച്ചുനിൽക്കാവുന്നവയുമായിരിക്കണം. കമ്പ്യൂട്ടരിലെ സോഫ്റ്റ്‌വെയറുകൾ ഉപയോഗിച്ച് ഇത് നോക്കാവുന്നവയുമാണ്.

പറത്തൽ[തിരുത്തുക]

പട്ടത്തിൽ പ്രയോഗിക്കുന്ന ബലങ്ങൾ ഒന്നാണെങ്കിലും ഒരോ പട്ടവും പറക്കുന്നതു് വ്യത്യസ്ത രീതിയിലാണ്. പല നിയന്ത്രണചരടുകളുള്ള പട്ടങ്ങളുണ്ട്. കാറ്റ് നമ്മുടെ പുറകിൽനിന്ന് വീശുന്ന പോലെയാണ് പട്ടം പറത്താൻ നിൽക്കേണ്ടത്. ഒരു കൈയിൽ പട്ടവും മറ്റേ കൈയിൽ ചരടും പിടിക്കണം. പട്ടം പതുക്കെ ആട്ടിക്കൊടുക്കുക. ആവശ്യത്തിന് കാറ്റുണ്ടെങ്കിൽ പട്ടം പറന്നു തുടങ്ങും. അപ്പോൾ ചരട് അയച്ചു കൊടുക്കണം.

കാറ്റ് ശക്തമല്ലാത്തപ്പോൾ ഒരു വടി ഉപയോഗിച്ച് പട്ടം ഉയർത്തിപ്പിടിച്ച് ചരറ്റുപയോഗിച്ച് ഓടിയാൽ കാറ്റ് ഉള്ളപോലെ പട്ടം പറന്നു തുടങ്ങും. പട്ടത്തിന്റെ മുൻഭാഗം താഴേയ്ക്കാണ് ചരിവെങ്കിൽ ചരട് അയച്ചുകൊടുക്കുകയോ പട്ടം പിറ്റിച്ചയാൾ പട്ടത്തിനടുത്തേയ്ക്ക് നീങ്ങുകയോ വേണം. അല്ലെങ്കിൽ പട്ടം നിലത്തെത്തും.

സുരക്ഷ[തിരുത്തുക]

  • വൈദ്യുതി കമ്പികൾക്കാടുത്ത് പട്ടം പറത്തരുത്.
  • ഇടിമിന്നലുള്ളപ്പോൾ പട്ടം പറത്തരുത്.
  • മരങ്ങൾക്കടുത്ത് പറത്തിയാൽ അവ മരത്തിൽ ചുറ്റിപ്പിടിച്ചേക്കാം.

അവലംബം[തിരുത്തുക]

പുറത്തേയ്ക്കുള്ള കണ്ണികൾ[തിരുത്തുക]

Wiktionary-logo-ml.svg
പട്ടം എന്ന വാക്കിനർത്ഥം മലയാളം വിക്കി നിഘണ്ടുവിൽ കാണുക
വിക്കിപാഠശാല
വിക്കിമീഡിയ വിക്കിപാഠശാലയിൽ ഈ ലേഖനവുമായി ബന്ധപ്പെട്ട

പരിശീലനക്കുറിപ്പുകൾ Adventist_Youth_Honors_Answer_Book/Recreation/Kites എന്ന താളിൽ ലഭ്യമാണ്

"http://ml.wikipedia.org/w/index.php?title=പട്ടം&oldid=1938774" എന്ന താളിൽനിന്നു ശേഖരിച്ചത്