പടിഞ്ഞാറന് സത്രപര്
വിക്കിപീഡിയ, ഒരു സ്വതന്ത്ര വിജ്ഞാനകോശം.
പടിഞ്ഞാറന് സത്രപര്, അഥവാ പടിഞ്ഞാറന് ക്ഷത്രപര് (35-405) മദ്ധ്യ ഇന്ത്യയും പടിഞ്ഞാറേ ഇന്ത്യയും ഭരിച്ചിരുന്ന ശകരാജാക്കന്മാരായിരുന്നു. സൌരാഷ്ട, മാള്വ, ഇന്നത്തെ ഗുജറാത്ത്, മഹാരാഷ്ട്ര, രാജസ്ഥാന്, മധ്യപ്രദേശ് എന്നിവ ആയിരുന്നു സത്രപരുടെ ഭരണപ്രദേശം. "എറിത്രിയന് കടലിലെ പെരിപ്ലിസ്" എന്ന അപരനാമത്തില് അറിയപ്പെട്ട ഒരു സഞ്ചാരിയുടെ വാക്യങ്ങള് അനുസരിച്ച് ഈ രാജ്യം അര്യാക്ക എന്ന് അറിയപ്പെട്ടിരുന്നു.
ഇന്തോ-സിഥിയരുടെ പിന്തുടര്ച്ചക്കാരായിരുന്നു പടിഞ്ഞാറന് സത്രപര്. ഇന്ത്യാ ഉപഭൂഖണ്ഡത്തിന്റെ വടക്കുഭാഗം ഭരിച്ചിരുന്ന കുശരും മദ്ധ്യ ഇന്ത്യ ഭരിച്ചിരുന്ന ശാതവാഹനരും ഇവര്ക്ക് സമകാലീനരായിരുന്നു. കുശസാമ്രാജ്യത്തിനു കീഴില് മഥുരയിലെ പ്രദേശങ്ങള് ഭരിച്ചിരുന്ന രജുവുള, "മഹാസത്രപന്" എന്ന് വിശേഷിപ്പിച്ചിരുന്ന ഖരപല്ലന, വനസ്പര തുടങ്ങിയ വടക്കേ ഇന്തോ-സിഥിയന് സത്രപരില് നിന്ന് വേര്തിരിച്ച് അറിയുന്നതിനാണ് പടിഞ്ഞാറന് സത്രപര് എന്ന പദം ഉപയോഗിക്കുന്നത്.
350 വര്ഷത്തെ കാലയളവില് 27 സത്രപ രാജാക്കന്മാര് ഉണ്ടായിരുന്നു. ക്ഷത്രപന് എന്ന വാക്കിന്റെ പേര്ഷ്യന് തത്തുല്യ പദം ഒരു പ്രദേശത്തിന്റെ ഗവര്ണ്ണര്, അല്ലെങ്കില് വൈസ്രോയ് എന്ന് അര്ത്ഥമുള്ള ക്ഷത്രപവന് വാക്കാണ്.
| ഇന്ത്യയിലെ മദ്ധ്യകാല സാമ്രാജ്യങ്ങള് | ||||||||||||
| സമയരേഖ: | വടക്കന് സാമ്രാജ്യങ്ങള് | തെക്കന് സാമ്രാജ്യങ്ങള് | വടക്കുപടിഞ്ഞാറന് സാമ്രാജ്യങ്ങള് | |||||||||
|---|---|---|---|---|---|---|---|---|---|---|---|---|
|
ക്രി.മു. 6-ആം നൂറ്റാണ്ട് |
|
|
(പേര്ഷ്യന് ഭരണം)
|
|||||||||
