പങ്കജ് ഉദാസ്
| Pankaj Udhas പങ്കജ് ഉദാസ് |
|
|---|---|
 |
|
| ജനനം | മേയ് 17, 1951 ജെറ്റ്പൂർ,ഗുജറാത്ത്, ഇന്ത്യ |
| തൊഴിൽ | ഗസൽ ഗായകൻ |
| വെബ്സൈറ്റ് | |
| വെബ്സൈറ്റ് | |
ഭാരതത്തിലെ പ്രശസ്തനായ ഗസൽ ഗായകനാണ് പങ്കജ് ഉദാസ് (ജനനം:17 മെയ് 1951).
ഉറുദു കവികളുടെ വരികൾ തന്റെ വേറിട്ട ഗാനാലാപന ശൈലികൊണ്ട് ശ്രദ്ധേയമാക്കിയ അദ്ദേഹം രാജ്യത്തിലെ സംഗീതാസ്വാദകരുടെ അംഗീകാരം നേടിയെടുത്തു. "നാം"(1986) എന്ന ചിത്രത്തിലെ "ചിട്ടി ആയി ഹേ വതൻ" എന്ന ഹിറ്റ് ഗാനത്തിലൂടെയാണ് പങ്കജ് ഉദാസ് പ്രസിദ്ധനായത്. ശരാശരി നിലവാരം മാത്രമുണ്ടായിരുന്ന ഈ ചിത്രത്തിന്റെ വൻ വിജയത്തിന് അദ്ദേഹത്തിന്റെ ഗാനം നിമിത്തമാവുകയായിരുന്നു. ഇതിന് ശേഷം നിരവധി ആൽബങ്ങൾ അദ്ദേഹത്തിന്റേതായി ഇറങ്ങി. എന്നുമീ സ്വരം എന്ന മലയാള ആൽബത്തിൽ അനൂപ് ജലോട്ടക്കൊപ്പം പാടിയിട്ടുണ്ട്.[1] നിരവധി സംഗീത പര്യാടന പരിപാടികളും അവതരിപ്പിക്കുകയും ധാരാളം ചിത്രങ്ങളിൽ പാടുകയും ചെയ്തു. ഗസൽ ആലാപാനത്തിന്റെ രജതജൂബിലി പൂർത്തിയാക്കിയ അദ്ദേഹത്തിന് 2006 ൽ ഭാരത സർക്കാർ പത്മശ്രീ പുരസ്കാരം നൽകി ആദരിച്ചു.[2]
ജീവിതരേഖ [തിരുത്തുക]
ഗുജറാത്തിലെ രാജ്കോട്ടിനടുത്തുള്ള ജേത്പൂരിൽ ഒരു ജമീന്ദാർ കുടുംബത്തിലാണ് പങ്കജ് ഉദാസ് ജനിച്ചത്. അച്ഛൻ:കേശുഭായ് ഉദാസ്. അമ്മ:ജിതുബേൻ ഉദാസ്. മൂന്ന് മക്കളിൽ ഏറ്റവും ഇളയവനാണ് പങ്കജ്. ഇദ്ദേഹത്തിന്റെ മൂത്ത സഹോദരൻ മൻഹർ ഉദാസ് ഹിന്ദി ചലച്ചിത്ര ഗായകൻ എന്ന നിലയിൽ ചെറിയ വിജയങ്ങളൊക്കെ നേടിയിട്ടുണ്ട്. ബോംബെയിലെ സെന്റ് സേവിയേഴ്സ് കോളേജിൽ പഠനം നടത്തി.
അവലംബം [തിരുത്തുക]
- ↑ http://www.madhyamam.com/news/42499/110201
- ↑ http://india.gov.in myindia/padmashri_awards_list1.php
 |
സംഗീതജ്ഞരെക്കുറിച്ചുള്ള ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. |
