ന്യൂറോബ്ലാസ്റ്റോമ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Neuroblastoma, NOS
വർഗീകരണവും ബാഹ്യ ഉറവിടങ്ങളും
Neuroblastoma rosettes.jpg
ന്യൂറോബ്ലാസ്റ്റോമ കലകൾ സൂക്ഷ്മദർശിനിയിലൂടെ
അന്താരാഷ്ട്ര രോഗ വർഗ്ഗീകരണം-10 C74.9
അന്താരാഷ്ട്ര രോഗ വർഗ്ഗീകരണം-9 194.0
ഐ.സി.ഡി-ഓ: M9500/3
മെ.മനു.പാ കോഡ് 256700
രോഗവിവരസംഗ്രഹ കോഡ് 8935
മെഡ്‌ലൈൻ പ്ലസ് 001408
ഇ-മെഡിസിൻ med/2836  ped/1570
വൈദ്യവിഷയശീർഷക കോഡ് D009447

കുട്ടികളിൽ ഉണ്ടാവുന്ന ഏറ്റവും സാർവ്വജനീനമായ മസ്തിഷ്കേതര അർബുദമാണ് ന്യൂറോബ്ലാസ്റ്റോമ.[1] ന്യൂറൽ ക്രസ്റ്റ് കോശങ്ങളുടെ അമിതവളർച്ച മൂലമാണ് ഈ രോഗം ഉണ്ടാവുന്നത്. സാധാരണയായി ഇത് അഡ്രിനൽ ഗ്രന്ധിയുടെ മെഡുല്ലയിൽ നിന്നാണ് ഉൽഭവിക്കുന്നതെങ്കിലും കഴുത്തിലെയും, വയറ്റിലെയും മറ്റ് ഭാഗങ്ങളിലെയുമൊക്കെ ഞരമ്പുകോശങ്ങളിൽ നിന്നും ന്യൂറോബ്ലാസ്റ്റോമ ഉണ്ടാവാം. ന്യൂറോബ്ലാസ്റ്റോമ രോഗികളിൽ അൻപതു ശതമാനവും രണ്ട് വയസ്സിന് താഴെയുള്ള കുട്ടികളാണ്.

രോഗലക്ഷണങ്ങൾ[തിരുത്തുക]

നിശ്ചിതമായ രോഗലക്ഷണങ്ങൾ ഇല്ലാത്തതുകൊണ്ട് രോഗനിർണ്ണയം താരതമ്യേന ബുദ്ധിമുട്ടാണ്. ക്ഷീണം, പനി, ഭക്ഷണത്തോടുള്ള വിരക്തി എന്നീ രോഗലക്ഷണങ്ങൾ സാധാരണമാണ്.[2] അർബുദം സ്ഥിതിചെയ്യുന്ന ശരീരഭാഗത്തിനും അത് പടർന്നേക്കാവുന്ന ഭാഗങ്ങൾക്കും അനുസരിച്ച് രോഗലക്ഷണങ്ങൾ ഇപ്രാകാരമാണ് :[3]

  • ഉദരം : വയറു വീർക്കലും, ശോധനക്കുറവും
  • മാറ് : ശ്വാസോച്ഛ്വാസത്തിന് ബുദ്ധിമുട്ട്
  • സുഷുമ്ന : നടക്കാനും, നിൽക്കാനും, മുട്ടിലിഴയാനും ബുദ്ധിമുട്ട്
  • മജ്ജ : വിളർച്ച[4]

രോഗകാരണം[തിരുത്തുക]

അനാപ്ലാസ്റ്റിക് ലിംഫോമ കൈനേസ് ജീൻ മ്യൂട്ടേഷൻ ഉള്ളവരിൽ പാരമ്പര്യമായി ന്യൂറോബ്ലാസ്റ്റോമ കണ്ടുവരുന്നു. LMO1 ജീൻ ന്യൂറോബ്ലാസ്റ്റോമയ്ക്ക് കാരണമാകും എന്നും കണ്ടെത്തിയിട്ടുണ്ട്.[5][6] ചെറുപ്പത്തിലേ ഉണ്ടാകുന്ന മാരകരോഗങ്ങൾ കാരണവും, മാതാവിന്റെ ഗർഭകാലത്തെ മനോനിലയുമൊക്കെ രോഗകാരണമായേക്കാം എന്ന് ചില പഠനങ്ങൾ സൂചിപ്പിക്കുന്നു.

രോഗനിർണ്ണയം[തിരുത്തുക]

കാറ്റക്കോളമീനുകളുടെ അളവിലുള്ള വർദ്ധനവ് മനസിലാക്കിയാണ് ന്യൂറോബ്ലാസ്റ്റോമ ഉണ്ടോ എന്ന് നിർണ്ണയിക്കുന്നത്. ഡോപമിൻ, ഹോമോവാനിലിക്ക് ആസിഡ്, വാനിലൈൽ മാൻഡലിക്ക് ആസിഡ് എന്നിവയാണ് അളക്കാവുന്ന കാറ്റക്കോളമീനുകൾ.[7] mIBG സ്കാൻ ഉപയോഗിച്ചും ന്യൂറോബ്ലാസ്റ്റോമ രോഗനിർണ്ണയം നടത്താനാകും. ബയോപ്സി സ്പെസിമെനിൽ ചെറിയ, നീലനിറത്തിലുള്ള, പൂവിന്റെ ആകൃതിയിലുള്ള കോശഗണങ്ങൾ കാണപ്പെടും.[8]

ചികിത്സ[തിരുത്തുക]

പലതരം ചികിത്സാവിധികൾ ഒരുമിച്ച് ഉപയോഗിച്ചാണ് ചികിത്സ നടത്തുന്നത്. കീമോതെറപ്പി, റേഡിയേഷൻ തെറപ്പി, വിത്തുകോശം മാറ്റിവയ്ക്കൽ, മോണോക്ലോണൽ ആന്റിബോഡി തെറപ്പി എന്നിവയിൽ രണ്ടിലധികം ചികിത്സാവിധികൾ ഒരുമിച്ചു പ്രയോഗിക്കുന്നു.

അവലംബം[തിരുത്തുക]

  1. "eMedicine - Neuroblastoma : Article by Norman J Lacayo, MD". ശേഖരിച്ചത് 2008-07-30. 
  2. "Neuroblastoma in children : Cancerbackup". ശേഖരിച്ചത് 2008-01-01. 
  3. "Neuroblastoma: Pediatric Cancers: Merck Manual Professional". ശേഖരിച്ചത് 2008-01-01. 
  4. Friedman GK, Castleberry RP (December 2007). "Changing trends of research and treatment in infant neuroblastoma". Pediatr Blood Cancer 49 (7 Suppl): 1060–5. PMID 17943963. ഡി.ഒ.ഐ.:10.1002/pbc.21354. 
  5. Mossé YP, Laudenslager M, Longo L, et al. (October 2008). "Identification of ALK as a major familial neuroblastoma predisposition gene". Nature 455 (7215): 930–5. PMC 2672043. PMID 18724359. ഡി.ഒ.ഐ.:10.1038/nature07261. 
  6. New Gene For Childhood Cancer Neuroblastoma Is Discovered (Report). November 2010. http://www.newswise.com/articles/new-gene-for-childhood-cancer-neuroblastoma-is-discovered.
  7. Strenger V, Kerbl R, Dornbusch HJ, et al. (2007). "Diagnostic and prognostic impact of urinary catecholamines in neuroblastoma patients". Pediatr Blood Cancer 48 (5): 504–9. PMID 16732582. ഡി.ഒ.ഐ.:10.1002/pbc.20888. 
  8. Pashankar F,O’Dorisio M, Menda Y (2005). "MIBG and somatostatin receptor analogs in children: current concepts on diagnostic and therapeutic use". Journal of Nuclear Medicine 46 (1 (suppl)): 55S–61S. PMID 15653652. 
"http://ml.wikipedia.org/w/index.php?title=ന്യൂറോബ്ലാസ്റ്റോമ&oldid=1692146" എന്ന താളിൽനിന്നു ശേഖരിച്ചത്